2012年5月13日 星期日

如願以償櫻花行

八天所謂嘅京、阪、神賞櫻行終於順利完成。八天內落咗一天雨、一半時間係陰天,最好天嘅一日我就要離開京都去六甲、有馬,最初覺得有啲可惜,途中不斷想如果哩日唔係要離開,一定可以影到更靚嘅相,但當晚睇新聞,京都祇園發生咗一件嚴重車禍,由於係賞櫻季節,所以傷及大量途人,八死九傷,喺新聞片裡面,我哋前一日嘅相同時間就係喺事發現場,如果我哋真係遲一日的話,可能變成新聞人物都唔奇,就算唔係傷者,當日祇園全面封閉,搞到大塞車都麻煩啊!
今次9/4/2012出發,好好彩地好多地方櫻花都滿開,所以睇咗好多好多好靚嘅櫻花,影咗好多好多相,所以要慢慢整理先可以放上嚟,而家放住少少先啦!

Day 1.1 : 香港 → 関西機場 → 京都 → 山科疏水道
交通乘車卷

我的隨手冊

09/04/2012
京都山科疏水道,哩個地區係民區內,旅遊書並無介紹,所以外地人比較少,大部份見到嘅人都係日本人,我哋到嘅時候好多櫻花樹都未開花,我諗哩個星期去的話會重靚啊!






嚟到嵐山天氣開始轉差,嵐山嵯峨一帶都未開花


天龍寺外


天龍寺內


渡月橋旁


10/04/2012
半木之道,有係好多櫻花重未開啊!


京都植物園,係我全個行程見嘅櫻花最多最靚,而且重有其他好靚好靚嘅花,係我最鐘意嘅地方啊!






二条城




嚟到蹴上鐵路天色已經好暗,如果有個藍天一定會重靚。


11/04/2012
哩日全日都落雨,而且越晏就越大啊!
清水寺




平安神社前,記得幾年前哩個位景紅葉係靚到不得了,所以今次嚟返哩到,雖然落住大雨,但個景似然係好靚啊!


幾年前同一位置紅葉嘅景像




六甲山頂






有馬吊車


有馬




神戶




神戶路邊小花


池田


大阪通天閣展望台外嘅風景


大阪城




心齋橋,好好天,可以見到天上有好閃嘅星星啊!




後記 (2012京、阪、神發花癲之行)

今次哩個京、阪、神發花癲之行真係好難忘,由於對於我嚟講係一個情與結,如果有睇開我個blog嘅人都知我哩個行情其實係三年前要出發,最後舊年連機票、酒店都搞好嘢,但又遇上311,喺迫於無奈下要取消行程,令到我嘅櫻花行好似遙遙無期咁!

直到今年終於可以順利完成行程,我真係好心滿意足啊!因為櫻花係受天氣影響,而且生命期短暫,未必每個諗住去睇櫻花嘅人都可以在遇期內睇到櫻花,但自己可以幸運地睇之餘,重要係咁多品種同咁靚嘅櫻花,所以今次嘅行程真係令我好興奮同難忘啊!

不過由於日元高企,而且香港而家好多地方都可以買到日本直接進口嘅貨品,價錢都差唔多,所以今次嘅旅程喺買嘢方面並唔係咁熱烈,再無以前嗰種雀躍發狂血拼嘅心態。除咗買咗啲香港無得賣嘅藥品同大路嘅食品做手信外,就只有買咗下面兩樣叫做當地嘅特產比自己做一個記念吧!反正京都都應該會有一段長時間唔會再去住啊!

京都‧清水燒 900円 老板話每一件都係人手做,所以每一件都係獨一無二,唔會有相同喎!

哩個係西陣織嘅散子包 500円,我見好多西陣織嘅產品都幾貴,但哩個散子包佢做緊「溵安」,即係特價,咁啱我個散子包又真係散散哋,所以就買咗佢囉!諗住自己用,我重叫老板娘婆婆唔使包,無謂嘥咗啲嘢,點知婆婆鬼咁惡鬧鬼呀!雖然我唔知佢嘜,但我見佢一邊哦一邊堅持咁繼續包,都應該係話我好叫佢唔好包囉!算吧!


而哩次行程其實令我最滿足嘅除咗係啲櫻花之外,就係我哩本旅遊手冊啊!佢除咗喺成個旅程幫到我之外,裡面亦載滿咗我哩個旅程嘅回憶啊!

用完嘅pass可以貼上去

入場劵放喺景點介紹隔離最適合不過。




吸印仔亦喺我遊日本必做嘅動作


留起得意嘅收據


每日嘅使費記好後,可以同團友返嚟算帳呀!


最後用一張多咗嘅明信片入住由日本寄返嚟嘅明信片,膠套就裝住一啲catalogue,真係perfect啊!


哩個難忘嘅旅程完成咗,又再期待下一次旅程嘅來臨啊!唔知幾時先儲夠錢再出發呢?

《完》

2012年5月12日 星期六

Day 8.2 @難波→関西空港 (2012京、阪、神發花癲之行)

途中B女媽咪想去洗手間,諗起0101頂樓有間戲院,裡面洗手間唔錯啊!於是就上去走一轉。

前一日嚟過,當時啱啱係開場同散場時間所以好多人,哩朝嚟到就靜好多啊!重發現個天花會變色好靚啊!


哩日再嚟嘅時候竟然無人喎!


所以好順利地買完票就可以入座,今次要加隻半熟蛋呀!真係超正啊!


食完出嚟開始有人龍啦!隔離哩個燒八瓜魚丸平時都好多人排隊咖!不過我哋唔係幾鐘意哩啲関西燒嘅醬汁,所以無幫襯啊!


離開前喺河邊坐咗陣,叫做休息一吓,亦比自己回味一吓哩次旅程嘅點滴。


其實重一個最主要嘅原因 - 就係要消化埋哩盒喺黑門市場買嘅士多啤利嘞!真係好好味啊!


好嘞!飲飽食醉後,係時候返酒店攞行李出機場啊!本來諗住坐急行南海電鉄,車費890円,但我唔想去諗同搵邊個月台上車,一於比多500円一個人坐特別急行,即係人稱嘅鉄人十號,包唔會搭錯車嘛!


趕住上車,手陣添!




比多500円換嚟舒適嘅車廂。


我由上車哩一刻開始就睡魔上身咁啦!因為唔使擔心上錯車,又唔怕會過站,所以瞓得好冧好安心呀!


三十五分鐘就可以出到機場,但15:35分先開始辦理登機手續,所以我哋去行吓先!


有博品館喎!


又有100円店

一般手信店

藥房緊係唔少得啦!未買夠哩到都重可以血硑呀!


関西土產,繼續買!


時間差唔多,可以去辦理登機手續,因為前兩日已經做咗 on line check-in,所以程序快好多,三件行李都係52.7kgs,今次真係買少好多嘢,記得上次北海道都係哩三個喼,當時係62kgs呀!


哩到候機室,人影都無隻呀!


循例影吓電子版同飛機




士多啤利和菓子做下午茶,真好味呀!


軟林林嘅草餅包住新鮮嘅士多啤利,味道好夾,而家諗起都想食呀!


食飽就喺候機室瞓著咗,直到5:30就順利上機,上到飛機亦係睡魔上身,除咗食嘢之外,三個幾鐘頭機瞓足全程,就係喺睡魔上身狀態下為我哩個發花癲之行畫上個圓滿嘅句號啊!

here
續...2012京、阪、神發花癲之行(後記)