2013年6月9日 星期日

中部‧北陸八天行

八天中部北陸之行,無驚無險下順利完成。出發前一直好擔心交通嘅問題,好彩所有行程都係我預計內,並無任何大問題出現。全個行程只有一次行錯路。事源係喺黑部水庫落咗車之後應該先上咗展望台後再前往黑部平車駅,但當時有幾團台灣團同車,落車後一心諗住要行得快過佢哋,就係咁一心急就錯過咗展望台嘅入口,搞到行咗落水壩再要行返轉頭,真激氣!

提外話,哩次行程遇到好多台灣團,佢哋啲行為真係令我對佢哋有一點反感,唔排隊、打尖、霸住一個影相位成團人影晒為止,重要影極都影唔完,去到超市遇到士多啤利減價,一口氣買晒人哋十幾箱貨,喺溫泉更衣室唔抺乾身就四周圍走,搞到啲地方濕晒又唔處理返。人哋唔識分香港人、台灣人、大陸人,只係知中國人,咁搞法遲早去到邊都神憎鬼厭呀!


好!言歸正傳,哩八日行程已經玩到我筋疲力盡,但地方相當靚,經過今次行程後,我真係好鐘意哩個區域嘅地方,八日裡面經歷晒春、夏、秋、冬,到埗當晚得四度,第四日二十幾度,第五日同第六日竟然零下幾度。

由於影咗真係好多相,遊記需要一啲時間,所以放住幾張相上嚟先啦!

Day 1 @ 松本JR駅



Day 2 @ 松本城



Day 2 @ 黑部湖


.



Day 2 @ 大觀峰


Day 2 @ 室堂 - 雪之大谷


Day 2 @ 室堂


Day 3 @ 砺波鬱金香公園


.

.



Day 4 @ 白川鄉







Day 4 @ 高山市


Day 5@ 上高地 - 大正池


Day 5 @ 上高地



Day 5 @ 平湯溫泉



Day 6 @ 平湯溫泉館


Day 6 @ 西穗高



Day 7 @ 名古屋犬山城



Day 7 @ 名古屋長島名花之里


.


.



Day 8 @ 名古屋



成個行程只係安排咗一餐食好嘢 - 飛驒牛 @ 山武商店  (638g A5飛驒牛+冬菇+任食疏菜&飲品&甜品) 三個人共11,182円。


Day 1:香港→名古屋 松本

中部‧北陸八天行‧後記

2013/04/22 ~ 2013/04/29 八日嘅中部北陸之旅完滿結束,哩個行程喺源自多年前睇到一幅立山雪之大谷嘅相,我就對哩個地方好感興趣,但睇過中部交通資料就覺得好頭痛,實在太混亂,無從入手,所以一直都淨係喺諗嘅階段。

直到今年年頭要計劃四月尾嘅行程,上網搵資料時,哩個時間,立山開山、上高地開山、砺波有鬱金香展,好似就係為咗夾啱我嘅時間咁,真係唔去唔得啊!用咗兩星期不斷咁睇資料,計劃到我自己認為天衣無縫嘅路線,多年嘅心願終於可以實現到啊!

雖然今次旅程喺上高地同埋新穂高遇到大大雪,令到原本嘅行程同想睇嘅風景都泡湯,但又因為哩場大大雪比我哋享受到落住大雪浸溫泉嘅滋味,零下七度瞓喺軟棉棉嘅雪上面喺感覺,飄雪下漫步兩小時,真係印象難忘。

今次嘅旅程更令我對中部念念不忘,而家希望明年秋天可以再一次到訪,紅葉下嘅立山、上高地應該會有另一番景像啊!
中部北陸後會有期。

今次旅程比舊年啲円平咗好多,但買哩嘅興趣反而無咁大,比起之前我去旅行買嘢嘅作風,今次真係買少咗好多。
就只有哩幾樣。


手信都唔多,我自己都覺得意外係喺立山我只係買咗一罐啤酒同一盒朱古力,因為去之前我重話要買哩樣、買嗰樣添呀!


今次使費交通同住宿佔咗好大部份,比起北海道重要貴啊!


Day 8 @ 名古屋

2013年4月29日 天晴
13:31~14:06 | 
中部国際空港[名鉄]空港線 常滑方向(下) | 名鉄名古屋 → 中部国際空港16:20~19:25 | CX539|名古屋中部国際空港 → 香港
(交通收費及詳細資料請往交通篇)
終於到咗行程最後一日啦!日日都忙到早出晚歸,其實我哋都無真正喺名古屋行過,原本計劃坐地鉄去「榮」行吓街,但前兩日都因為太攰都未去附近藥房入貨,所以哩朝早都係留返喺名古屋買埋最後要買嘅嘢。

目標係千里馬藥房,因網上都話佢貨碞價錢比其他孳房平,事實真係比較平,起碼我要買嘅嘢都係佢最平。

我哋9:30 check out,係咁多日以嚟最晏嘅一日,將行李交比喺酒店保管後就向JR名古屋方向行。

哩幾日喺名古屋都只係喺名鉄百貨哩座大廈上上落落,好少行出地面呀!哩位名古屋Nana小姐緊係要同佢影返張相啦!哩期佢著咗套運動衫喎!


名鉄巴士中心入口就喺Nana小姐身旁嘅電梯上就係啊! 




哩座MODE HAL ISEN(モード学園スパイラルタワーズ)都係地標之一,酒店就正正對住佢呀!


跟住哩個好似某牌子朱古力嘅物體而家都係名古屋嘅地標啊!

.


好快就到咗JR名古屋,車駅就係名古屋雙子塔。


我哋由桜通口入


首先會見到金鐘


然後跟住太閣通口嘅水牌直行到尾


哩邊就有個銀鐘,哩兩個鐘係JR名古屋駅嘅標誌,但我覺得係比人應路,兩邊出口都咁似樣,一金一銀分返開,約人時唔會搞錯地方呀! (我自己諗咖咋!)


出咗大閣通口就會見到ESCA商場入口


落咗電梯直行尾


會見到E1、E2出口,唔好再前行,跟住E1方向行(即係轉左)


又係行到尾就見到E11出口

.


上咗樓梯就係千里馬藥局啦!都唔難搵吖!(因為攞住人哋教嘅路線圖嘛!)


哩到有5層


除咗1樓開到晚上10點外,其他都只開到9半,所以如果前兩晚唔係太攰都夠時間過嚟咖!


地方唔算太,如果買一般大路嘢都無問題。


我哋主攻膏貼、藥膏同感冒藥。但如果想搵一啲護膚用品,哩到種類同牌子都唔多。


所以哩到行完就要去另一間藥房買埋其他未齊嘅嘢,我原本係諗住去「栄」嗰到嗰間,所以本天書無名古屋藥房嘅地圖,但前一日攞咗名古嘅地圖原來無帶,即係知喺JR名古屋車駅附近係有一間藥房,但東南西北行邊到呢?

啱啱喺車駅大堂內徬徨之際,部電話嘅Whatapps有message入,咁即係哩到有Wi-Fi啦!即係上網查吓間藥房位置,好快就搵到啦!原來就係車駅出面轉左就係啦!


幾分鐘就到啦!


哩到啲價錢比起之前千里馬真係貴啲啊!


但貨品種類就多好多。

買好晒嘢都十二點啦!於是我哋就係JR車駅嘅下街是但咁搵咗間舖頭食晏。

就哩間啦!因為佢多人排隊呀!等咗兩張枱先到我哋。不過食完出嚟條龍重長呀!

.

舖內不大,正值午飯時間,全舖坐滿人啊!



我叫咗個炸蝦定食,重有刺身、沙津,好正啊!


啲蝦好彈牙呀!


大笨蛋食鰻魚定食。


啲鰻魚好香啊!


B女要牛肉定食。

我偷食佢啲牛肉呀!好嫰滑呀!


好好味!埋單4,500円。食飽就返酒店攞返行李後,pack返晒啲嘢入喼後就由酒店大堂坐電梯直落地下嘅名鉄車駅坐車出機場。

我哋坐13:30開出嘅特急列車,有一部指定席車廂,不過我只係買普通車廂車票,但當時班車勁多人,本想即係走去加錢坐指定席車廂,不過大笨蛋要比多幾百円一個人,話寧願企半個鐘喎!

14:06準時到達中部機場


去寄行李先,58.6kg無超重不單只,重有淨,早知再買多啲啦!


中部機場出名係一個購物嘅好地方


果然係人山人海啊!

.


我出展望台睇吓飛機先。


但比我想像中少飛機啊!

.


機場嘅化表公仔啊!


擺咗哩間車喺到展覽


但睇唔明係咩嚟


不過都應該係啲咩祭咩祭用嘅出遊嘅車啊!


好啦!我哋無咩嘢要買,唔使最後衝刺,咁就去押口等上機啦!


飛機到咗啦喎!


而家機場都有Wi-Fi,但好多時都用唔到,係上唔網。押口旁有好多張寫字枱/電腦枱,有晒Lan線同電插頭比人用電腦用。


我哋無Notebook/Netbook,不過我哋有袋住個Mini Router同插頭,哩一刻就可以即係攞佢出嚟用啊!正呀!


好快就到咗上機時間啦!好唔捨得今次嘅旅程但都無辦法要走啦!

上機無耐就話遇到氣流,坐咗個幾鐘先叫平靜返,所以飲品小食都無派,一嚟就派餐。一般嘅餐。

.


晚上19:13安全到達赤角機場,八日中部北陸之旅正式劃上句號。


.....續  後記