2012年12月30日 星期日

Day 2.1 新加坡三天四人行


Day 2.1: Lavender   Botanic Garden (National Orchid Garden胡姬花園

哩日係成個行程嘅重點。因為B女係一個花痴,佢好耐之前已經同我講新加坡有個蘭花園,所以今次就還佢心願吧!

由於酒店無包早餐,所以先到酒店旁嘅食街,求其搵間食店食個早餐先。

哩到啲早餐一啲都唔平,尤魚花生粥 - SGD3.50;肉碎粥 - SGD3.00。








叻沙 - SGD4.80


魚蛋油麵 - SGD4.80 (超難食)






如果只係我同大笨蛋就一定買個麵包就算數,咁嘅早餐就食咗百幾蚊港幣,真係好貴呀!

食飽後就搭MRT出發。 由Lavender 坐East West Line (綠色線)至Buona Vista (EW21/CC22) 轉Circle Line 便可直達Botanic Gardens。
全程大槪半個鐘,都幾方便啊!


Botanic Garden嘅入口就喺MRT站旁邊,非常方便。










雖然公園入口近在咫尺,但新家坡國家公園嘅範圍係好大,所以由公園入口行去胡姬花園係有一大段路,以B女同埋老豆嘅龜速,足足行咗九個字先行到胡姬花園嘅入口啊!


當日嘅太陽非常猛烈,氣溫都幾高,所以連我哋行起上嚟都有啲吃力呀!












公園內一對銅公仔,見到佢哋代表就快到目的地啦!





終於到啦!門口啲蘭花真係好靚呀!



成個公園淨係哩個花園要比入場費。


大人一位SGD5.00,六十歲以上就SGD1.00。



入場啦!嚟緊嘅全部都係花,無興趣可以跳過啊!



好靚嘅蘭花呀!




































啲花個感覺好新鮮呀!


















哩個品種喺京都植物園見過啦!




























 











 

 

Day 2.2 新加坡三天四人行







2012年12月29日 星期六

Day 1.2 新加坡三天四人行

Day 1.2 : 老巴刹  →   武吉市 →  Lavender


離開魚美獅公園後,我哋就沿住Fullerton Hotel 行返去Raffles Place車站,再向老巴刹方向前進,原本真係諗住龜速行過去,但行到一半,天色開始變黑,重不時聽到隆隆聲嘅雷响,所以都係加速腳步為妙,最後雙腳剛踏入老巴刹,大雨就從天而降,真好彩啊!





由於落雨關係,露天攤檔全部無開,我哋唯有喺市場內搵位坐底。
一坐底,已經有好多人攞住啲menu嚟爭生意。

我哋揀咗串燒、燒魔鬼魚、炒貴习同一碟炒菜。價錢唔平,但味道一般。

沙爹串燒三十條(牛、雞、蝦各十條)  SGD36.00  燒到好黑呀!不過啲肉都重好淋。




燒魔鬼魚 SGD12.00  好似燒得唔係好夠火喉



 


炒貴习SGD10.00  哩個味道唔錯




 炒菜 SGD8.00  非常的式呀!


 

原本諗住食飽就行去隔離克拉碼頭影吓夜景,但場雨雖然細咗,但仍然不停咁落,所以最後決定改去武吉士(Bugis)行一陣。


唔知點解今次影啲相成日都手陣,搞到啲相好矇呀!


.




其實我覺得哩到好似香港嘅女人街咁無咩特別,不過B女同老豆未嚟過,都係要帶吓佢哋嚟啊!





哩到啲磁石貼好多款咖!比起魚美獅旁嘅手信店平好多!B女都買咗個呀!





係咁意用半個鐘行咗一個圈,老豆個樣都已經非常倦,於是決定打道回府啊!
經過Bugis Junction裡面有間舖頭賣嘟嘟糕,緊係買咗件做宵夜啦!

返到酒店樓下,哩間好出名嘅豆漿店都未收舖,又幫襯買咗杯豆漿




食完宵夜後,沖個涼就去瞓啦!

 



Day 2.1 新加坡三天四人行