2012年3月24日 星期六

我的隨手冊

從網路上睇到好多台灣嘅背包客為自己嘅旅程製作一本度身嘅旅遊手冊,最初都只係一睇算吧,但慢慢又覺得自己做返本都唔難吖!而且我原本都已經做咗一本比較簡單粗糙嘅資料,只要將啲資料再更新同加插一啲詳細地圖就可以做到,所以最後自己亦郁手做返本啊!







最初簡單粗糙哩本只係將有用嘅資料集合後縮印釘裝埋一齊便算



簡單寫出每日行程



行車時刻表當然不能少



地圖亦不能缺


最後計算每日開資係我哋自由行重要嘅一環


哩本就係第一次自製嘅隨手冊,為方便携帶所以選用A5 size,即A4分兩份。


由於311嘅源故,一啲救助資料不能缺啊!所以首先列出一啲喺日本緊急時要用嘅電話,例如中國註大阪領事館、護照遺失、信用咭報失等,跟住就係航班資料及每人預算開支。


每日行程概要


酒店資料及位置


到達關西機場後要到JR Counter買JR West Pass 及嵯峨火車票


嵯峨火車嘅時刻表及坐位表印定出嚟會比較容易同counter職員溝通


每日詳細行程


查定每程交通嘅時刻表,時間容易掌握之外,上車前對一對列車水牌減低搭錯車嘅機會。
(頭幾頁計算錯誤,所以印出嚟時啲字太過貼邊沿,要再裁剪過先再cut開兩份。)



經過裁剪後,位置就啱啱好啊!


由於不能將全日所有班次詳細顯示,所以我通常會揀定最想搭嗰幾班列車每站嘅行車時間外,其他嘅就用一個概括嘅時刻表作參考,哩個表尤其當要揀選搭快速班次時就可一目了然啊!


行程中嘅位置大多從google map上印出嚟



有啲觀光地圖如用A5太細,跟本睇唔清楚,所以選用返A4 size。


但有馬溫泉區的地圖就算用A4 size都覺得太細,所以就把原張地圖放入手冊算吧!



另外有啲地圖仔就直接剪落嚟貼上去。


.


景點簡單介紹



京都大多景點都用巴士,所以準備埋巴士時刻表。

 

某啲展館嘅開放時間


 

當然食嘅不能少啊!


雖然啲日元高企,但一場去到,唔多唔少都要買吓嘢啊!


又買嘢、又食嘢,每日都要盤算吓用咗幾多錢,以免頭幾天就使大咗,無錢埋尾啊!


後面留幾版空白嘅寫吓啲無聊嘢或蓋紀念印


最後加上一個膠套以便放置一啲入場卷、收據或地圖之類嘅嘢。


大功告成,完成後同正文嘅京、阪、神攻略一樣大,不過就薄好多啊!

以下兩條link可以參考到Anita及 A*I Style嘅旅遊手冊製作。
http://anita225.pixnet.net/blog/post/26260842
http://aistyle.pixnet.net/blog/post/29589298



「又再」京、阪賞櫻行

記得上年311後,好唔捨得咁取消咗京都賞櫻之行,轉眼一年過去,雖然有啲災區重等緊重建,但日本大部份嘅地方都已經回復正常,而且我選擇嘅關西亦未受311嘅影響,所以擱置咗一年嘅賞櫻之行喺今年嘅年頭已經喺腦海又再浮現。


由於北海道同關西地帶未受311影響,所以這兩個地方都係而家比較多人到訪嘅地方,再加上四月係櫻花季節,所以都不敢怠慢,喺一月中已經聯絡Agent hold機位,同埋自己上網訂京都及有馬酒店。 今次係三人行 - 媽咪、細妹 + 自己。


 


喺京都駅附近有幾間心水酒店,喺一月至二月間, 酒店或 Jalan.net 都不斷調整房價,當中有升有跌,最後落實嘅酒店都係喺07年到訪京都時已經住過嘅Apa Hotel堀川通,揀佢除咗因為佢價錢比其他酒店平之外,佢頂樓有個大浴場亦係最大吸引我嘅原因。



雖然我已經去過有馬溫泉,但由於媽咪未去過關西,所以我都想帶佢去哩個日本三古湯之一嘅有馬溫泉浸一浸,今次就揀咗奥之坊,佢比較近有馬溫泉駅,同埋價錢亦係同區中最平嘅一間,選擇無浴室同洗手間,每人房租可以再減2000円。

最後大阪酒店係套票包,本想住Cross Hotel,但二月國泰假期並無哩間酒店可以揀,
 最後又係揀返07年住過嘅難波東方酒店 (Namba Oriental Hotel) ,住生不如住熟嘛!而且佢嘅位置喺千日前內,無論去心齋橋、道頓堀或出關西機場都好方便啊!





由於今次嘅行程基本上係上年已
plan好,所以只須要喺網絡中update一吓交通資料就可以,不過喺過程中,見到好多台灣嘅背包客到訪一啲比較少遊客去嘅地方,其中睇到京都嘅山科疏水道喺春天季節水道兩旁會開滿櫻花同油菜花,個畫面真係好靚,所以就改一改行程,將哩個咁靚嘅地方加入咗去,希望到時我都可以睇到咁靚嘅場面,返嚟同大家分享啊!














除此之外,我重見到啲背包客好多都好有心機自製一本度身嘅旅遊手冊,原本自己都已經好粗糙咁準備咗一本,但見佢哋個個都整得好精美,而今次我準備資料嘅時間充裕(因為好多資料上年已做好),所以都忍唔住整理一下資料做返一本。原來自己都幾享受製造嘅過程,當手冊做起嘅時候好似已經將自己嘅行程預演咗一次,好有滿足感啊!




 簡單粗糙的旅遊手冊














為自己度身製造的旅遊手冊



以下兩條link可以參考到Anita及 A*I Style嘅旅遊手冊製作。 而我自己嗰本下一篇先post吧!不過無佢哋做得咁好啊!失禮晒!
http://anita225.pixnet.net/blog/post/26260842
http://aistyle.pixnet.net/blog/post/29589298