2014年10月5日 星期日

白濱、和歌山、有馬溫泉八天遊

交通篇
預計行程 1 ~ 4日
預計行程 5 ~ 8日
預約貴志川士多啤利園

Day 1.1:香港→白濱
Day 1.2:前往三段壁
Day 1.3:三段壁
Day 1.4:白浪浜、円月島黃昏
Day 2.1:白良浜海灘、千疊敷
Day 2.2:とれとれ市場
Day 2.3:崎の湯
Day 2.4:晚餐@浜千鳥の湯 海舟
Day 3.1:白濱→和歌山
Day 3.2:和歌山城
Day 3.3 :小玉列車 (by Elise Hon)
Day 3.4 :晚餐@和歌山
Day 4.1 :貴志川観光いちご狩り園
Day 4.2 :貴志駅/和歌山往難波
Day 5.1 難波 →三宮→有馬溫泉
Day 5.2 晚飯@有馬ロイヤルホテル
Day 6:有馬溫泉→心齋橋
Day 7.1:鶴見綠地公園、溫室(上)
Day 7.2 :鶴見綠地公園、溫室 (下) → 心斎橋
Day 8:黑門市場、関西空港

酒店
Day 1:南紀白浜温泉 旅館むさし (武藏)
Day 2:浜千鳥の湯 海舟
Day 3:天然温泉 紀州の湯 ドーミーインPREMIUM和歌山
Day 4:なんばオリエンタルホテル
Day 5:有馬ロイヤルホテル
Day 6 - 7:ホテル日航大阪

今次哩個白濱、和歌山、有馬、大阪八天行絶對係我去遊日本經歷裡面行程最少但花嘅精神最多嘅一次,疲倦程度亦係咁多次旅程最最最攰嘅一次啊!

之前提及過今次旅程我係同三位退休靚太媽咪出發,所以出發前真的做咗好多準備,每個地方嘅路先上google map行一次,要將行錯路嘅機會減到最低,甚至乎每個車站嘅電梯位都搵埋出嚟,以為已經盡善盡美,但最終都係未能滿足各人所需,亦有不快事件發生,不過講到尾大家都係一家人,而我自己亦盡咗自己嘅能力,亦還咗我多年嘅心願同三寶自遊行,所以我都當今次嘅旅程係完滿結束啊!

圓月島日景

圓月島黃昏

圓月島前嘅足湯,浸住腳睇黃昏。

三段壁


望住無盡嘅大海浸返個足湯,正!

三段壁洞窟,但當日唔大浪,睇唔到波濤洶湧嘅海浪

白浪濱海水浴場

千疊敷


とれとれ市場

買海鮮BBQ

好回味呀!

崎の湯

和歌山城

和歌山市,全個旅程唯一一次下雨的晚上

往貴志主題電車 - 玩具電車


小玉電車

貴志車駅


貴志川士多啤利園


有馬溫泉


鶴見綠地花博溫室花園

鶴見綠地花博公園

心齋橋


Day 8 @ 黑門市場、関西空港

2014年5月25日 晴天
10:04~10:06 | 大阪市営地下鉄御堂筋線(普通) 天王寺行 | 心斎橋 → なんば
14:30~15:07 | ラピートβ47号 関西空港行 | 難波 → 関西空港
(交通收費及詳細資料請往交通篇)

嚟到行程最後一日嘞!心情好複雜,通常旅程嘅尾聲都係好唔捨得,但另一方面又覺得終於可以返香港真好啊!

食完早餐拾整嘢後就拖埋行李坐地鉄去難波,先去南海車駅寄存行李,前幾日返難波嘅時候已經搵好存物櫃位置,二樓同三樓都有存物櫃,我揀二樓,因為可以放大行李嘅存物櫃數量多啲。 (可以用哩條連結查到日本邊到有存物櫃 : http://coinlockersearch.com/ )

存物櫃位置就係花店隔離



最大嘅存物櫃可以放兩個24吋喼呀!

如果唔夠Coins,可以行到走廊最尾轉彎就有個counter可以換硬幣。


放好晒行李後就向黑門市場進發。 哩間日本一嚟咗幾次都食唔到,諗住今次嚟食都係無機會。下次嚟一定要喺哩到食一餐。

一條大直路行兩個幾字就到嘞!



由於哩日係星期日,所以好多店舖都休息。


哩間100円店都好啱我哋行,大家都有啲收獲。

哩間黑門三平好出名食魚生。又平又新鮮。



千成屋亦係好受歡迎嘅生果店

因為前一日買嘅士多啤利太酸,所以見到都唔敢再買啊!

見到好罕有嘅白色士多啤利,我知唔係成日有得賣,但2980円一盒真係覺得有啲貴,爭札咗好耐都係決定唔買,不過返咗嚟香港又覺得有啲後悔添!

哩間大福店嘅大福好好味咖!上次嚟買過嚟食咖啦!買盒出機場食先!

今次嚟黑門市場覺得多咗好多哩啲即買即食嘅店舖。


行過見到哩間賣肉店,佢有個鐵板放喺到幫客人即買即燒。

我哋因為食神戶牛計劃泡湯,所以就喺哩到補返數啦!


揀咗兩塊,3068円




入口即溶,真係好好味啊!

跟住買咗半個蜜瓜喺市場內嘅無料休息案內所到食,嗰到有枱、有櫈,有洗手盆,旁邊有洗手間,真係可以喺到四周圍買咗食物然後坐喺哩到慢慢嘆呀!下次嚟一於喺到咁食返餐。

我因為諗住同佢哋去一蘭食哩個行程最後一餐,所以就唔喺哩到食咁多嘢啦!

食飯時間,一蘭要排十幾人先到,重要三開三組人坐。

唔知係咪心情影響呢!總覺得哩碗麵無以前咁好食啊!

食飽就慢慢咁行返車駅攞返行李準備離開啊!哩間舖頭時時都咁多人啊!

喺二樓售票處買好票就入閘


順利上咗車,哩班車好多強國人喺我哋後面,好嘈、好煩,啲小朋友不斷咁走嚟走去,大有大嘈,細有細叫,好彩只係半個鐘車程咋!

到咗機場先去寄行李,五個喼都係79.3kg咋!

跟住喺商店行咗陣就過關去候機室。

飛機都到咗啦!

食個大福先!

成粒士多啤利包喺大福裡面。

準時上機起飛,食個普普通通嘅飛機餐,瞓個覺就到埗。

「愉快」旅程終於完畢,哩一刻感覺鬆晒,可以安全將人哋亞媽帶返嚟交返比佢哋啊!

今次旅程對於我自己嚟講玩少咗想玩嘅嘢、睇少咗想睇嘅嘢、食少咗想食嘅嘢、去少咗想去嘅地方,雖然喺我做足準備,但仍然出現小問題同小爭拗,始終人多就會意見多,但總結三寶都玩得開心,多年嚟要同佢哋嚟一次自遊行嘅心願亦了結咗,我都心滿意足啦! 至於重會唔會有第二次.......暫時...短期內....都唔會再有咁嘅諗法住囉!

......完