2016年11月26日 星期六

Day 2.3 @ 岡山 - 晚餐

2016年10月08日 / 星期六 (第二天)
07:41 ~ 08:36 | 特急はるか4 号 | 関西空港 → 新大阪 (自由席)
09:05 ~ 09:50 | 新幹線のぞみ5 号(N700 系) (博多行)  | 新大阪 → 岡山 (自由席)
11:15 ~11:32 | 山陽本線普通(新見行) | 岡山 → 倉敷
15:36 ~15:53 | 山陽本線普通(岡山行) | 倉敷 → 岡山

(交通收費及詳細資料請往實際交通篇)
酒店:三井ガーデンホテル岡山

返到岡山後就到全関西最大嘅Aeon Mall行街



其實都係一啲大路嘅品牌,好似無印、3 Coins等,目標係四樓嘅Jelly Beans,同埋超市買岡山出名嘅晴王青提。

粒粒都肥do do咖!好甜好香果香味啊!

行到六點多就先返酒店辦理Check In 手續後返房休息一下,跟住就去食燒牛,晏就太掛住啲牛,哩餐諗到唔諗一定係牛。

心水餐廳未出發自己睇定咗,係肉匠松屋



當晚並唔多人,唔使排隊就可入坐。




  

餐牌有啲一人餐好吸引,想點四個不同嘅一人餐,但店員話只可點四個同樣嘅一人餐,但二人餐就可以點不同嘅兩個二人餐,唔明啲準則係點,咁就聽話點咗兩個不同嘅二人餐。


每種牛都好好味呀!又係嗰句 ~ 好味到不得了呀!










食得好滿足呀!跟住就去激安消磨咗個幾鐘就返酒店去大浴場排隊沖涼瞓覺,抖足精神去聽日嘅重點行程 - 小豆島,好期待呀!



Day 2.2 @ 倉敷 美觀地區

2016年10月08日 / 星期六 (第二天)
07:41 ~ 08:36 | 特急はるか4 号 | 関西空港 → 新大阪 (自由席)
09:05 ~ 09:50 | 新幹線のぞみ5 号(N700 系) (博多行)  | 新大阪 → 岡山 (自由席)
11:15 ~11:32 | 山陽本線普通(新見行) | 岡山 → 倉敷
15:36 ~15:53 | 山陽本線普通(岡山行) | 倉敷 → 岡山

(交通收費及詳細資料請往實際交通篇)
酒店:三井ガーデンホテル岡山

行程第一個景點係倉敷美觀地區,由岡山坐在來線往倉敷都係十多分鐘車程。



車駅前有個好大嘅花鐘,令我諗起日內瓦呀!
 

由車駅步行往美觀地區大槪十多二十分鐘,經過一條長長嘅商店街,不過商店街無因為星期六而熱鬧,反而大多店舖都無開門而令到商店街感覺冷冷清清。

喺今次旅程裡見到好多店舖名都叫田中商店

嚟到阿智神社就即係到咗美觀地區範圍。

倉敷美觀地區尚保存著日本江戶時期直轄地盛極一時的繁榮情景,一街一景都有著樸實的風味。 流過整個倉敷美觀地區的倉敷川是1條由石垣砌成的河道,其中有10座青石拱橋跨越兩岸。兩岸儘是看不盡的楊柳與櫻花。漫步在古意盎然的純樸街道中,沿途可以欣賞商人們用於貯存貨物的白色牆壁的倉庫,至今尚保存著的貨場、大八車(過去運送物資的車)通行的石板路、相當於古時的路燈的常明燈等等,反映出當時的繁榮景象。19世紀下半葉,倉敷的商人開始積極吸收西洋文化,被視為倉敷文化象徵、擁有希臘風格的大原美術館就建於1930年。因為倉敷美觀地區保存狀態良好的日本江戶時期的宅戶、商店及倉庫等各有特色的優美建築呈現出江戶時期的日本風情,極富詩情畫意,因此人稱「美觀地區」,也使得這個地區被指定為「重要傳統建造物群保存地區」。

美觀地區確是一個非常美觀嘅地區,我安排嚟岡山就係見到一張美觀地區嘅相就被吸引嚟。



上咗一間餐廳嘅頂樓諗住高高望吓美觀地區,但高度唔夠,望出去都係建築物。

美觀地區內店舖都係幾有特色小店


行咗半個鐘,終於行到景點嘅熱點。就係哩到令我睇到就想嚟,雖然當日欠缺一個藍天,但環境都好優美啊!






有興趣可以坐吓艇仔


對面嘅建築物係觀光案內所,裡面有地圖及工作人員解答旅客問題。

影吓相行吓店舖,係時候要食晏啦!





隨意去咗一間係樹木包圍嘅餐廳,啱啱唔使排隊所以就係佢啦!


餐廳只有幾款菜式,雖然簡簡單單,但真係好好味!



一個普通嘅Pizza,加上一隻溫泉蛋成個味道都提升呀!真係好味到不得了呀!

最後芝麻雪糕做甜品結尾。

食飽再行一陣,途經一間疑似買牛串嘅舖頭,可能我哋太記掛住日本嘅牛,都未睇清楚就二話不說買咗三條,奇怪點解唔使返熱即刻喺玻璃櫃攞比我哋,一食落去就知中伏,係類似米餅但超難食嘅物體,四個人每人要啃三嚿,除有辣粉嘅超辣味外,成串嘢係無味道,好韌好黐牙,真係要打橫吞再用水灌落去呀!

行得差不多就行返出倉敷駅坐車返岡山。