2015年2月20日 星期五

預算交通手段@2015' 東京近郊八天行

重有三個星期就出發啦! 行程大致都無太大變動。

預計八天行程
Day 1: 香港 → 成田空港 → 新宿  → 下北沢 → 新宿
Day 2:新宿 → 三鷹の森ジブリ美術館 → 吉祥寺  → 新宿
Day 3:新宿 → 河口湖
Day 4:河口湖 → 新宿→ 上野
Day 5:上野 → 輕井澤
Day 6: 輕井澤 → 上野
Day 7:上野 → 築地市場淺草雷門 晴空塔 → 上野
Day 8:上野 → 成田空港 → 香港


機票、住宿搞定後,開始計劃每日嘅行程及交通手段。
睇咗好多資料,原本諗住買個 JR East Pass (東日本通票),22,000円 14天內住選 5天使用,好適合我兩日去河口湖及兩日去輕井澤,但詳細計一計數,好似我幾日嘅交通費又不用 22,000円,所以買哩個 PASS的話就不化算。

由新宿至河口湖可以乘搭火車前往,但需要轉幾次車,從網路上睇到大部份遊客都會選擇較舒服及價錢略平嘅高速巴士前往(詳情可以參考前輩-林氏壁嘅教路),所以我都決定坐高速巴士前往。每程巴士票為 1,750円,來回即 3,500円,可以在哩個網址網上訂位,坐車當日到售票處換購車票。

餘下落嚟郊區行程就係輕井澤,哩到唔使諗一定係坐新幹線由東京直往輕井澤,一程車票需要五千幾円,來回超過一萬円,咁用 JR Kanto Pass (關東地區通票)就最適合嘞!8,300円連續三日,可以坐新幹線,以我嘅行程,兩日已經可以回本嘞!(林氏壁都有詳細教點樣盡用哩個Pass)

而第一天由成田機場到新宿,已經一早鎖定會坐 N’EX,因為快同唔使轉車,本來諗住JR做優惠,由成田到東京市區車票可以減半,但剛剛上網見到優惠期只係去到13/3/2015,啱啱過我到步嘅日子,真係覺得有啲可惜添!而將於14/3/2015新推出嘅來回優惠又唔係咁啱我用,因為我喺上野走,所以唔會坐到N'EX離開。如果來回都係經新宿、池袋就啱晒嘞!


跟住係最後一日嘞!由於我喺最後兩天係住上野,所以會坐京成電鐵 Skyliner出機場,而尾二嗰日亦會喺利用地鐵到築地、淺草同押上(i.e. 晴空塔),所以京成電鐵裡嘅 Skyliner+1day subway metro好啱我用。


交通安排就係咁落實好了。