2008年8月22日 星期五

鸚鵡好犀利呀


今日一早起身開收音機睇吓使唔使返工,點知仍然係三號球,但天文台話八點或之前會掛八號風球,咁即係點呀!最後緊係返上床瞓啦!



但今次哩個鸚鵡都幾犀利,屋企都感覺到佢嘅利害,因為隔離屋隻窗都被強風吹爛咗啊!真係好恐佈呀!



希望鸚鵡快啲走啦!唔好再搞破壞啦!


 

2008年8月19日 星期二

深圳半天遊

17/08/2008 晴天    香港 → 深圳


今日約咗我啲老表、亞姨一行十幾人一齊去深圳半日,我今次上去嘅目的係想去書城,因為好多人都話嗰到幾好所以想去睇吓!但又基於我之前去過羅湖城嗰頭覺得好亂,所以一直都唔感自己上去,今次遇啱亞姨佢哋上去揼骨,就順理成章跟埋上去嘞!


我哋坐火車喺落馬洲過關,因為哩邊人少啲過關舒服啲,而且由落馬洲去書城唔使轉車同埋近啲啊!



火車站一出就已經係皇崗關口啦




哩條通道好舒服好好行,同羅湖嗰邊真係天淵之別




左邊係香港



右邊係大陸



一過咗關就已經可以直接落去地鐵站



車票係一個膠嘅coin,由福田口岸站去少年宮站要三蚊人民弊



只須要搭四個站就到啦!幾方便!



車廂內全用白色,感覺到幾方便整潔



到咗啦



一出站行幾分鐘就可以到書城啦






書城裡面都有好多食市嫁



開始行之前去味千拉麵食個晏仔先!價錢比香港平一半有多,而且重多選擇好多



地方真係好大啊!足足行咗幾個鐘呀!但係如果有心去攞書的話就嘛嘛哋!因為佢設計攞位有啲問題,同類型嘅書可以放喺兩個唔同區域,一左一右真係行餐你死呀!但價錢真係好平啊!





最後二百蚊唔使買咗七本書啊


然後同其人喺福田站集合去小肥羊打邊爐啊!哩間小肥羊好多人嫁!六點幾門口已然排晒長龍,好彩表哥醒目,早一日已經喺香港打電話上嚟book訂位



一人一鍋,個湯底好多藥材料,不過都幾燥






好好味啊!食飽飽九點就回程返香港啦!


2008年8月17日 星期日

05年7月東京、北海道


今朝無聊喺屋企拾嘢時搵到一啲冇整理過嘅旅行相 其中一部份係05年去富良野嘅相近排見好多雜誌都係介紹哩個地方搞到我都心癢癢而家冇得去唯有睇返啲相當去咗啦


喺舊年之前我嘅旅行方式一真都係跟旅行團所以有多細節都已經唔記得啦


時光倒流返去05710 ~ 05716日


由成田機場落機,第一站係台場呀


銀座第一酒店個花園


酒店旁神社內




銀座嘅花店,而家香港都有啦






嗰陣第一次坐子彈火車由東京去仙台




到咗仙台,當時導遊只係比七至八個字我哋行街之後就返酒店啦


哩間係好出名嘅溫泉酒店 - 大觀莊



酒店花園




松島




坐船餵海鷗






青森奧入瀬溪流同十和田湖我覺得真係幾舒服啊








坐青函海底隧道由青森去函館





五稜郭城




函館夜影






大沼國立公園




北海道出名海產




美瑛





好好味嘅夕張蜜瓜



富良野 - 富田農場















札幌時計台



跟團指定動作 - 自費食貴嘢





小樽係我哩個旅程嘅尾聲



小樽嘅音樂盒好出名啊




旅程中最後一個午餐,蜜瓜係自己買嫁



嗰陣跟團買嘢好失控嫁!因為唔怕超重見到鐘意就買,係又買,唔係又買,總知就買!好似痴咗線咁呀



失控後嘅結果