2013年5月22日 星期三

Day 6.4@ 新穂高、高山、名古屋

2013年4月27日 下雪
09:40~10:13 | 
飛驒環保巴士 平湯溫泉 → 新穂高ロープウェイ
10:30~10:35 | 空中纜車 |新穂高ロープウェイ 鍋平高原駅
10:35~10:37 | 徒步 |鍋平高原駅→ しらかば平
10:45~10:52 | 雙層空中纜車 |しらかば平 西穂高口ープウェイ11:45~11:52 | 雙層空中纜車 |西穂高口ープウェイしらかば平 しらかば平12:28~12:30 | 徒步 |しらかば平 鍋平高原駅12:30~12:35 | 空中纜車 |鍋平高原駅新穂高ロープウェイ 新穂高ロープウェイ12:55~14:28 | 濃飛巴士 新穂高ロープウェイ→ 高山濃飛巴士中心16:00~18:40 | 濃飛巴士 高山濃飛巴士中心→ 名古屋名鉄巴士中心名鉄グランドホテル


(交通收費及詳細資料請往交通篇)酒店:名鉄グランドホテル

上咗雙層纜車後,七分鐘又返到去しらかば平駅,睇睇時間都到咗中午,所以決定喺しらかば平駅裡面唯一嘅餐廳食埋晏就先再落山,因為一陣重要坐兩個半鐘頭車返高山,免得大家餓得太耐呀!

同新穂高嘅餐廳一樣,選擇唔多。

就叫咗下面兩個餐三個食。


實物同相片九成似呀!


食飽咗之後就快快腳前往鍋平高原駅搭12:30開出嘅纜車啊!






B女快還快都要小心啲行呀!



12:35就返到新穂高ロープウェイ,即係話我哩個飛驒區域嘅行程已經到咗尾聲啦!先去Locker攞返行李後就到纜車駅坐12:55開出嘅濃飛巴士返高山。

巴士站就係新穂高ロープウェイ指示牌隔離,但太大風大雪,都係避返去室內先。


由纜車駅旁有個足湯,但實在太凍,又時間緊迫,所以又係無浸到啊!

時間到上車啦!

兩點半返到高山,就先去巴士中心買車票前往名古屋,原本諗住坐JR,但後來查到有巴士都可以直達名古屋巴士中心,我哋就係住喺同一座建築物內嘅酒店,價錢重平一半,車程嘅時間同JR都差唔多,所以當然揀坐巴士啦!
 
重有時間,先行一吓手信店,然後就去前一晚酒店攞返寄存嘅行李。

巴士準時四點開車,車上都係十個人到。


開車後五十分鐘,司機就停咗喺中途休息駅比五分鐘我哋去吓洗手間。

望到靚嘅山,同我之前喺新穂高簡直天淵之別啊!
休息駅前有烤腸仔呀!不過要等,我哋得五分鐘,所以唔夠時間呀!





夠鐘要返上車啦!司機已經喺巴士旁等我哋上車點數呀!

由於返到名古屋有啲塞車,去到巴士中心都已經六點十個字。

我哋跟住指示牌,好快就搵到上酒店嘅梯。



酒店大堂喺名鉄百貨十一樓。

到咗酒店,Check in咗之後諗住先去下面百貨公司買返個喼先,但又諗起要去上國泰個網on line check in,因為驚遲咗又無位揀,而我自己一直就誤會咗當時係六點七、八個字,其實落車都已經六點十,搞完咁多嘢重點會重係六點幾吖!最後我哋係快將八點先去落到百貨公司,已經用最快速度搵到買喼嘅地方,睇啱咗就即係比錢,但售貨員話我哋要去Main Bldg六樓做退稅,當時我哋係喺Man Bldg一樓,由於過晒八點,出入口已經由專人看守,只可出不可入,所以嗰層嘅經理幫我哋打去退稅部門留底有關同事等埋我哋,然後再搵一個同事攞住個喼帶我哋去Main Bldg六樓退稅部,而幫我哋退稅位太太塊面黑到呀!但都要黑面無表情地多謝我哋,再送我哋到電梯口躹躬咁送走我哋,買嘢買到好似要送瘟神咁送走我哋都係第一次啊!
搞掂晒就落街搵食,哩日其實都無咩行程,但唔知點解都好攰,所以都唔係行好遠,只係喺酒店對面嘅街是單搵間舖頭算啦!


就去哩間大丸拉麵店,味道一般啦!食拉麵都係一蘭深得我心。


Day 6.3@ 新穂高 (Part 2)

2013年4月27日 下雪
09:40~10:13 | 
飛驒環保巴士 平湯溫泉 → 新穂高ロープウェイ
10:30~10:35 | 空中纜車 |新穂高ロープウェイ 鍋平高原駅
10:35~10:37 | 徒步 |鍋平高原駅→ しらかば平
10:45~10:52 | 雙層空中纜車 |しらかば平 西穂高口ープウェイ11:45~11:52 | 雙層空中纜車 |西穂高口ープウェイしらかば平 しらかば平12:28~12:30 | 徒步 |しらかば平 鍋平高原駅12:30~12:35 | 空中纜車 |鍋平高原駅新穂高ロープウェイ 新穂高ロープウェイ12:55~14:28 | 濃飛巴士 新穂高ロープウェイ→ 高山濃飛巴士中心16:00~18:40 | 濃飛巴士 高山濃飛巴士中心→ 名古屋名鉄巴士中心名鉄グランドホテル
(交通收費及詳細資料請往交通篇)
酒店:名鉄グランドホテル

突然個天清咗好多呀!

哩一刻真係想即刻返上展望台再影過副相呀!但到未諗完,一陣風吹嚟又再蒙查查啊!

 
見到啲雪軟林林,忍唔住成個人瞓上去呀!本想再寫個名喺隔離,但我無帶手套,隻手凍到有啲赤痛,都係唔好玩咁盡,返入去算啦!


條雪路有啲難行

大笨蛋唔好行咁快,等埋我呀!


休息咗陣,夠鐘上纜車,今次有時間影返哩間雙層纜車啊!

Day 6.2 @ 新穂高 (Part 1)

2013年4月27日 下雪
09:40~10:13 | 
飛驒環保巴士 平湯溫泉 → 新穂高ロープウェイ
10:30~10:35 | 空中纜車 |新穂高ロープウェイ 鍋平高原駅
10:35~10:37 | 徒步 |鍋平高原駅→ しらかば平
10:45~10:52 | 雙層空中纜車 |しらかば平 西穂高口ープウェイ11:45~11:52 | 雙層空中纜車 |西穂高口ープウェイしらかば平 しらかば平12:28~12:30 | 徒步 |しらかば平 鍋平高原駅12:30~12:35 | 空中纜車 |鍋平高原駅新穂高ロープウェイ 新穂高ロープウェイ12:55~14:28 | 濃飛巴士 新穂高ロープウェイ→ 高山濃飛巴士中心16:00~18:40 | 濃飛巴士 高山濃飛巴士中心→ 名古屋名鉄巴士中心名鉄グランドホテル
(交通收費及詳細資料請往交通篇)
酒店:名鉄グランドホテル

安置好行李之後就去窗口用張套票換纜車乘車劵。


 天氣真係好差





幾分鐘後就到咗鍋平高原駅,出咗駅沿住條路行去對面しらかば平駅



しらかば平駅對出有個足湯

今次喺搭全日本唯一嘅雙層纜車,纜車越上,出面嘅景就越嚟越蒙。最後就白茫茫。



雖然知道去展望台都唔會睇到啲咩!但山長水遠嚟到無理由唔出去睇吓!



 由於實在太風雪,所以我哋搵工作人員幫我哋影咗張相就沖沖返入室內。

工作人員比咗個牌我哋攞住嚟影,原來當得-7度,唔怪得凍到我眼、耳、口、鼻都彊晒啦!


喺手信店買咗明信片,B女有樣學樣都話要寫返張喎!

喺室內等個人暖返就出去雪之回廊。如果好天,哩到都可以玩成個鐘。不過而家出去見識見識吓吧!

白茫茫一片



 


好專心咁影相,比人喺後面影添。


 哩一刻啲雪景真係好靚。好似聖誕咭上嘅聖誕節呀!

 

突然個天清咗好多呀!