2016年3月26日 星期六

2015' 中部北陸紅葉八天遊

行程計劃   (點一下項目便可以入到有關文章)
交通篇

(點一下下面嘅項目便可以入到有關文章)
Day 1.1 @ 名古屋
Day 1.2 @ 松本
Day 2.1 @ 松本城
Day 3.1 @ 扇沢、黑部湖
Day 3.2 @ 黑部平、大観峰、室堂
Day 3.3 @ 室堂、晚餐(洋食)
Day 4.1 @ 室堂、美女平、立山、富山
Day 4.2 @ 高山
Day 5.1 @ 宮川朝市
Day 5.2 @ 上高地河童橋、明神池
Day 7 @ 大須、栄
Day 8 @ 名古屋中部國際機場

酒店 (點一下下面嘅項目便可以入到有關文章)
Day 1:リッチモンドホテル松本 (Richmond Hotel Matsumoto)
Day 2:ニュー竹乃家
Day 3:ホテル立山 (Hotel Tateyama)
Day 4:スパホテルアルピナ飛騨高山 (SPA Hotel Alpina Hida Takayama)
Day 5:上高地ホテル白樺荘
Day 6 ~ 7:サンルートホテルチェーン 名古屋(Hotel Sunroute Nagoya)
Day 8:---

期待咗成年嘅八日中部北陸紅葉之旅轉眼又完結咗啦!今次重點喺立山黑部同上高地,其實路線同前年嘅路線係一樣,只係減少咗白川鄉同礪波,所以全程都係舊地重遊,一直寄望可以天朗氣清,因為哩條路線確實有啲吃力,前年喺上高地遇上大風雪咩都睇唔到,令行程留上一個遺憾,真係唔想今次又係咁! (2013 中部‧北陸八天行) [點一下項目便可以入到有關文章]

八日裡面第二日已經落大雨,但好彩兩次最大雨嘅時間我哋都喺室內,第三日上到室堂又遇上大風雪,重落足兩日,慶幸喺落雪前都行咗少少室堂,睇到少少ミクリガ池,而今次落嘅雪好有力量,一粒粒打埋身上及面上,亦係前所未有嘅經歷,所以雖然落雪但不太覺得失望。

之後嘅行程一直都有好好嘅天氣,所以令到此行無憾,亦十分滿足啊!

照舊先放少少相,遊記陸續送上。

第二天 ~ 松本城

第二天 ~ 松本市

第三天 ~ 黒部ダム


第三天 ~ 黑部平


第三天 ~ 大観峰

第三天 ~ 室堂


第三天 ~ ミクリガ池

第三天 ~ 室堂地獄谷

第三天 ~ 風雪變色嘅室堂

第四天 ~ 高山


第五天 ~ 高山朝市

第五天 ~ 上高地 (河童橋至明神池)



第五天 ~ 上高地星空

第六天 ~ 上高地 (大正池至河童橋)





第七天 ~ 大須觀音


Day 8 @ 名古屋中部國際機場

2015年10月17日 / 星期六 (第八天)
10:50 ~ 11:18 | [特急]名鉄常滑・空港線ミュースカイ | 名鉄名古屋 → 中部国際空港

(交通收費及詳細資料請往交通篇)

行程最後一日係無行程,名古屋同栄都已經大致行過,而且酒店位置距離車駅比較遠,如果要寄存行李後再返嚟攞會比較麻煩,既然都無咩想行的話就決定早少少出機場,因為中部機場亦係一個購物熱點,哩個機場連佢哋當地人都會時時過去,所以每逢六、日都會有一啲活動會喺機場搞。

食咗早餐後就收拾所有嘢離開啦!


每次都係離開當天天氣特別好啊!

臨走前再喺名鉄車駅商場超市走走。


經歷過上次走嘅時候車廂迫爆,今次就比多幾百円坐ミュースカイ,全車指定席,舒舒服服咁坐半個鐘就到機場。






到咗機場後先去將行李處存喺Locker到先。然後就可以輕輕鬆鬆咁行街嘞!





先喺三樓嘅手信店行咗陣就到四樓行,四樓全層都係店舖同食店,我嘅目標係えびせんべいの里(蝦片專門店) 同食鰻魚飯。每間店舖行吓睇吓,樣樣都想買,哩到貨品價錢唔太貴,而且餐廳種類都好多,有幾間嘅名古屋出名嘅名舖喺哩到都有分店。






到午餐時間,我同大笨蛋都想食鰻魚飯,啱啱喺えびせんべいの里對面有家餐廳剛剛有我哋想食嘅嘢,所以就喺到解決我哋哩個旅程裡面最後一餐啦!

餐廳同溫泉館同一個入口,真想食飽去浸一浸先上機呀!


食物價錢喺機場嚟講都應該唔算好貴。





大家食飽之後就到戶外平台睇飛機升降!


開始慢步返去攞行李準備到航空公司Check in嘞!

順利完成過關手續後就先到免稅店睇吓有無我哋想買嘅手信,因為哩到免稅,而且有日本幾程出名手信 (I.E. 薯條三兄弟、白痴戀人、SkyTree Banana蛋糕等)  我同大笨蛋就買Royce,因為真係平香港一半呀!

免稅店超多人,哩到機場限買薯條三兄弟每人一盒,所以有大量存貨,相對関西機場同成田機場,每人可買三、四盒,所以次次去到都缺貨。

笑話一盅:話說去到免稅店正當想睇吓重有無薯條三兄弟時,有幾個女人喺貨架前齋睇唔買,但又唔讓開,跟住其中一個大叫,亞女,原來三兄弟係薯條嚟咖!真攞命!咩嚟都未知就唔好阻住啦!

買好晒嘢之後就返到候機室搵個可以义電嘅位玩陣手機又上機啦!但今次排咗好耐隊都未可以上機,然後聽到廣播叫一啲人名去最前嘅櫃位,然後有工作人員將一件件行李搬上嚟比佢哋開喼,原來有十幾人都將义電嘅尿袋放咗去寄倉行李,最後安撿過唔到要全部攞返出嚟!唉!啲人第一次坐飛機咩,就算唔係怕且啲領隊都有講啩!搞咗成個鐘搞啲咁嘅嘢,真激氣!


最後終於可以上到機,食個餐瞓個覺,咁八日行程就咁完結咗啦!