2010年11月22日 星期一

一年了....

不經不覺原來一年了,上年今日躺喺病床上被宣判患上癌症,嗰種心情到而家都難以忘懷,電視劇集裡面就見得多哩啲場面,但點都估唔到自己有機會做主角呀!


一年過去 而家表面睇切好似回復正常,但傷口仍不時會吉吉痛,手臂亦會喺高舉時拉住痛,有時個腦會空白一片,明明要去做一件事,但轉頭無辦法諗到係要做啲咩,希望佢哋都會隨住時間嘅過去而漸漸離去啦!


 


2010年11月10日 星期三

三門仔 ~ 釣魚

剛過去嘅星期日去咗三門仔釣魚,因為亞姨識人喺嗰到有魚排,所以我哋可以上去玩啊!


三門仔碼頭,好靚嘅環境啊!




坐艇仔上魚排




到嗱!




開始釣嗱!魚排內有魚養嘅就唔可以釣,向出面就得嘞!




耐心咁等.......



其實水面都有好多細魚仔咖!



終於有魚上釣嗱!雖然細條啲,不過都好開心啊!



One more....



Two more....



哩條太細嘞!要放生呀!



玩玩吓要走鬼呀!原來魚排係唔可以釣魚,魚農處會有船嚟查咖!



最後都唔係釣咗好多,不過都玩得好開心啊!希望下次再有機會去玩吓啊!




 


2010年11月4日 星期四

馬不停蹄 兩日一夜盤龍峽 (下)

31/10/2010 星期日      

   

通常去得盤龍峽嘅團,因為車程都幾耐,大多數都係三日兩夜,不過由於我哋唔可以咁多人一齊放假,所以只可以做到星期六、日。就係咁我哋噚晚先到,瞓個覺今朝一早又要返出去嗱!不過走之前哩到都有個行程,係行山,由山頂行落嚟山腳。


出發前去餐廳食個早餐先!途經前一晚嘅露天表演場地呀!



今日餐廳係喺室外呀!所以好鬼凍呀!而早餐以自動形式,啲嘢食一攞埋位無耐就會凍晒。


唔好對哩間五星級酒店嘅早餐有期望,又係嗰句,食飽就算嗱!





哩到係服務中心,想浸溫泉、揼骨都係喺哩到安排。


哩個位置就係浸溫泉嘅地方,出面嘅位置好似水上樂園咁咖咋!我估啲水應該唔熱,埋面兩個池仔啲水就熱,幾大煙。


 



我咁鐘意浸溫泉,但返到嚟中國大陸嘅溫泉,我從來都唔敢去浸。首先驚佢處理啲水嘅手法,二係去用嘅人唔多守規矩,個個都唔會話涼乾淨先去浸,所以真係唔放心呀!



我哋嚟唔啱時候,唔好話花,搞條草睇吓都無呀!不過我都遇咗,所以都唔失望啊!



食飽就去頭先嘅服務中心等環保小巴車我哋上山項,每車只可以坐十六人,二百人真係有排排,所以又係先食飽先出發。我平時都係鐘意早, 所以我係第一批上山呀!




一上到嚟就首先見到幾個水車



環境好休靜舒服啊!



跟住就開始沿住樓梯由山頂行落山腳




都行得幾攰,但好彩沿途嘅風景都幾靚補返數。




我最鐘意哩張呀!






行咗成個鐘,終於去到下游地方嗱!



終點在望



完成咗行山行程,十點鐘就離開盤龍峽,中午去到七星岩食個晏同行公園。



哩個係咪叫七星湖呢?唔記得咗添!



對面係太陽島喎!



喺公園影返大合照,但二百人影咗都睇唔到邊個打邊個,所以我哋自己部門同屋企人單獨影返張。



最後一個行程係睇人整石硯







最後六點鐘返到順德食個晚飯,然後自費去酒家附近舖頭食大良薑汁撞奶,好好味呀!




雖然成個行程好似簡單,但我自己都覺得都唔錯啊!簡簡單單玩兩日都幾好啊!


                                                                                                              .....完