2012年4月29日 星期日

酒店 - 難波東方酒店 (2012京、阪、神發花癲之行)

なんばオリエンタルホテル(難波東方酒店)
住所:542-0074 大阪市中央区千日前2-8-17











哩間酒店係Package包,位置非常方便,喺千日前裡面,心齋橋、道頓堀都係喺附近。
(酒店四周環境地圖:http://www.nambaorientalhotel.co.jp/information/index.html)


酒店大堂喺三樓



先要用房咭過咗大堂嘅閘先可以坐升降機上房。


我哋住兩人房加床


房間都算大,起碼三個人都唔覺得好迫。


加嘅床係用梳化拉出,都幾舒服啊!


一個普通嘅浴室




設備齊全



我哋今次住四樓,即係平台哩層,平台有個幾靚嘅花園咖!







花園種咗好多好靚嘅花啊!








夜晚開咗燈都好有氣氛咖!
































Day 5.3 @難波 (2012京、阪、神發花癲之行)

喺三宮駅Locker攞返行李後就搭有馬、六甲周遊劵包嘅最後一程車程 - 三宮→梅田
當然亦係要揀急行列車





到咗梅田就轉地下鉄御堂筋線去難波,個pass用完嗱!要比錢買票嗱!



幾個駅就到啦!



返到難波東方酒店,好快就辦理好入住手續,之前放底嘅行李亦已經幫我哋送晒上房啊!




喺酒店休息咗陣就行過去心齋橋食飯嘞!

落街嘅時候原來落雨啊!






心齋橋嘅地標


我哋哩晚嘅目標係北極星嘅蛋包飯



入到店第一樣嘢係先除鞋,然後鎖入鞋櫃。



北極星而家有幾間分店,但係我都係揀返嚟總店,比較有風味呀!



我嘅蛋包飯呀!


切開蛋包,裡面一粒粒晶瑩通透嘅飯。





有幾好食....以我哩個唔好飯嘅人,你話有幾好食呢?



食飽四周圍行一陣買咗少少嘢見雨勢越嚟越大就決定返酒店早啲休息啊!



心齋橋招牌開晒燈真係幾靚啊!






嚟咗咁多日,終於出手使咗少少錢,因為每日都行到腳疪,而且哩幾日又無得浸溫泉,所以要買膏貼同藥膏幫對腳舒緩舒緩啊!

Day 5.2 @神戶 (2012京、阪、神發花癲之行)

有馬溫泉駅坐電車到三宮嘅車資係有馬、六甲周遊劵包括的,所以只需要攞個pass入閘就可以啊!

同樣地個pass會印上第二日啟動嘅日期同駅名



由有馬溫泉到三宮需要轉幾次車,看似複雜,但實際唔難,只須要喺適當嘅車駅落車再到對面月台轉車便可以,即係好似喺旺角、金鐘轉車一樣。
而且轉車嘅班次配合得好好,坐緊嘅列車到駅,轉車月台列亦會同步到駅,所以唔使等就可以上到要轉坐嘅列車,唔似得港鐵咁,次次轉車埋駅,對面月台嘅列車就開。

1. 有馬溫泉 → 有馬口


2. 有馬口 →谷上       3. 谷上 → 新神戶


4. 新神戶 → 三宮

到咗三宮後,我哋先喺車駅外搵個Locker放好啲行李,雖然只係一個手拖背囊,但因為要坐巴士同行街,所以租用個Locker方便啲啊!
之後就到三宮車駅外的City Loop觀光巴士駅等車。

觀光巴士路線基本上可以去晒神戶所有觀光點,車資一程250円,一日劵600円,如果想用觀光巴士遊覽神戶買一日劵都幾底,可以喺觀光巴士上購買,但我哋只係諗住搭一次,所以無需要買一日劵。

City Loop Bus 路線
http://www.kctp.co.jp/pdf/cityloop_naka230401.pdf


City Loop Bus 時刻表

http://www.kctp.co.jp/pdf/cityloop_omotenaka230401.pdf

我哋嘅目的地係美利堅公園,相信一般人都會去北野異人館,但我覺得雖然嗰到啲建築物係靚,但我哋都成日接觸到啲歐洲建築物,所以興趣不大。而喺上次07年嘅京都、大阪行我都無嚟神戶,只係路過三宮,之前跟團嚟過覺得無咩特別嘢睇,不過由於媽咪未嚟過,所以帶佢去美利堅公園睇吓當年哩個阪神大地震遺留下嘅少少遺跡囉!

博物館同神戶塔係神戶嘅地標啊!





喺神戶基本上已經完全睇唔到任何比地震破壞嘅痕跡,政府特意保留哩一少部份破壞咗嘅碼頭比大家感受一吓當時地震嘅破壞力。



對於我哩個香港人無面對過地震嘅人,見到哩個場面其實都覺得幾震撼咖!雖然我已經係第二次嚟哩到,但見到哩個環境,好覺得大自然嘅破壞力真係好大,再加上去年311,就更加覺得所有嘢都可以喺一瞬即逝啊!


其實除咗地震遺址外,其實都只係公園一個,不過地方就真係幾舒服啊!




我覺得哩間酒店加隻船已經成為神戶標誌之一,因為睇好多神戶嘅資料,好多網誌都會放哩張相呀!我都唔拾輸呀!


神戶塔後面起緊樓,好破壞景觀啊!


我哋無上神戶塔展望台



公園內重有幾棵櫻花呀!而且我花芯重係綠色咖!好靚好清新嘅感覺。









話無咩嘢行都行咗個幾鐘,坐底食杯雪糕抖吓先!


哩條生锈魚有咩意思呢?


哦原來係餐廳標誌。


喺一個小公園又見到一棵又濃又密又紅嘅櫻花樹啊!








離間公園後就向住元町商店街進發




我哋見到大丸百貨就講日本間間大丸都好似一模一樣樣,係咪呢?點知有個講廣東話嘅太太同我哋講,係呀哩間大丸咪就係香港嗰間囉!全間新起咖!四周圍啲樓都係新起咖!之前嗰啲喺神戶大地震時冧嘢嗱!而家哩到棟棟樓都係地震後重建咖! 太太可能只聽到我哋一半嘅說話,所以答嘅嘢好似有啲令我哋摸不著頭腦,不過都好多謝佢嘅資訊啊!




元町商店街

商店街好長好似好多嘢賣,但行街shopping唔係我哋強項,所以行咗一陣就過咗去中華街。


本來無諗住行中華街,無論外國嘅唐人街或日本嘅中華街,我都興趣不大,不過又唔想喺商店街行回頭路,所以就兜入去行個圈啦,


好傳統一條中華街


好多食店,但完全吸引唔到我哋。





哩隻片皮鴨又瘦又乾,但價錢唔平。

賣相一啲都唔吸引





哩檔饅頭有啲好得意嘅饅頭賣


豬豬鏝頭幾cute


行完無幫襯後就繼續向花時計方向行,但花時計嘅花鐘比我睇相嘅失色啊!



反而對面馬路旁嘅花重更加靚、更加吸引啊!


啲頻色好sharp呀!



搞到我繼續發花癲呀!





哩隻花好似粒星星咁,好得意呀!




哩隻花都好靚呀!




影完咁靚嘅花花之後,本來諗住走咖啦!但突然見到我好想去嘅手工用品專門店 ユザワヤ!我之前淨係寫底咗京都同大阪嘅地址,估唔到喺神戶無意中就嚟到,緊係要去睇吓啦!




上到去毛冷部,我簡直傻咗,點解可以咁大咁多品種咖!而且重可以任模任揀,實在開心呀!







由於滙價問題,所以價錢唔係特別平,好多同香港差唔多,但款式、顏色真係好多,而特價嘅就真係幾底,所以無特別諗住織咩都買咗少少,綠、白色就織件BB背心比表妹快出世嘅BB,藍色嘅就未諗到啊! 媽咪喺另一層賣布料都睇得好開心呀!




睇完到三點幾,先諗起我哋重未食晏,但如果搵嘢食又會食唔落夜晚嗰餐,所以決定唔食住,返到難波先早啲去食晚飯啊!


返到阪急三宫駅嗱!