2014年8月16日 星期六

Day 2.2@とれとれ市場

Day 2.2@とれとれ市場

2014年5月19日 晴天

10:35~10:42 | 白浜バスセンター → 草原の湯

12:26~12:51 | 千疊口 → とれとれ市場前

15:18~15:33 | とれとれ市場前→ 草原の湯

(交通收費及詳細資料請往交通篇)

酒店:南浜千鳥の湯 海舟


行完手信店,抖咗陣就坐車去とれとれ
去到市場都成十二點幾,所以先去買餸BBQ先。





 

啲海鮮好吸引,又抵又新鮮,買嘅時候話比店員知係BBQ定係刺身,咁佢哋就會處理。





一盤魚都係1280円,真係好抵食啊!大條做刺身,細嗰幾條BBQ,大槪半個鐘後可以返到舖頭攞返處理好嘅食材。

 再買啲小食

三寶要有飯落肚先得,所以去熟食區買碗豬扒飯。哩到超多人,要排長龍。



BBQ場就喺市場外面,入場費係600円一個人,費用包括開爐、燒烤工具、紙碟、筷子、調味料(糖、鹽、七味粉),至於飲品就要另外買,佢亦有規定不能帶外來飲品。 哩餐全部材料連埋BBQ入場費都係9,180円六個人。即係HKD700,超抵呀!

一切準備就緒,可以開動啦!


幾大條魚,正!
 
真係好正!帶子、蝦刺身同燒大蛤都好鮮甜同好爽。 啲魚都好好味啊!

燒魚、扇貝


  
帶子、象拔蚌、蝦刺身

哩條大魚做刺身好正呀!啲魚肉真係好鮮甜呀!




食飽飽之後就可以行市場,市場內每日特定時間都有劏吞拿魚表演,我同大笨蛋喺沖繩睇過,而其他團友就比場內嘅琳琅滿目貨品吸引而放棄睇人劏魚。



紀洲盛產嘅梅子非常出名,場內供遊人試食嘅梅子品種有百多種,如果要每種都試齊真係要預返啲時間呀! 好彩我唔好梅子,可以慳返唔少呀!


哩條士多啤利雪條都好人氣咖!只有哩個魚市場有售,佢確實比普通嘅士多啤利雪條味濃。正!

 紀洲除咗梅子出名,柑都好出名,所以買咗啲返酒店食。





Day2.1@白浪浜沙灘、千敷疊

Day2.1@白浪浜沙灘、千敷疊
2014年5月19日 晴天
10:35~10:42 | 白浜バスセンター → 草原の湯
12:26~12:51 | 千疊口 → とれとれ市場前
15:18~15:33 | とれとれ市場前→ 草原の湯
(交通收費及詳細資料請往交通篇)
酒店:南浜千鳥の湯 海舟

一早起身我嘅指定動作緊係先去浸泉,然後去食早餐。

食飽之後就去行沙灘幫助消化,我哋個個都好鐘意海,所以喺沙灘都逗留咗個幾鐘,行吓坐吓真係好舒服好寫意。
 


早晨時分,陽光已經好耀眼。
 

清澈嘅海水,唔係因為好似冰水咁凍,一定已經跳咗落去游返幾轉呀!

今晚就住過對面嘅酒店呀!

海灘有好多海草(即係海帶)呀!
 

乾咗嘅海草,海味舖有得賣咖!

無無聊聊,寫返個大字先!

同三寶難得咁悠閒坐嘅到傾吓計呀!

哩個罐面黐滿晒啲螺仔,現場睇啲螺仔喺罐面郁郁吓,都幾得人驚,不過B女話好得意,好好玩喎!重要同佢影合照。
 

玩咗個幾鐘係時間要走啦!大寶唔捨得走呀!要表妹去催促佢離開呀!

返酒店拾整嘢就離開,我哋跟住去返酒店對面巴士駅坐車去另一間酒店放底行李先。


哩間酒店(浜千鳥の湯 海舟 )係全個行程最貴嘅一間,我考慮咗好耐都係決定要嚟豪一豪,因為睇過好多網上評語都係話值得一住。

到咗酒店先放底行李,由於哩到係一入門口就唔需要再著鞋,所以一定要保持地面好乾淨,我哋啲喼要先放喺門口,由酒店職員幫啲喼嘅轆清潔,隻隻都擦到乾乾淨淨。

離開酒店原本係過去酒店隔離嘅景點- 千疊敷,但酒店旁有個好靚嘅玫瑰花園,對於三位花痴嚟講緊係唔可以放過啦!

我都唔拾輸,都影咗好多相啊!不過差咗個籃天啊!










公園內重有個足湯,不過時間關係都係玩唔到就走啦!


玩咗一大輪就慢慢由玫瑰園另一個出口行過去千疊敷。

十幾分鐘就到達

當日天矇矇,無咗藍天影出嚟啲相當堂無咁靚。佢好似香港嘅東平洲,不過層層疊疊都幾得意。

(文章來自: 日本見聞錄)
千疊敷是由新第三紀層的砂岩所形成的岩盤。由於砂岩是由砂子凝固而成的岩石,因此質地非常軟,受到海浪經年累月的侵蝕之後,終於形成今日複雜而且獨特的景觀。

千疊敷的「疊」在日文念成「榻榻米」,「敷」是舖的意思。所以千疊敷的意思,就是把1千張的榻榻米平鋪在地上。岩盤有大約4公頃之大,足夠放1千張的榻榻米之大,因而得名。千疊敷、三段壁和圓月島,同是白濱町著名的觀光景點。


我只行出少少,唔敢行得太出太遠,我驚自己同三寶會趴底行唔返上去呀!

千疊敷旁有間手信店,緊係要入去八吓啦!

手信店旁有好多珊瑚賣


入舖頭散吓財先!

和歌山嘅柑好出名,試吓啲柑汁先! 個人意見,唔係好啱本人口味。

對住個靚景,食咩都咁開心咖!

.....續 Day 2.2 とれとれ市場