2014年3月23日 星期日

計劃中(1)_2014白濱、和歌山、有馬溫泉遊

又係一年一度計劃旅行嘅時間,原本諗住今年沖出亞洲,同朋友一起去意大利,但大家夾不到假期,搞手因工作關係一定要由月尾至月頭出發,而我又因工作關係,月頭一定不能放假。所以最後唯有由我放棄,意大利之行泡湯了。

但假期已經定咗,緊係要搵地方去啦!去邊....二話不說當然係日本啦! 咁日本邊到呢?
之前一直都好想去和歌山、白濱,無咩特別行程,去浸吓溫泉放鬆一吓,如果跟團的話,哩個行程通常都只有半天至一天,但我就係諗放鬆放鬆,所以會喺嗰到待三日。


地方定好,到出同行成員嘞!
既然行程唔趕(上年立山要趕巴士、趕火車,趕趕趕),又唔會行好多路(上年喺黑部水壩行二百幾級樓梯),當然好啱帶埋B女(我媽媽)同行,但除咗B女,又覺得B女家姐(即我姨媽)都可以喎!由於佢對腳不能行遠路,所以多次旅程都不感跟她同行,今次特別編排悠閒行程,我諗佢都應該無問題,另再加B女細妹(即我亞姨)又咁啱剛好退休唔使做,咁就不如一次過同佢三姊妹一齊出發,搞搞吓變咗「花樣姐姐」香港版。

咁重大責任不能只靠我一個,我細妹大笨蛋當然會一齊去,除此之外更誘惑姨媽嘅女(即我表妹)一起同行。

就係咁六人白濱、和歌山、有馬溫泉之旅就此成行。

計劃行程:
第一天:香港 --> 関西空港 -->白濱 (三段壁、白良濱、足湯橫丁、圓月島)
第二天::白濱 (千疉敷、ToreTore市場)
第三天:白濱-->和歌山 (黑潮市場)
第四天:和歌山 (和歌山城) --> 難波
第五天:難波 --> 神戶三宮 (食牛) --> 有馬溫泉
第六天:有馬溫泉 --> 神戶 --> 心齋橋
第七天:心齋橋-->鶴見綠地花博紀念公園及溫室 --> 心齋橋、道頓堀
第八天:黑門市場、千日前--> 関西空港 --> 香港

其實下半段行程同前年京阪行程差唔多一樣,所以今次喺編排行程上比較輕鬆,而交通安排亦無上年中部北陸咁復複雜。

今次會買兩個Pass
1. Kansai West Wide Pass四天劵:7,200円
2. 明光巴士兩天劵:1,400円

機票、酒店都落實好,而家只係等五月中出發,希望一切可以順順利利吧!






2014年3月16日 星期日

Day 4.2 @ 繼續多啦A夢誕生前100年展

繼續遊多啦A夢誕生100年前展

















 實在影到都唔知自己影緊咩呀!







哈...哈!! 有印仔吸,緊係唔會放過啦!
                                  

行咗成兩個鐘都有少少肚餓,買個叮噹最愛嘅豆沙醫吓肚先。

出咗展館,喺哩個藝術區行咗一圈,睇吓自己啲藝術氣質會唔會提升一啲先。





結果都唔係好明白,睇嚟我除咗係電腦白痴外,重係一個藝術白痴呀!




展品隔離係間天后廟,個感覺好得意啊!

行咗大半日,又餓又倦,三點幾四點返到酒店附近,於是隨意地入咗去哩間餐廳食"晏就"。
                                  
好好味!
 六點喺酒店集合,出到機場無想像中混亂,但因為香港喺前日中午至當天早上停止航班升降,所以香港機場大擠塞,電子版多班飛往香港嘅航機都要延遲,好彩我哋個班就順利開出。


但返到香港喺天空中盤旋等降落足足等咗成個幾鐘,11點幾先落機,行李輸送帶區簡直一片混亂,我等個條行李帶有五班機同時一齊用,但足足等咗半個鐘先見到行李出現,好彩攞埋行李都比我趕得上機場尾班巴士順利返到屋企啊!



Day 4.1@ 高雄 - 黃色鴨仔、多啦A夢誕生前100年展

由於早前yahoo blog結業要搬家,喺重未適應哩到新環境嘅情況下家中電腦又壞咗,所以都有半年無嚟搞肻自己個blog。之前試業嘅高雄、墾丁追風遊重差最後一日未寫,都算難尾。

由於正計劃五月到大阪和歌山,係時候要紀錄吓自己嘅行程,所以要整理下未完成嘅遊記,先可以開始新一頁呀!

不過事隔半年,而且跟團,細節嘢唔記得啦!只係講重點吧!

2013年9月23日

當天9月23日一起身望出窗,好好天,於是上網睇吓香港情況,跟據之前天文台講天兔嘅威力,香港唔放一日都放半日假啦!但八點幾已經公佈八號風球將於兩個鐘內除下,whatapps內嘅親朋好友都抱怨天文台喺到玩嘢,大家亦急忙準備返工。喺哩個時候我就好悠閒咁準備食完早餐就出去玩,感覺唔係幾好意思啊!(偷笑)

酒店早餐非常豐富,比起前兩日,哩日預期外嘅酒店真係重好啊!


食完早餐就步行去離酒店不遠處嘅碼頭睇黃色鴨仔,哩隻鴨仔只係到咗高雄兩日,如果唔係我哋滯留多一日跟本無時間嚟睇佢,而且我喺香港時都無去睇過佢,所以心情特別興奮呀!



我到嘅時候係九點幾,又係工作日,所以都唔太多人。



附近公園亦做晒鴨鴨圖案


睇完鴨仔,我哋就去高雄駁二藝術區,又係咁啱,多啦A夢誕生前100年展剛剛喺高雄開始展出,哩個地方亦係喺我哋酒店附近,非常方便啊!

如果坐捷運就喺鹽埕埔站落車


途經大牌坊,直行到尾就到啊!

哩到嘅藝術區全部由一啲舊嘅平房組成。
                                  

展館外

買票入場








....好多相,下篇繼續