八天中部北陸行 (出發)

第一天 ：22/04/2013  香港 → 名古屋 → 松本
期待咗幾個月嘅旅程，今日終於出發啦！希望一切順順利利吧！

                    

中部‧北陸(預計行程 7~8日)

行程第七天 (名古屋→ 犬山城 → 名古屋 → 長島 → 名古屋)
哩日一早會坐名鉄犬山線出發去犬山城。

犬山城
営業時間：9:00~16:30 (閑館 ： 17:00)
定休日：12/29 ~ 31
入場料：大人500円

預計中午前遊覽完犬山城就返回名古屋名鉄巴士中心三樓購買前往「名花之里」(なばな花の里) 嘅套票，2,700円一個人包來回巴士票及入場劵。

名鉄名古屋前往長島溫泉時刻表：http://www.nagashima-onsen.co.jp/resort/bus_01.html/
名鉄長島溫泉前往名古屋時刻表：  http://www.nagashima-onsen.co.jp/resort/bus_03.html/
下半天嘅時間都會花喺「名花之里」(なばな花の里)，可以慢慢欣賞靚靚鬱金香啊。

預計傍晚時間離開返回名古屋，到名古屋市內走走及晚飯就回酒店休息及收拾行李準備回港。
當晚仍然入住名鉄グランドホテル (雙人房 x 1 + 單人房 x 1 套票包，不含早餐)。

    

行程第八天 (名古屋→ 中部國際機場→ 香港)

下就機返香港，預計一點由名古屋出機場，所以早上幾個鐘只會到「榮」行吓，飯埋晏就就返酒店攞埋行李出機場。

八天中部 ‧ 北陸之旅完滿結束，希望一切如哩個預計行程一樣順利完成吧！

中部‧北陸(預計行程 3~6日)

行程第三天 (室堂 → 砺波)
哩朝早會視乎天氣睇吓會唔會參加酒店搞嘅觀賞大觀峰日出，不過好似要四點幾集合，真係要睇吓到時環境係點。

如果唔參加都會早起喺室堂附近走走，然後食過早餐就落山。
但如果前一天到室堂時唔好天未能好好欣賞雪の大谷的話，哩朝就比多次機會睇吓會唔會遇上好天，所以我選擇喺室堂住上一晚，咁就要晏啲先落到山嘞！

立山交通時刻表： http://www.alpen-route.com/book874/index.html#page=2

暫時當一切順利，就預計乘搭以下班次：
09:25  室堂 → 美女平 
11:00  美女平 →  立山駅
11:39  立山 → 富山

到咗富山就完成咗立山黑部哩一段旅程，跟住就會坐JR前往砺波，估計到達砺波時都已經下午一點幾兩點，到砺波目的係為咗去砺波鬱金香公園(砺波チューリップ公園)。如果有朋友都去哩到睇鬱金香展，而又係坐JR到達的話，記住喺砺波車駅攞返張割引劵呀！

      

砺波チューリップ公園鬱金香展
期間：2013年4月23日 ～ 2013年5月6日
時間：8:30～17:30（最終入園17:00）
入場料金：大人 1,000円

原本計劃睇完花之後要趕車到金沢，目的係為咗之後一日可以搭由金沢開出嘅巴士到白川鄉，後來得到BLOG友- 阿輝嘅指點，原來砺波係有公共巴士前往白川鄉，所以哩日可以好悠閒咁留返喺砺波，睇完花之後就無咩嘢做，喺砺波市內走走就可以早啲返酒店休息，因前兩天都早起，既然無行程就早抖吧！
當晚入住アパホテル＜砺波駅前＞(三人房: ¥15,000  表泊2食) 。

       

行程第四天 (砺波 → 白川鄉 → 高山)

朝早一早出發到酒店前嘅巴士駅乘搭8:09開出嘅加越能巴士前往白川鄉。

按照以上時間表，10:09就到達白川鄉。遊覽大概四個鐘，預定下午兩點坐濃飛巴士離開前往高山。
我哋坐哩班班次係需要預先網上訂位。
濃飛巴士時刻表：http://www.nouhibus.co.jp/new/timetable.html

到達高山市後可在市內走走，然後返酒店check in再浸過溫泉先去食晚飯，哩晚諗住豪啲去山武商店食飛彈牛。
當晚入住スパホテルアルピナ飛騨高山 (三人房: ¥17,100 不包早餐) 。

  
      

行程第五天 (高山 → 平湯溫泉 → 上高地 → 平湯溫泉)

一早先往宮川朝市走走，然後就到車駅利用第一天買嘅「奥飛騨」・「上高地・奥飛騨」まるごと・バリューきっぷ坐巴士前往平湯湯泉，到達後先往晚上要入住嘅酒店放低行李，之後就由平湯溫泉坐環保巴士前往上高地，遊覽大正池至河童橋，因為有B女媽咪同行，所以要「慢行」欣賞，預計三至四個鐘。

較下午時間返回平湯溫泉後，在區內走走後可回酒店好好享受溫泉及晚飯。
當晚會入住平湯館 (三人和洋房: ¥37,800 1泊2食) 。

    

行程第六天  (平湯溫泉 → 新穂高 → 高山 → 名古屋)

早上浸過溫泉食個早飯就出發，繼續利用「奥飛騨」・「上高地・奥飛騨」まるごと・バリューきっぷ坐巴士由平湯溫泉前往新穂高覽車駅，坐覽車到新穂高山頂展望台。
覽車料金及時刻表：http://www.okuhi.jp/Rop/timetable/index.html

預計中午前返回新穂高車覽車駅坐巴士返回高山。

到達高山後再到濃飛巴士中心購買前往名古屋巴士嘅車票。

到達名古屋後到酒店check in後，晚飯及到到市內藥房走走吧！千里馬藥房係目標之一呀！
當晚入住名鉄グランドホテル (雙人房 x 1 + 單人房 x 1 套票包，不含早餐)。

中部‧北陸(預計行程 1~2日)

行程第一天 (香港 → 名古屋 → 松本)
今次旅程會坐國泰直航名古屋。估計下午三點幾到達中部國際機場。所以希望能搭上下面其中一班列車到名古屋名鉄時刻表查詢   乗車券:
¥850 特急 / 準急  |  ¥1,220 ミュースカイ

到達名古屋後，先到名鉄名古屋駅サービスセンター購買「奥飛騨」・「上高地・奥飛騨」まるごと・バリューきっぷ
哩個套票可以幾日後由高山到上高地及新穗高用，但一定要喺名古屋駅先買票，然後再喺高山嘅車駅換乘車劵。
我會買6800円嗰種，可以兩日內在高山往返平湯溫泉、上高地及包來回新穂高纜車票。

買好套票就要到JR名古屋駅趕上17:40開出嘅往松本列車(乗車料金: ¥5,360) ，到達松本已經19:45，在松本市內走走就回酒店休息。 當晚會入住 松本Richmond Hotel (ッチモンドホテル松本)  (三人房: ¥14,400 不包早餐) 
                                    

行程第二天 (松本 → 室堂)
由於哩日要上立山室堂，所以諗住早啲出發，但到咗松本唔去睇吓松本城又好似有啲唔甘心，所以打算五點落街前往松本城，跟住就返酒店拾好行李後，託酒店將大件行李寄往兩日後嘅酒店，之後就到JR松本車駅搭7:16開出列車前往信濃大町。
到達後就在車駅購買立山套票 10,560円 (信濃大町至富山)。


預計乘搭以下班次立山交通時刻表： http://www.alpen-route.com/book874/index.html#page=2
7:16 松本 → 信濃大町
9:05 信濃大町→ 扇澤
10:00 扇沢→ 黑部水庫
11:10 黑部水庫 → 黑部平

11:50 黑部平 → 大觀峰12:15/13:00 大觀峰 → 室堂
到達室堂後當然要當然要遊覽雪の大谷、雪の迴廊。由於入住ホテル立山，所以喺下就五點可以免費參加酒店搞嘅散策會呀！

哩幾日喺 live camera見到立山都好好天，希望到時我都可以見到哩幕夕陽照金山嘅景像啦！

當晚會入住室堂車駅上嘅ホテル立山，(三人房: ¥59,850 1泊2食) 

日本中部‧北陸 (準備中) 4

距離出發日越嚟越近，心情亦越嚟越緊張。基本上之前計劃嘅行程都無咩大改變，但喺第七日只安排到犬山城，淨返時間好似多咗啲，如果只留喺名古屋就只有行公司、地下街shopping，不過哩樣又唔係我同團友嘅興趣，所以又上網搵吓有咩地方近近地可以去吓！

哈...哈！ 唔搵由自可，一搵就不得了啦！ 我見到網上有個景點，係位於名古屋長島嘅「名花之里」(なばな花の里) 。

除咗地方好靚外，前往方法亦唔難，喺名鉄名古屋駅有高速巴士前往目的地，簡直就就晒我哋呀！所以唔使多講，一於安排入去第七日嘅行程啊！

公園會按照唔同嘅季節展出唔同嘅花，六、七月係波斯菊、繍球花，到冬天就有好靚嘅燈飾添呀！真係四季都啱玩呀！

日本中部‧北陸 (準備中) 3

自從決定要到訪中部北陸後，就去過好多書局想搵一本關於哩區嘅旅遊書，但原來唔係一件易事，可能我自己唔識搵吧！
最後去咗日本國家旅遊局部(JNTO)攞咗一啲資料同地圖。

日本國家旅遊局
香港北角皇道663號汐富產業千禧廣場8樓807-809室 (港鐵鰂魚涌站C出口)
電話: (+852) 2968-5688

加埋網上資料，既然買唔到啱用嘅旅遊書，所以就自製一本適合自己用咖啦！

正所為唔怕一萬，最怕萬一，所以準備咗中國當地大使館同香港入境處資料。

預計每一日需要用嘅使費，哩一次嘅住宿同交通費都比較貴啊！

由於今次行程移動地方比較多，每一日都要換酒店，訂房資料同地圖都放埋入去。

每一日嘅行程

需要乘搭嘅火車班次，每次我都要查定時刻表先會安心啊！

除咗火車時刻表，去立山黑部嘅交通時間表及各地巴士時間表就更加重要，因為要不斷咁轉車，所以一定要掌握好時間。
立山黑部交通時刻表：http://www.alpen-route.com/tw/transportation/timetable-fares
立山黑部散策路線及資料 ： http://www.alpen-route.com/tw/wp-content/uploads/leaflet.pdf
新穗高纜車料金及時刻表：http://www.okuhi.jp/Rop/timetable/index.html
濃飛巴士時刻表：http://www.nouhibus.co.jp/new/timetable.html
加越能時刻表(高岡至白川鄉)：http://www.kaetsunou.co.jp/nori/201304-11.html

今次為咗唔想哩本手冊太厚，所以景點介紹比上次京阪之旅少咗。

景點地圖當然不能少啦！

喺日本旅遊局攞咗啲有用嘅地圖可以放埋入去。

記底旅程用嘅使費當然重要啦！如果唔係返嚟點同啲團友收錢呀！

最後加一膠套方便入一啲旅遊資料。

大功告成！

日本中部 ‧ 北陸 (期待中) 1

踏入四月，開始倒數出發嘅日子，行程、酒店、交通都安排好，連只可以一個月前訂票嘅濃飛巴士由白川鄉至高山都搞掂了。
而家就只等待出發嘅日子來臨，由於日本好多旅遊景點都會裝有Live Camera，所以我喜歡不時走上去睇吓當地嘅情況，先嚟一個未出發先興奮嘅心情。

今次幾個景點裡面，我比較鐘意睇立山上嘅室堂，每次睇到一大片白茫茫嘅雪景，好天時會好開心，落大雨或落大雪時又好似自己置身其中咁，希望會好快就好天，我有時覺得自己好似痴咗線咁，都唔係喺當地，好天、落雨都唔關我時啦！

三月頭前睇到嘅景象通常係大風雪，白蒙蒙咩都睇唔到，但三月中後就多咗天朗氣清嘅時間啊！希望我哋到訪時都遇到咁好嘅天氣啦！

大觀峰


每次睇室堂時都係白白的一大片雪地，但三月下旬開始雪地上就多咗一啲車軚痕，當時諗應該係工作人員開始喺哩個雪山上掘雪牆。
遠處兩個小三角應該係屋頂嚟啊！


黃昏時份影到建築物自己嘅倒影。


喺三月二七號朝早八點五十幾分，照舊又上live camera望吓個靚景先開工，點知見到有兩輪車喺到，即係capture佢嘅畫面。


點知數秒後有輪嵼雪車出現呀！

無耐再嚟多輪，當時真係好興奮，好似自己喺現場咁呀！幾分鐘就唔見佢哋了，只剩雪上嘅軚痕啊！

真係未出發先興奮呀！

Live Camera：

1. 松本城
http://www.city.matsumoto.nagano.jp/live/livecamera.html

2.
立山室堂及大観峰
http://www.alpen-route.com/livecam/index.html

3.
新穂高ロープウェイ西穂高口駅展望台からの現在の映像です。http://www.okuhi.jp/Rop/livecamera/index.htm

4. 飛驒高山市
宮川 - 鍛冶橋   ：http://www.takayama-dp.com/live/index.cgi
宮川 - 朝市通り：http://www.takayama-dp.com/live/live_b01.cgi

5. 穂高連峰、河童橋、平湯溫泉http://shinshu-online.ne.jp/livecam/kamikochi/index.html

6. 白川鄉
http://www.shirakawa-go.gr.jp/top/