2010年8月26日 星期四

心痛

哩幾日相信冇一個香港人會開心,每次睇到有關嘅新聞片段或報章嘅報導後,淚水都忍唔住流出嚟,真係好心痛。


傍晚時份,從電視見到梁太陪住Jason終於返到嚟香港,總算叫做成團人返晒嚟,而家希望亡者安息,一路走好!所有傷者都可以早日康復,其他人亦可以克服到心理上嘅陰影,堅強振作咁面對將來吧!


2010年8月22日 星期日

8月21日 ~ 香港心理衛生會賣旗日

     多謝.....

            
            
          
.....多謝


賣旗活動圓滿結束,多謝所有當日幫哩個買過旗嘅人,短短幾個鐘嘅活動,睇到好多人生百態,亦令自己都上咗寶貴嘅一課啊!


        


如果大家今個星期六喺街有人搵你買旗,嗰個人可能係我嚟咖!到時請大家多多支持啊!



香港心理衛生會成立於1954年,是一個以推廣心理生為主的非牟利社會服務機構,一向致力促進社會人士對心理健康的認識和關注,並為弱智人士及精神病康復者提供康復服務,包括住宿服務、日間訓練、職業康復治療服務、社區照顧及支援服務、心理健康義工服務及心理健康教育服務等。
服務運作經費主要來自政府資助、香港公益金撥款及各界捐贈。


想了解哩個機構更多資料,可以入去哩到睇睇啊!http://www.mhahk.org.hk/chi/index.htm


   


2010年8月2日 星期一

開工大吉!

今日終於結束咗八個月加九日嘅病假,正式復工,心情相當緊張。


由於公司有一些新安排,一部份員工須要換位,而我都包括在內,所以返到去第一份工作就係拾嘢調位。


當日check到有腫瘤到決定做手術都好急,完全無任何準備,所以平時畫開嘅日曆一直停留喺2009年11月20日。



當時圈住11號係提自己約咗做body check,而27號係諗住攞日假休息吓!


十點幾終於拾好自己個位



同事們都好好,大家都就住我,所以今日無咩貢獻,只係適應吓環境,六點半就平安收工啊!希望唔使好耐就可以跟得返個進度啦!


無論如何今日係我嘅新開始,哩32編「與癌症抗作戰的日子」亦告一段落,多謝大家一直以嚟對我嘅支持同鼓勵,我哩個blog係時候回復寫我嘅旅遊點滴,啲唔好嘅嘢以後都唔好嚟搵我嗱!