2011年12月19日 星期一

星光花園 @ 沙田新城市廣場

沙田新城市廣場今年專程喺日本請人嚟香港搞咗個好靚嘅聖誕燈飾。詳細情形可以click入去下面條link睇吓啊!
「新城市廣場星光花園聖誕匯演」

商場內嘅聖誕榬都係以藍色為主,真係好靚啊!

.
首先去商場4樓瑪沙隔離有個counter免費領取入場卷,匯演時間由下午6:00 ~ 10:00,每20分鐘一場,派飛時間由下午4:00開始,每人只可以攞兩張飛。

每次開始5分鐘前已經比入場,搵返個好位企定定等開始。

開始嗱!開晒啲藍燈真係好靚啊!
.


.

.
影相好難影到燈飾嘅變化,所以拍咗兩段片。
.

.
8分鐘後匯演完畢,門口有兩個影相位,不過超多人等位呀!
.



祝大家聖誕快樂啊! Merry Christmas 2011 !!







2011年12月16日 星期五

2011Dec澳門兩天遊 (III)

14/12/2011(星期三)

一早起身先去酒店餐廳食個早餐,睇落都幾多嘢食。

我平時食一轉就夠,今次都食咗兩轉呀!

.
食飽之後返上房研究咗一輪有啲咩地方想去,諗嚟諗去最後決定去路環郊野公園到睇熊貓。
.
入到公園第一樣見到嘅竟然係一輛飛機。


.

.

.

公園內啲花花好靚啊!

.

.

.
熊貓擺設都好得意啊!

.

.

.
郊野公園係免費,但入去熊貓館就要去售票處買飛。
MOP10.00 一個人,不設港幣找續‧

逢星期一休館,嚟之前要留意啊!

.

入去嘞! Go...Go...Go!!

一入到去就見到大嗰隻開緊餐。
細嗰隻好好瞓喎!

大嗰隻食飽咗,走去搞醒細嗰隻陪佢玩,但細嗰隻唔想睬佢,最後兩隻大打出手,睇佢哋玩咗幾個字,真係睇得好開心啊!


.
.
打咗輪,兩隻最後一齊返去瞓覺,咁我哋就散場嗱!過去記念品館買吓嘢先!

買咗隻熊貓掛飾,係由明愛傷殘人仕做咖!收入都會捐返比佢哋,所以就買咗隻支持吓啊!


跟住搭車返出市區,應B女要求,去咗玫瑰堂一轉。
.
頂樓有個好大嘅桐鐘

每次入到聖堂都好鐘啲Candle呀!不過香港嘅聖堂唔係間間都有哩個設備啊!
去完聖堂再去大三巴行咗陣,但實在太多人太恐怖啊!

.

大利來搵人喺到幢住個牌,唔通喺哩頭開返舖。
行到四點幾就去搵間餐廳食午餐+下午茶+晚餐

.

牛尾湯
又係燒沙甸魚,旁邊啲沙律超好味呀!
葡式牛脷
加個心型飯
食飽返酒店拾埋嘢就返香港嗱!




                                                                                                                                               完



















2011Dec澳門兩天遊 (II)

13/12/2011(星期二)

返到酒店就換衫準備去游水啊!

泳池同健身室都喺廿三樓,我哋今次包晒場呀!全個過程都無其他住客上嚟玩。
如果多人,哩個浴室應該唔係好夠用呀!


浴室得兩間

反而LOCKER位有好多啊!


一個唔係好大嘅室內恆溫泳池,得我哋三個人,想點游都得呀!


泳池旁就係所謂嘅「健身室」啊!都係無人幫襯呀!



游咗一個鐘就沖涼然後又出去搵食嘞!
落車後途經明記牛什,整返串先!


.


記得舊年都喺哩個時間過嚟,議事亭前地嘅聖誕燈飾好靚,所以今次都尊登過嚟睇吓,但今年好似比較失色,無上年咁靚啊!


.


.


.


.


睇完燈飾之後就去搵食嘞!今次目標係皇冠小館。

.


.


竹升蝦子麵!MOP50一人份,啲麵好彈牙,啲蝦子好香呀!


水蟹粥 MOP155/半鍋,好好味呀!啲蟹好鮮甜啊!

又飽晒!本來諗住去漁人碼頭,不過已經十點幾好眼瞓嗱!於是就漫步返酒店,食埋哩個之前喺氹仔沙度娜買嘅杏仁木糠布甸,就攬住個肚好滿足咁瞓嘞!




                                                                                                                                                

                                                                                                           here