2015年9月21日 星期一

2015' 中部北陸紅葉八天遊(計劃中)

剛剛完成大阪暑假五天遊記後,又係時候準備下個月出發嘅中部、北陸旅程。

地點包括立山黑部

上高地

重有高山同埋名古屋。

今次同前年相比、去嘅地方會少咗!但每個地方停留時間會多咗!因為上次無玩松本,所以會留大半日松本市內遊,然後去立山黑部嘅起點駅 ~ 信濃大町停留一晚後可以第二朝早一早上山。
另外係停留上高地一晚,都係因為前年喺上高地遇上大風雪未能盡興,今次留多少少時間好好咁享受一吓哩個神住嘅地方。

2013 中部‧北陸八天

Day 1:香港 → 名古屋 → 松本
Day 2:松本 → 信濃大町
Day 3:信濃大町 → 扇沢 → 黑部湖 → 室堂
Day 4:室堂 → 立山 → 富山 → 高山
Day 5:高山 → 平湯溫泉 → 上高地
Day 6:上高地 → 平湯溫泉 →  高山 → 名古屋
Day 7:名古屋
Day 8:名古屋 → 香港


今次嘅交通都同前年行程大同少異,我睇咗一啲網友Update嘅資料,決定會買兩個Pass。

1)アルペンきっぷ (Alpine Ticket) ,哩個套票有兩個路線可選擇。

我會選擇左手邊嘅ひだコース,經由名古屋往松本、信濃大町至立山,富山至高山,再由高山返回名古屋。套票可坐特急列車,當中包兩次指定席 (我會用喺名古屋至松本及高山往名古屋)。
每程費用:1) 名古屋 → 松本 6,030円
                    2) 松本 → 信濃大町 650円
                    3) 信濃大町 → 富山 10,850円
                    4) 富山 → 高山 2,840円
                    5) 高山 → 名古屋 6,030円
套票費用:18,610円
用套票後可要慳到7,790円,都幾大差別啊!

第二個套票係濃飛巴士由高山經平湯溫泉往上高地往復,單獨每程買要5,190円,雖然買套票唔係慳好多,但都係嗰句,唔使次次買票都係方便啊!


            我的足跡

2015年9月5日 星期六

2015' 大阪、奈良暑假五天行


前言: 2015' 大阪、奈良暑假五天行 (點一下項目便可以入到有關文章)  

交通 (點一下下面嘅項目便可以入到有關文章)
交通篇

(點一下下面嘅項目便可以入到有關文章)
Day 1.1 @ 大阪到着
阪くらしの今昔館
Day 1.2 @ 大阪海遊館
Day 2.1 @ 池田インスタントラーメン発明記念館
Day 2.2 @ 天王寺動物園
Day 3.1 @ 環球影城

Day 3.2 @ 環球影城
Day 4.1 @ 奈良公園
Day 4.2 @ 心齋橋
Day 5 @ 黑門市場、関西空港


酒店 (點一下下面嘅項目便可以入到有關文章)
Day 1~5:クロスホテル大阪(Cross HoteOsaka)

五天行程轉眼就完,為的是飛一轉散散心,今次同行有表妹同佢囝囝朗朗,雖然小朋友都九歳,但都不適宜移動太多,而且只有短短五日,所以成個行程最遠只有去奈良,其他都只喺大阪內走走。

我都好耐無試過暑假期間出遊,上次都係七月時份去北海道睇花,今次七月出發大阪天氣確實熱,每日都三十四、五度,中午時間啲太陽真係辣肉咖!

哩個行程完全係依住小朋友為中心而設計,雖然無咩期待或驚喜地方,但三個人都玩得相當開心啊!


第一天~  大阪海遊館


第二天 ~ 天王寺動物園

第三天 ~ 環球影城 


第四天 ~ 奈良公園

第四天 ~ 心齋橋

第五天 ~ 黑門市場










Day 5 @ 黑門市場、関西空港

2015年07月15日 / 星期三 (第五天)
15:35~16:11 | 特急ラピートβ49号)| 関西空港 → 難波  1,130円 / 570円
19:00~21:55 | CX569 | 関西空港 → 香港

(交通收費及詳細資料請往交通篇)

酒店:クロスホテル大阪 (Cross HoteOsaka)

大阪最後一日,我都係安排黑門市場為我哋最後一個行程。 路經郵局,表妹同朗朗入去買咗張明信片寫上今次行程嘅經歷寄返香港。

因為我已經嚟過黑門市場幾次,所以都無咩特別影相,不過雖然嚟咗咁多次,每次嚟到都話哩到啲藥房同手信店都比較平,下次要留一日嚟哩到掃貨,但每次都係安排哩到為最後行程。

黑門市場 (文章來自:U Travel)
黑門市場被稱為「大阪的廚房」,內裡有很多抵食、抵買的食店、零食店、水果店和藥妝店。




好大個魚頭呀!

今次嚟到感覺最大分別係多咗好多即燒牛肉店同埋即買即食嘅海產店。


我哋行咗一圈後就去無料休憩所到搵返個位坐底準備喺到買嘢食,哩到幾好咖!有得坐,有洗手間,重有洗嘢用嘅鋅盤同清潔布供應。不過唯一缺點係夏天嚟無冷氣供應會熱啲,門口有兩把大風扇,所以我哋揀坐到最出對住把風扇。


朗朗坐底,我同表妹去買嘢食。好多選擇都唔知食邊樣先係。

買壽司比朗朗食



我想食和牛




再嚟要食生蠔同海膽



海鮮處理中

新鮮海膽

新鮮海膽 + 肥味生蠔

再買個南瓜天婦羅

買齊嘢要開餐啦!

拖羅壽司 ~ 2,000円

什錦壽司 ~ 1,200円

生蠔 ~ 1,200円 / 只

海膽 ~ 2,200円 (哩個覺得有啲貴,喺築地都係700円一個咋!)

不過真係好肥味,但表妹話啲味怪怪哋,佢接受唔到喎!

和牛 ~ 3,024円 (94g)

南瓜 ~ 120円 / 只

真係大滿足,食飽清理返枱面後就向Tokyu Hand前進,因為前一晚 post 咗我壯觀嘅購物成績相上朋友組群,大家原來對哩個電風扇有興趣,所以要再去一次幫大家入貨。

真係咁好用??!!不過比喺香港網購或店舖買平一半,1,005円一部。我一共買咗十四部。

買好晒嘢就返酒店攞埋行李坐車出機場。 兩個喼嚟,四個返去。


一樣坐返南海特急出機場,今次駛入月台嘅唔係平時見嘅藍色列車,而係由白、紫、粉紅組成嘅列車,車頭印有 peach,好sharp好新鮮呀!




一直擔心買咁多嘢會過重,好彩三個喼都係52.2 KGS啫!

未夠鐘上機,表妹請食甜品作哩個旅程嘅結尾。


食飽係時候入閘啦!懷住依依不舒心情回歸啦!

今次班機出奇地唔滿,坐得好舒服。

食埋哩個飛機餐,成個旅程就係咁結束啦!下一次要到十月立山、上高地紅葉之旅啊!又一次期待呀!