2017年3月26日 星期日

Day 3.3 @ 小豆島 - 潮漲中的天使之路

2016年10月09日 / 星期日 (第三天)
07:33 ~ 08:10 | 岡電バス 91号 | 岡山駅 → 新岡山港
08:30 ~ 09:40 | フェリー| 新岡山港 → 土庄港
10:10 ~ 10:51 | バス 田ノ浦映画村線 | 土庄港 → 草壁港
11:00 ~ 11:14 | バス神懸線  | 草壁港 → 紅雲亭
11:24 ~ 11:29 | コインロッカー | 紅雲亭 → 寒霞溪
12:54 ~ 13:01 | コインロッカー | 寒霞溪 → 紅雲亭
13:10 ~ 13:24 | バス神懸線 | 紅雲亭 → 草壁港
13:36 ~ 13:40 | バス坂手線・南回り福田線(上り)| 草壁港 →オリーブ公園口
16:32 ~ 16:58 | バス 田ノ浦映画村線 | サ ン・オ リ ー ブ→ 国際ホテル(エンジェルロード前)

(交通收費及詳細資料請往實際交通篇)
酒店:小豆島国際ホテル (Shodoshima International Hotel)

好快巴士就駛到天使之路,亦即係我哋今晚要入住嘅酒店。




 到達時差不多日落時份,天使之路開始潮漲,我哋先上房放底背包後就跑往酒店對出沙灘睇只淨下一半嘅天使之路。



喺夕陽襯托下,整個環境都好美呀!





天使之路旁有條小徑可前往小山丘,由高處另一個角度欣賞天使之路,真係好足滿足啊!






太陽差唔多落晒山,天開始黑就返酒店,飯前先落去浸個溫泉,跟住就去餐廳食一個豐盛嘅晚餐。




當晚嘅晚餐真係超豐富同好味,好多時我同大笨蛋都覺得溫泉酒店嘅餐點都係太精緻,好睇但唔好食,但哩餐係好睇又好食啊!


哩四個鍋煮緊鮑魚呀!









飽到最後三色麵都食唔落。

食飽後返上房抖抖再去浸多次溫泉就大滿足咁返房睡覺。


Day 3.2 @ 小豆島 - 橄欖山公園

2016年10月09日 / 星期日 (第三天)
07:33 ~ 08:10 | 岡電バス 91号 | 岡山駅 → 新岡山港
08:30 ~ 09:40 | フェリー| 新岡山港 → 土庄港
10:10 ~ 10:51 | バス 田ノ浦映画村線 | 土庄港 → 草壁港
11:00 ~ 11:14 | バス神懸線  | 草壁港 → 紅雲亭
11:24 ~ 11:29 | コインロッカー | 紅雲亭 → 寒霞溪
12:54 ~ 13:01 | コインロッカー | 寒霞溪 → 紅雲亭
13:10 ~ 13:24 | バス神懸線 | 紅雲亭 → 草壁港
13:36 ~ 13:40 | バス坂手線・南回り福田線(上り)| 草壁港 →オリーブ公園口
16:32 ~ 16:58 | バス 田ノ浦映画村線 | サ ン・オ リ ー ブ→ 国際ホテル(エンジェルロード前)

(交通收費及詳細資料請往實際交通篇)
酒店:小豆島国際ホテル (Shodoshima International Hotel)

喺巴士站等咗一陣就有車到前往下一站- 橄欖公園。



原本灰暗天色,但當嚟到橄欖公園後好似知我哋要影藍天襯托下嘅大風車,天色開始變藍及陽光耀眼。第一次見到橄欖樹,一粒粒橄欖釣喺樹上。新奇又有趣啊!



大風車我終於嚟到啦!



由於哩到喺真人版嘅魔女宅急便拍攝現場,館內有好多毛婆掃把免費供給遊客影相,所以好多人都攞住掃把不斷跳,影出嚟效果有真係幾似啊!



公園中央係案內所、手信店及餐廳。
 


 
館內有擺放嘅雕像


影咗一大輪後首先去醫肚,公園內只有一間餐廳,非常好彩地剛剛坐到最後一張枱,喺我哋後面嘅人都要留底電話等有位時餐廳再通知。


餐廳選擇唔多,由於受前一日嘅溫泉蛋Pizza影响,所以見餐牌上有一樣嘅Pizza都叫返個。


食飽後再行吓手信店,全是橄欖製成嘅產品。


食飽、買夠就再到公園行一陣。







等巴士到達時間,巴士駛入橄欖公園嘅班次一日只有幾斑,而我哋坐哩班亦係最後一班,所以迫滿咗人,好彩係有關部門預算到人多,同時段開兩間巴士過嚟載走遊客。