2008年11月29日 星期六

越南五天團(第五天及後記)

19/11/2008(星期三) 天晴   胡志明市 香港


其實今日都冇行程,食完早餐喺就出機場返香港啦!


今朝我哋出去露天茶座食早餐呀!




食飽見重有時間我哋又走去街尾買法包呀!因為真係好好味呀!我重買咗四條冇餡齋法包返香港食,因為哩到啲法包個皮唔會硬到咬唔到,係外脆內軟嗰種,只不過VND3000.00 一條,即係HDKD1.50,真係底到爛呀!


哩個就係法包檔個靚女老闆嘞!佢好好人咖!



我哋去日本就買嘢買到要PACK箱啫,今次我真係估唔到都要PACK箱呀!因為我哋一家五口買咗好多扎肉同夫妻糕做手信呀!






隨住航機離開跑道,我嘅假期又圓滿結束嘞!而直到航班順利降落喺香港機場,我嘅驢仔生涯又隨即回復啦!








哩次旅程並冇任何驚喜,但好彩亦任何驚嚇,總括嚟講越南都係一個值得去玩嘅地方,最令我覺得舒服嘅係無論去到邊到我都可以好放心咁去洗手間!唔似得返祖國咁每次入洗手間都唔知有咩surprise比你呀!


越南比我最深印象係真係好多好多電單車同天空掛住好多好多電線呀!


而我最鐘意嘅地方係頭頓,好舒服好relax,好啦!又要比心機儲錢為下一次旅程做準備啦!


P.S. 哩張係postcard見到幾得意但我哋喺街就冇見過哩個情況



7 則留言:

  1. 我好鍾意食越南菜...不過就無唸過去越南喇~~見到妳的相...發覺越南並唔係我想像中咁落後...好有特色...
    [版主回覆11/30/2008 10:04:00]係呀! 我初初都以為佢哋好落後, 但原來唔係咖! 而且都幾好玩添呀! 下次你可以多個選擇啊!

    回覆刪除
  2. 但係好似唔係好o岩小朋友, 係咪呢?
    [版主回覆11/30/2008 17:16:00]我諗小朋友去會悶啲囉! 因為真係冇咩嘢玩! 只係睇吓當地風土咋!

    回覆刪除
  3. 我覺得D豬仔好慘呀!
    [版主回覆12/03/2008 20:30:00]係呀! 但好慘之餘又好得意啊! 真係矛盾呀!

    回覆刪除
  4. 我上次去越南, 都有買扎肉同 夫妻糕呀, 不過夫妻糕個盒包裝唔同你喎, 即時試食就幾好食, 但返到香港食就覺得麻麻地, 扎肉真係幾好味呀~~
    [版主回覆12/12/2008 16:57:00]我同你啱啱倒返轉啊! 夫婦糕ok啦! 但扎肉我試食覺得好好食但返到嚟就冇咩點食啦! 唔知係咪喺越南食大咗! 

    回覆刪除
  5. 好祥細的描寫呀, 我當時(上一年) 都是 JOIN 永安的,
    看了你這一篇極精彩的報導, 使我回億了當時的情景.
    係呢,我的導遊都叫亞呂, 佢有冇同你講當年佢的親人偷渡來港的經歷呢?
    [版主回覆12/20/2008 09:15:00]真係咁啱! 唔同亞呂包起晒永安嚟做, 佢冇講呀! 其實係佢好少講嘢! 因為我哋個團得十六人, 有三個全程離隊, 餘下只係我屋企人同另一個party,嗰四位亞太全程冇停個咀,亞呂開咪佢哋又開咪,又嘈又大聲,搞到亞呂都怕咗佢哋,所以只係講吓行程就冇嘢講啦!

    回覆刪除
  6. D豬仔好慘,死前都要俾人類極度虐待。
    [版主回覆01/01/2009 11:08:00]所以覺得好矛盾囉! 一方面覺得咁嘅情景好得意但另一方面又好似好慘咁啊!

    回覆刪除
  7. ~~ DoNaLd & IrIs 愛閒遊 ~~2009年10月26日 上午11:24

    夫妻糕好吾好味o架??
    [版主回覆10/26/2009 11:42:00]好好食咖!好香嘅椰子味啊! 所以你見我買咗成箱返嚟呀! 不過因為佢冇防腐劑, 所以買返嚟幾日內要食晒啊!

    回覆刪除