2008年11月23日 星期日

越南五天團(第二天)

16/11/2008(星期日) 天晴    胡志明市 頭頓


今朝一早喺酒店食咗個好普通嘅早餐,但原來係哩幾日最好嘅一餐早餐呀!


食飽飽就出發去越南前總統府。


前總統府 (Former Presidential)



建於1868 年,是由當時統治者法國人所建。

總統府地底下層是間具抗炸能力的軍事指揮所,當年南越政府與美軍的反共軍事計劃皆在此運籌;





一樓是當年召開宴會、議會的大廳;二樓是會客室;



三樓甚至有間小規模的戲院及直升機起降場。




紅色圓形位置就係當年比美軍投下炸彈嘅位置



從二樓看台上影落去嘅大街影色


好多地方送嚟嘅禮物。



哩幾隻係真嘅大象腳,係一家三口齊整意思。但我就覺得一家三口搞成咁反而比較恐怖啲囉!



喺冇冷氣下行咗個幾鐘頭,已經全身濕透


跟住就馬不停啼咁去下一個景點嘞


聖母大教堂 (Notre D’ame Cathedral)


聖母大教堂(Notre D’ame Cathedral)是於西元1877年法國殖民時期所遺留下來的美麗產物。教堂由紅磚所建造,雄偉壯麗的外表、雕塑精美的裝飾,成為胡志明市「紅不讓」大地標。教堂的正面矗立著一座巨大的聖母瑪麗亞雕像,傳說於20051030日下午,有人發現聖母瑪麗亞像開始流眼淚了,短短的時間裡,就聚集上千名信眾圍觀,與「流淚的聖母瑪麗亞」傳說不脛而走。此外,這裏亦成為當地人拍攝結婚照的勝地,有仿巴黎聖母院的紅磚教堂作背景,又有聖母瑪利亞雕像為他們作愛的見證。



但咁啱裡面做緊彌撒所以唔入得去呀!唯有喺出面影吓相囉!



真係好似巴黎聖母院呀




百年郵政大樓 (Central Post Office)


是法國在越南首間的郵政總局,自1892年正式啟用至今,已超過一百年歷史,圓拱正門上法國武士頭像俯視每位進入的人,胡志明的肖像亦掛在大堂內,氣派非凡;而且其樓底極高,與圓拱形的天花營造出開闊的空間感。







我諗導遊真係以為我香港人效率同速度都驚人呀竟然比得一個鐘我哋去聖母大教堂前影相郵政大樓影相兼寄postcard同埋行Diamond Plaza如果我係自己嚟我諗淨係喺郵政大樓裡面都搞一個鐘啦真係趕鬼死呀



跟住又到食飯時候嘞!晏就喺一間普通嘅餐廳食個普通嘅晏仔。



越南出名嘅大頭蝦呀!



食完晏就去一條所謂嘅古董街,其實而家都冇咩古董賣咖啦!只係賣啲記念品咁囉!不過要講價咖!如果唔係比人刹到一頸血呀!所以我冇興趣呀!


哩到有間歌劇院




哩區有好多五星酒店咖!好似巴黎一區咁!而且哩到啲交通有條理啲,冇之前嗰啲地方咁亂,同埋相對地哩到遇到有八成係外國人嚟咖!





酒店門外都開始佈置緊聖誕裝飾



行咗陣就去咗食雪糕嘞!雖然哩間唔係蔡瀾介紹嗰間,但係個椰子雪糕都好好食啊!哩到原來有個習慣係佢哋放底咗啲濕紙布係計錢咖!如果你用咗就計多VND2000,當你埋單佢會嚟收返啲紙布數吓先計數,另外佢又每人比杯茶都會計錢咖!




行完街就坐兩個幾鐘頭車去頭頓嘞!中途有個休息站比我哋去遊手間同買吓手信,但我覺得嘢間舖啲人好似搶錢咁咖!你一想買某樣嘢都未諗真佢哋就喺你手上攞你張銀紙咖啦!所以喺到想買嘢要確定先好攞錢出嚟同埋要惡過佢呀!






我就淨係買咗哩啲飲品比佢哋試吓,有啲BLOG話哩個幾好飲又唔貴咪試吓囉!VND10,000(HK$5.00)一罐,都OK幾好味咖



去到頭頓本來導遊安排我哋坐三輪車遊頭頓一圈,但因今日太多人已經full晒啦!咁就唯有安排明朝先坐,而家就只有安排返酒店先


酒店位置同設備都OK唔錯啊








但因時間尚早,我哋就去咗對面沙灘玩吓水嘞


係沙灘己經可以望到耶穌山啦




沙灘啲沙好幼細呀!海水又唔凍好舒服呀!但出面都幾大浪呀!好似話有個風打緊過嚟!所以岸邊啲人都做緊啲防風操施,但B女同阿妹就覺得好好玩,佢兩個見到海灘就發癲咖啦!兩個到玩跳浪真係冇佢哋收呀!






玩咗個幾鐘就返酒店食一個好一舨嘅晚飯,食飽都係六點半咋



於是就去隔離商場行咗陣就返去沖涼瞓覺嘞!養夠精神明日上耶穌山呀!



今日嘅戰利品呀!




9 則留言:

  1. 估唔到越南的建築物都幾靚 wor
    [版主回覆11/24/2008 12:55:00]係呀! 越南好似香港咁法國統計咗94年, 所以留咗好多好靚嘅歐洲建築囉!

    回覆刪除
  2. @@...搶錢架, 乜都計錢(I mean ice-cream shop)
    晚餐個樣唔錯啊..
    [版主回覆11/24/2008 12:53:00]因為佢哋冇加一服務費, 都算係咁咖啦! 好似佢比咗8杯茶我哋,但我哋只係叫咗四個雪糕, 咁佢只係喺四個雪糕嘅價錢加茶錢, 所以佢其實係收咗四杯茶錢囉!

    回覆刪除
  3. 同我當年去的地方也差不多,連去頭頓個中途站買手信 都一樣。
    不過總括也幾好玩,啲嘢都幾好食,地方也乾淨。
    [版主回覆11/24/2008 18:14:00]我諗五六年後再去都一樣呀!所以去咗一次真係有排都唔使再去住呀! 但我都係幾欣賞佢哋啲洗手間真係好乾淨, 哩啲真係我哋祖國同胞有排學呀!

    回覆刪除
  4. 大象好可憐呀
    旅行社安排嘅善食好似嘛嘛地咋喎.
    不過對匙扣就好靚.
    [版主回覆11/24/2008 20:55:00]係呀佢哋一家好慘呀!
    啲嘢食OK咖! 佢個樣就唔多靚但幾好味咖! 但如果你無肉不歡就差啲嘞!因為啲餐大部份都係少肉多菜同一定有條魚,都幾健康咖!
    個匙扣又靚又抵呀VND15,000(HKD7.50)一對咋!

    回覆刪除
  5. 哈哈....去聖母大教堂同百年郵政大樓真係唔夠時間架, 影得相來又要買吓紀念品喎, 仲想寄封名相片返香港都唔得, 夠鐘集合要走人~~我去頭頓都係住呢間酒店, 都ok既, 但早餐麻麻無咩食, 我地仲早上過左對面個沙灘行添~~
     
    [版主回覆11/25/2008 07:37:00]我本來都諗住第二朝去行咖! 但唔知醒, 我媽咪同阿姨就自己一早去咗玩游早水啊!

    回覆刪除
  6.                  
    點解小子當日唔識得用呢個角度影0架,死蠢!△
     
     
    [版主回覆11/25/2008 20:52:00]哈..哈!我都係抄人哋咖! 見到人哋blog裡面啲相都係咁咪照抄囉! he ~ he ~ !

    回覆刪除
  7. 0甘咪話自己死蠢囉,連抄都唔識!

    回覆刪除
  8. 食飽飽就出發去越南前總統。   <===  前總統瓜咗架啦喎,你要落地府先搵到佢~~~~  hohoooooo

    回覆刪除
  9. 紅色圓形位置就係當年比美軍投下炸蛋嘅位置  <===  炸彈?!??!炸蛋?!??!  炸蛋係越南名菜嗎???  哈!哈!哈!~~~~~~~~  ^o^
    [版主回覆11/29/2008 15:14:00]你個大笨蛋都係越南名菜等我食鬼咗你先得!

    回覆刪除