2009年1月17日 星期六

每年農曆年前必做一次嘅大事(上)

而家過年嘅氣紛越嚟越淡好多過節時嘅禮節都可免則免,越簡單越好,我哩兩年連買禮物都用coupon取代,又唔使攞住啲嘢走嚟走去,又唔使擔心唔啱人心水。

但點簡化重有哩一樣嘢咁多年嚟都一定做 – 整角仔

以前一到整角仔嘅時間,屋企就好熱鬧咖﹗所有亞姨都齊集整角仔,老表門就輪流學顏粉,真係好鬼開心咖﹗相比而家就冷清好多啦﹗但B女媽咪話哩啲少少嘅傳統嘢都唔做就冇晒過年氣紛,而且年年都做開唔做好似唔係幾好喎﹗所以今日我哋就只有三個人去做哩件大事嘞﹗

兩日前已經炸定啲豬油,B女話而家啲豬玩瘦身,兩斤肥肉先炸到哩少少豬油。

之前係用花生,今年試吓改用腰果。

B女開始搓粉啦﹗哩到係兩斤麵粉七隻雞蛋同適量豬油。我哋今日做五斤粉呀﹗

搓呀...搓呀...﹗

搓咗團粉嘞﹗
角仔嘅餡料



我開始顏粉嘞﹗



跟住入餡料然後摙返條鞭仔。


完作咗第一盆製成品

落鑊啦﹗炸角仔時唔可以亂講嘢咖﹗要講就講啲好意頭嘢,例如: 哎呀﹗隻角仔笑口呀﹗(其實係爆咗口呀﹗)

完成品


終於完工嘞﹗

朝九晚七,Lunch time得15分鐘,真係重辛苦過返工呀﹗我而家對手攰到好似唔係我自己咁呀﹗

12 則留言:

  1. wah 好靚啊!!! @@  做咁耐?! 不過你地做好多啊...
    我上星期做蘿蔔糕(2 底)但...未過年已經k.o. 左....
    [版主回覆01/17/2009 22:54:00]因為得三個人,所以要整成日囉! 都整咗好多呀! 因為要分比好多人啊!
    我哋會嚟緊個星期都開始蒸糕, 會蒸馬蹄糕同埋蘿蔔糕啊! 每年都要蒸廿幾底都唔係好夠咖! 所以年年都覺得過年好辛苦啊!

    回覆刪除

  2. 好工夫!
    [版主回覆01/18/2009 16:00:00]多謝多謝! 功多勢熟啫!B女由我哋幾歲已經開始訓練咖啦!

    回覆刪除
  3. 勁呀!! 角仔你都識整, 仲排得咁靚.
    [版主回覆01/19/2009 19:16:00]真係過奬啦 ! 因為要影相先排到咁咋 ! 之後嗰啲都是鬼單呀 !

    回覆刪除
  4. 小鳥的魔衣櫃2009年1月19日 下午9:55

    wah 好靚啊!!!
    [版主回覆01/19/2009 22:16:00]多謝誇獎啊!

    回覆刪除
  5. 角仔真係包得很靚,似足佢手拿著的。   
    原來角仔要用豬油搓粉,會肥些少!
     
     
    [版主回覆01/20/2009 07:18:00]你啲公仔好鬼得意啊! 係呀如果唔用豬油就唔會鬆脆咖! 一年一次肥就肥啦! 其實我自己好少食咖! 一隻起兩隻止, 我都係過吓手引咖咋!

    回覆刪除
  6. 炸得好靚喎! 我自從初中家政堂整過一次角仔, 跟住返屋企lur呀媽買料俾我再整一次之後, 就從來冇再整過喇, 因為果次我用支燒酒來顏粉, 顏咗幾下就打爛咗支野, 整出來嘅角仔仲要硬過石頭, 老豆幾乎連假牙都咬崩, 呀媽怕咗我, 連我自己都怕怕呀!
    [版主回覆01/21/2009 07:23:00]我哋都係用燒酒樽呀! 媽咪話可能你係用粘米粉加糯米粉,所以如果溝得唔好就會硬, 我哋只係用麵粉就冇問題啊! 

    回覆刪除
  7. 嘩,係哋好西利呀,又識整籮蔔糕潻,好羨慕呀。以前細個都有幫媽咪搓煎堆,但都是用貪玩的心態。現在年紀大了反而想学,但到媽咪年紀大,收山了
    [版主回覆01/21/2009 07:28:00]其實我哋細個都係抱住玩嘅心態去做咖咋! 而且我媽咪都想喺佢收山前就教晒我哋囉! 所以佢由我哋幾歲就開始訓練咖啦! 但到而家開粉同落鑊炸我都未得呀! 出年要繼續努力呀!

    回覆刪除
  8. 好靚啊!!! 好有心!現在家庭很少會做!
    [版主回覆01/24/2009 00:26:00]多謝讚賞, B女媽咪話哩啲傳統嘢點都要做吓喎!如果唔係慢慢就冇人識做喎!

    回覆刪除
  9. 好掂喎! 睇到都知好!
    [版主回覆01/24/2009 00:30:00]多謝讚賞啊!

    回覆刪除
  10.                                      
                       
     
    祝你牛年夢想成真。
     

    回覆刪除
  11. 呢種脆角,小子小時吃得多了,那時不知幾羨慕人地D軟棉棉荳沙角。
    [版主回覆02/20/2009 07:37:00]嘜荳沙角都係過年嘅食品嚟呀...? 我都唔知添!

    回覆刪除
  12. 係呀,想當年小子一家住板間房,媽媽每年都整花生油角,食得多便悶口了,鄰房剛相反,年年炸荳蓉角,使我們大流口水0約!

    回覆刪除