2014年4月13日 星期日

計劃中(3)_2014白濱、和歌山、有馬溫泉遊

前幾日睇到日本大放送嘅月刊介紹大阪,所以買咗本嚟研究研究,見到裡面介紹一個大阪近郊嘅公園- 富田林市農業公園サバーファーム 。有花、有田、重可以摘士多啤利。

之前講過本想預約貴志川士多啤利園摘士多啤利,但未知能否預約成功,所以發現到哩到都有得摘士多啤利之餘重有好大好靚嘅花場,好似比起之前計劃去嘅鶴見綠地花博紀念公園及溫室更吸引,所以又再改行程。



但又遇到困難,因為哩個公園要坐地鉄去到富田林駅轉無料巴士,但無料巴士座位有限,先到先得,如果滿座就須自行坐公共巴士前往,但我睇唔明個巴士時間表,我明白去公園嘅巴士只有星期六、日運行,哩個無問題,因為我係諗住星期六去,但就唔係好識睇係咪即係黃色嗰行就係巴士由富田林駅開出去公園嘅時間呢?而且好似無回程嘅巴士時間表,所以而家重不斷搵緊有關資料,不過好似關於哩個公園嘅網上資料唔多啊!

巴士路線都好複雜,要坐嘅金剛バス東条線好似有好多個終點站咁,睇到我一頭冒水啊!

                                                   
更改計劃行程後:
第一天:香港 --> 関西空港 -->白濱 (三段壁、白良濱、足湯橫丁、圓月島)
第二天::白濱 (千疉敷、ToreTore市場)
第三天:白濱-->和歌山-->貴志車駅(小玉駅長) -->貴志川観光いちご狩り園 -->和歌山
第四天:和歌山 (和歌山城) --> 難波
第五天:難波 --> 神戶三宮 (食牛) --> 有馬溫泉
第六天:有馬溫泉 --> 神戶 --> 心齋橋
第七天:心齋橋-->富田林市農業公園サバーファーム  --> 心齋橋、道頓堀
第八天:黑門市場、千日前--> 関西空港 --> 香港

2014年4月6日 星期日

計劃中(2)_2014白濱、和歌山、有馬溫泉遊

當行程計劃得七七八八嘅時候,總係覺得第二日去白濱ToreTore市場同第三日去和歌山黑潮市場實在太近似,感覺上好似有啲重復同悶。

由於表妹係好鐘意好鐘意貓貓,所以我提意佢第三日到咗和歌山唔好跟我哋去黑潮市場,佢去貴志駅睇小玉貓站長。就係幫佢睇前往貴志駅資料時,發覺距離貴志車駅十五分鐘路程有一個士多啤利園可以採摘士多啤利,即摘即食。我至鐘意食士多啤利,所以二話不說就改行程吧!

但問題就出現嘞!詳細睇資料,原來網上所謂嘅十五分鐘路程只係到達生果園嘅報名處,之後要坐十分鐘果園安排嘅小巴先會到達士多啤利溫室場,所以佢哋要求一定要預約,但WEBSITE裡面無電郵地址或傳真號碼,只有電話號碼,我又唔識日文,咁點算?BLOG上面有提一定要預約,否則果園真係會拒絕參觀。

本來諗住到達日本酒店第一日,叫酒店職員幫忙打電話過去預訂,但既然而家距離出發重有個多月,不如試吓寫封信過去預約,日文當然唔識,我只係將英文信轉日本,相信啲文法應該錯晒,但重點係有 1) 預訂いちご食べ放題  2) 時間  3) 人次,重留埋酒店資料,我諗咁樣都得卦!希望可以成功預約啦!



貴志川観光いちご狩り園


更改計劃行程後:
第一天:香港 --> 関西空港 -->白濱 (三段壁、白良濱、足湯橫丁、圓月島)
第二天::白濱 (千疉敷、ToreTore市場)
第三天:白濱-->和歌山-->貴志車駅(小玉駅長) -->貴志川観光いちご狩り園 -->和歌山
第四天:和歌山 (和歌山城) --> 難波
第五天:難波 --> 神戶三宮 (食牛) --> 有馬溫泉
第六天:有馬溫泉 --> 神戶 --> 心齋橋
第七天:心齋橋-->鶴見綠地花博紀念公園及溫室 --> 心齋橋、道頓堀
第八天:黑門市場、千日前--> 関西空港 --> 香港

      *****      *****    *****       *****     *****

基於コーさん嘅提點,上面嘅地址無postcode可能寄唔到,所以在網上再查到另一個比較詳細及有聯絡人嘅地址再寄多次,結果係我當日旅程第一天喺酒店Check in時,酒店職員通知士多啤利園主回覆咗我嘅預約喺成功咖!原來這個方法係可行呀!

第二次寄出嘅地址

預約信內容,由於只是用網上英對日嘅翻譯,所以用句或文法係同正統日本有出入的。