牛年恭喜發財

忙完一大輪，終於可以過年啦﹗我都係鐘意聖誕節多啲，因為唔使做咁多嘢可以好舒服咁放幾日假，但無論如何祝大家牛年事事順利、想嗰樣得嗰樣，最重要身體健康，每日都開開心心。

                 

                                       

 

                                                                               

每年農曆年前必做嘅大事(下)

前兩日蒸完馬蹄糕，今日就開始蒸蘿蔔糕嘞﹗

份量： 四斤蘿蔔
            一斤粘米粉
            四碗水(包括浸冬菇水、蝦米水、瑤柱水)
            冬菇、蝦米、瑤柱、臘腸適量

首先就你鉋蘿蔔同將其化材料切粒抄熟


然後將鉋咗嘅蘿蔔絲同切咗嘅蘿蔔條落鑊煮淋



蘿蔔要放少少冰糖煮，咁樣啲蘿蔔就唔會有叻味


蘿蔔煮咗陣就落埋其化材料同埋調味 (加鹽、麻油、胡椒粉)

然後倒埋啲用四碗水開嘅粘米粉水入去搞"暈"


就可以落盆蒸咖啦﹗

係咪好簡單又搞掂呢﹗

每年農曆年前必做嘅大事(中)

除咗每年過年前都會整角仔之外，蒸糕亦係我哋嘅重要項目呀﹗每年都要蒸幾十底先至夠分啊﹗

馬蹄糕係由嫲嫲教B女，B女再教我呀﹗

份量: 馬蹄粉一盒 (500g)
          冰糖12兩 (約450g)
          5碗水  (約1,300g)
          2碗椰汁( 約520g)
          馬蹄適量

首先就鉋馬蹄，然後切碎。




用三碗水將冰糖煲溶


再用兩碗水開粉


然後用部份溶咗嘅糖水倒入開咗嘅粉水裡面搞"暈"，哩個步驟好重要，因為咁樣啲粉水就會容易煮開。


跟住就將混有糖水嘅粉水慢慢加入糖水裡面，其間要不斷咁搞，否則就會起粒同埋燶咖啦﹗





直至落晒啲粉水後就可加入埋椰汁同埋馬蹄


然後倒入錫紙盆蒸45分鐘


一次可以蒸到三底n多啲啲


吉返粒紅棗就大功告成喇﹗

每年農曆年前必做一次嘅大事(上)

而家過年嘅氣紛越嚟越淡，好多過節時嘅禮節都可免則免，越簡單越好，我哩兩年連買禮物都用coupon取代，又唔使攞住啲嘢走嚟走去，又唔使擔心唔啱人心水。

但點簡化重有哩一樣嘢咁多年嚟都一定做 – 整角仔

以前一到整角仔嘅時間，屋企就好熱鬧咖﹗所有亞姨都齊集整角仔，老表門就輪流學顏粉，真係好鬼開心咖﹗相比而家就冷清好多啦﹗但B女媽咪話哩啲少少嘅傳統嘢都唔做就冇晒過年氣紛，而且年年都做開唔做好似唔係幾好喎﹗所以今日我哋就只有三個人去做哩件大事嘞﹗

兩日前已經炸定啲豬油，B女話而家啲豬玩瘦身，兩斤肥肉先炸到哩少少豬油。

之前係用花生，今年試吓改用腰果。

B女開始搓粉啦﹗哩到係兩斤麵粉七隻雞蛋同適量豬油。我哋今日做五斤粉呀﹗

搓呀...搓呀...﹗

搓咗團粉嘞﹗

角仔嘅餡料



我開始顏粉嘞﹗



跟住入餡料然後摙返條鞭仔。


完作咗第一盆製成品

落鑊啦﹗炸角仔時唔可以亂講嘢咖﹗要講就講啲好意頭嘢，例如: 哎呀﹗隻角仔笑口呀﹗(其實係爆咗口呀﹗)

完成品

終於完工嘞﹗

朝九晚七，Lunch time得15分鐘，真係重辛苦過返工呀﹗我而家對手攰到好似唔係我自己咁呀﹗