2016年5月2日 星期一

我的足跡

我去嘅地方唔多,不過每次旅程都令我留下深刻印象,經歷不同嘅人和事。
希望在此同大家分享一吓我嘅少少旅遊經歷。

(點一下下面嘅項目便可以入到有關文章)

07/10/2016 ~ 18/10/2016 :2016' 十二天遊秋遊岡山、四國
09/04/2016 ~ 13/04/2016 :2016' 首爾五天六人行
10/10/2015 ~ 17/10/2015: 2015' 中部北陸紅葉八天遊
11/07/2015 ~ 15/07/2015 :2015' 大阪、奈良暑假五天行
14/03/2015 ~ 21/03/2015 :2015' 東京近郊八天行
18/04/2014 ~ 25/04/2014 :白濱、和歌山、有馬溫泉八天遊
20/09/2013 ~ 23/09/2013 : 三天變四天高雄、墾丁追風之旅
22/04/2013 ~ 29/04/2013 :中部‧北陸八天行
11/12/2012 ~ 13/12/2012 : 新加坡三天四人行
09/04/2012 ~ 15/04/2012 :京、阪賞櫻花
13/12/2011 ~ 14/12/2011 :2011Dec澳門兩天遊
07/07/2011 ~ 10/07/2011 :匆匆忙忙沖繩四天團
30/10/2010 ~ 31/10/2010 : 兩日一夜盤龍峽
25/10/2010 ~ 28/10/2010 :台中輕鬆四天團
27/07/2009 ~ 02/08/2009 : 北海道仲夏賞花の旅
27/06/2008 ~ 12/07/2008 : 巴黎、瑞士之夢想自遊行
24/11/2007 ~ 01/12/2007 : 京都、大阪八天遊
15/06/2007 ~ 23/06/2007 : 九天東京、橫濱、輕井澤、箱根之旅





2016' 首爾五天六人行

哩幾年一直都有計劃到韓國/首爾走走,但每次睇到人家嘅旅遊網誌或坊間嘅旅遊知訊都覺得好煩。好多行程、景點,甚至購物項目都完全提唔起興趣。對住一堆資料淨係覺得好頭暈,所以幾年都未成行。

剛啱有位熟悉首爾嘅朋友假期唔知計劃去邊好嘅時候,我就一於焗佢帶我去首爾一趟。再喊咪睇吓有無人有興趣同行,於是一行六人就係咁促成咗哩次首爾飲飲食食櫻花團嘞!由美領隊帶領我哋食、瞓、玩五天。

2016年04月09日~ 2016年04 月13日

行程: (點一下項目便可以入到有關文章)
Day 1    @ 仁川機場、梨大、明洞、南大門、梨大
Day 2    @ 汝矣島、高速巴士地下街 、 梨泰園
Day 3    @ 景福宮、三清洞 、馬場
Day 4    @首爾林、廣藏市場 、樂天首爾 、梨大
Day 5    @新村汗蒸幕 、 梨大、仁川機場

酒店:新村酒店新村Ever8

五天大槪費用:
機票酒店套票:HKD3,990
交通費:W36,950  (HKD251)
飲食    :W172,000 (HKD1,170)
購物    :W380,000 (HKD2,584)

(註:今次放喺blog嘅相,有一部份係由團友勤哥操刀 (i.e. Photo by NK),佢影嘅相比起我嗰啲真係出色好多,多謝晒!)

第一天 :明洞教堂
第一天:南大門

第二天:汝矣島

第三天:景福宮

第四天:首爾林

第四天:廣藏市場

第杅天:新村Rest汗蒸幕


Day 5 @ 新村汗蒸幕 、 梨大、仁川機場

2016年4月12日

酒店機場巴士 | 梨大Ever 8 → 首爾仁川機場
韓亞 OZ745  | 首爾仁川機場 →香港

嚟到行程最後一日嘞!今日美領隊安排咗嘅行程係自由活動到下午四點返酒店集合出發去機場。最初係計劃喺酒店附近坐返6002號巴士出機場,但我哋入住酒店時發覺酒店係有機場巴士出機場,就喺酒店門口上車,而且車資只係W8,000,比巴士平W2,000添呀!

為咗哩日自由活動,我都頭痛咗一陣,諗去邊呢!又行街,但我真係無咩買喎!突然我諗起成日睇韓劇見到啲主角去汗蒸幕,而且我、大笨蛋同B女媽咪都一向鐘意浸溫泉,加上韓國嘅汗蒸幕有得浸、有得食、有得中瞓,要玩幾個鐘一啲都唔係問題,所以我哋今日嘅重頭節目就係汗蒸幕嘞!

新村汗蒸幕就係酒店步行十多分鐘就到,我哋先喺酒店食早餐,然後帶啲輕便必須品步行過去新棧汗蒸幕嘞!


新村汗蒸幕 (Shinchon Rest)
名稱:신촌레스트
地址:서울특별시 서대문구 창천동 13-52 (서울특별시 서대문구 연세로4길 22)
電話:02-3147-252502-3147-2525


 先喺窗口比錢,日間收費比夜間收費平W3,000,如果夜機到又唔想住酒店可以嚟過嘢,好多汗蒸幕嘅店都會有行李寄存,當然要額外收費啦!

有中文解釋浴場位置。鐘意重可以另加錢搵工朱媽搓操,我多年前跟團導遊介紹試過一次,但我唔係好接受得到,而且啲亞朱媽好粗暴咁刷到我啲皮膚好痛,所以我無興趣搓操。
 

浴場入面無皂液同洗頭水,所以如果自己無帶可以喺到買,都係W500一包。

比咗錢後,亞朱媽會比一套衫褲加兩條毛巾,然後除咗鞋,唔係放門口,要攞埋入去放喺裡面嘅 Locker。

自己隨便揀個 Locker,喺 Locker前除晒所有衫褲,攞條毛巾同埋沖身嘅用品。

先落去下一層嘅大浴場,裡面唔方便影相,入面有成二十多個沖涼位,一個溫水池,水溫普通暖,一個熱水池,應該四十度以上,好熱不過好舒服,一個冷水池,一個桑拿室同一個蒸氣室。 我哋一向鐘意三熱三凍,再玩埋蒸氣室,玩足個幾鐘先返上嚟換衫。

化裝間有梳、同簡單護膚品提供 ,不過我都係見意用返自己帶嘅會好啲。


風筒要入錢,好似W100兩分鐘,因為我用風扇都可以吹乾頭髮,所以無用。 

換好衫就可以上二樓

哩到好多一個一個洞

裡面有啲啲溫暖,唔係我想像中嘅熱。每個洞都有人喺到瞓緊覺呀!

入到大廳有按摩椅同擺放咗一啲枕頭同蓆比人用,不過有人喺到瞓覺,唔好意思影相。

哩到緊係要飲甜米露同食雞蛋啦!

重整埋個羊咩頭,終於一嘗心願,做晒我想做嘅嘢!

原本諗住可以喺到玩幾個鐘,但後來改變計劃,喺到留到十一點多再返酒店十二點Check Out,所以飲埋個甜米露就要走啦!玩得唔係好夠喉添!如果某年某月再有機會嚟首爾,一定要留返大半日嚟汗蒸幕玩返夠本。

酒店Check Out後就喺酒店附近嘅梨大購物區行吓!意外地大家都買到嘢喎!

差不多兩點就隨意搵間食店入去幫襯,哩間舖頭無人我哋包場呀!





叫咗個牛筋鍋

辣豆腐海鮮鍋

人參雞

無太大驚喜,味道普普通通,食飽後就慢步返酒店,喺酒店大堂執吓行李,等團友歸隊後就上酒店嘅機場巴士出機場,旅遊巴Size嘅Shuttle Bus只坐二十人,所以座位相當寬敞,一坐上去就瞓著咗,去到機場都唔知呀!

去到機場排隊Check In再搞退稅,搞咗成個鐘先過移民局。

五日行程就係咁無驚無險就完成咗,總括哩個行程雖然無咩驚喜,而且對首爾人嘅禮貌同服務態度都有少少不滿,但總叫做係一個開心旅程,而且同幾個啱Key嘅朋友一齊玩完仍然係朋友真係好難得,睇過好多好朋友去完旅行返嚟連朋友都無得做,我哩幾朋友真係好難得,B女媽咪因為今次整親隻腳跟我哋出發,好驚會阻礙大家嘅行程進度,好彩佢哋都好體諒,盡量遷就B女媽咪,令佢都玩得好開心,真係好感激佢哋啊!

但如果要我自己再計劃嚟首爾的話,應該唔會係近年嘅事啊!先諗吓我十月嘅四國之旅先啦!


~ 完 ~

 





Day 4 @ 首爾林、廣藏市場 、樂天首爾 、梨大

2016年4月11日

地鉄 2號線 (綠色) 換 3號線 (橙色) 換 1號線 (藍色) | 梨大 (241) → 乙支路三街 (203/330) → 鈡路三街 (329/130) → 鈡路五街 (129)
地鉄 1號線 (藍色) 換 2號線(綠色)  | 鈡路五街 (129) → 市厅 (132/201) → 梨大 (241)
地鉄 2號線 (綠色) 換 1號線 (藍色) | 梨大 (241) → 市厅 (201/132) → 首尔站 (133)
地鉄 1號線 (藍色) 換 2號線 (綠色) | 首尔站 (133) → 市厅 (132/201) → 梨大 (241)


哩日原本去南怡島同埋春川,但因B女媽咪對腳唔係咁舒服,所以美領隊細心地改行程去首爾林郊遊野餐。

首爾林 (文章來自:韓國觀光公社)
至2005年6月18日首爾林正式開園前,歷經過纛島長時間的生成與變遷,這裡曾經是皇帝的狩獵場及驗兵場,後作為上水源保護區、高爾夫球場、賽馬場、體育公園等用途。目前首爾林擁有35萬坪的規模,由5個主題園區構成,蛻變成為東部居民及1,100萬首爾市民的大規模生態空間,足可以媲美英國海德公園、紐約中央公園。


兩旁長滿櫻花樹






 好悠閒嘅地方,當日好多學生,包括幼稚園、小學同中學生都喺到有活動同寫生。



我哋大家對哩個遊樂場都好有興趣,咁長嘅滑梯香港而家好少有,好想去玩,但太多小朋友,唔係幾好意思走埋去玩。

好大嘅空地,好舒服呀!我哋都搵張枱坐底,一坐底有個踏單車嘅人放底張Menu,原來公園內都可以叫外賣咖!

哩班學生就啱啱叫咗外賣,大叔就將外賣送到。

我哋就自備咗食物,係團友們一早食早餐時買嘅紫菜包飯,B女至鐘意啊!

真係唔該晒美領同團友 - 勤哥同Gloria嘅心思啊!


大家坐坐、抖抖,食飽飽後就繼續下一個項目 - 廣藏市場。


廣藏市場 (文章來源:韓國觀光公社)
朝鮮末期韓國國內政勢反覆昏迷之中,因日本、中國等列強的勢力角逐戰而像風中殘燭般。1904年高宗即位41年締結“乙巳條約”後,實質上的主權掌握在日本的手裡, 隨著日本的經濟侵略政策企圖,南大門市場的經營權也被剝奪。日本的經濟侵略主要以經濟輸入為主,為了讓恢復國權擁有經濟後盾,著眼於設立東大門廣藏市場的金宗漢等三位發起人以捐助的方式投資,以現金100,000韓元為創業基金。
市場營運初期主要往來商品以農水產物、柴炭等,不過是從加平、蠹島、利川、鐵原等地以牛馬車運來的小規模單調原始的市場機能。現今的主要商品以絲綢、綿麻布料(韓服)、紡織品(西服、洋裝)、女性服飾製品、刺繡農、寢具、手藝品、螺鈿漆器、廚房用品、國外輸入品、蔬果、乾漁貨、祭祀用品、生鮮、肉品、蔬菜等,具有相當大量的交易規模,可以稱為値得驕傲的綜合性市場。現在已被指定為世界觀光的景點,是來到韓國的外國觀光客必經景點之一。

廣場起點以賣衣服為主



跟住有土產、雜貨


廣場後段有好多賣漬制食品

好多漬蟹,不過哩啲我哋就唔敢食。





最後段就係食市

哩檔賣煎紅豆餅嘅好出名,好多人排隊買咖!我哋都有買嚟試吓!確實幾好食啊!

我至鐘意嘅士多啤利呀!


哩啲拌飯都成日喺韓劇出現。

甜米露我要留返聽日去汗蒸幕先飲。


啲韓服靚過東大門嗰邊好多呀!




行咗一圈,B女最大收穫買到三套衫,到此一遊後就先同B女返酒店比佢休息。

跟住我哋再去首爾站嘅樂天廣場繼續買、買、買。


個個到買到一車車,但我哋六個人先買滿兩個普通超市嘅膠攬,我只係買咗幾包腰果、杏仁做手信。


跟住就返酒店接B女落街食飯,哩晚無咩特別,只求其喺酒店附近揀咗間小店,不過食物幾唔錯啊!

六個人叫咗五個餐

石頭鍋飯

搞呀搞

搞掂食得

辣豆腐湯

餃子好好味,個湯底係魚湯嚟。

牛肋骨,超好味!

我已經愛上嘅水冷麵,而家都好回味呀!

食飽後大家返上房沖個涼,抖一抖後,就去酒店附近食炸雞。






食飽飽吹完水後就大家各自返酒店執行李啦!今次執行李執得最輕鬆!個喼少有重有大把位,而且重係啱啱20KGS,我去日本係一定唔得囉!

哩四日嘅收穫!所以執喼無難度呀!個後備小喼都唔使攞出嚟用呀!