2009年2月21日 星期六

忐忑不安嘅心情

前兩日突然比老板召入房,原來佢安排將我轉組,新嘅工作同而家做緊嘅嘢係完全唔同,真係好擔心應付唔到啊!雖然都喺同一公司,但要重新適應新工作另一班同事,對於一向應變能力低嘅我真係有啲吃力,到而家都唔係好接受到哩個係事實呀!真係好擔心感覺好大壓力啊


距離而家重有一個星期,三月所有嘢要重新開始啦!好...好....好擔心啊



                     

worried.gif


 


13 則留言:

  1. No worry wor! Think positive! Maybe it's a good opportunity for your career growth le! Add oil! Support you!
    [版主回覆02/22/2009 21:41:00]我老板同上司都係話哩個係好機會, 而且個個都話我一定得, 就係咁先驚, 如果唔得都唔知點算, 而且我變咗四月考個試已經冇晒意義啦! 因為同新嘅工作完全無關, 所以而家真係感覺好迷茫.....
    真係多謝你嘅鼓勵啊! 無論如何都已成事實就唯有盡力做啦! 工要繼續做, 試亦要繼續考, 希望一切可順利識應同渡過啦!

    回覆刪除
  2. 轉新的部門,要適應一定有些時間,不過,我亦相信你一定得的,如有唔明,問吓其它同事,為有邊學邊做!
    可以這樣想,現在可keep 住份工,又可學到啲新嘢;好過老板叫你入房,叫你'拾包服'.....。
    唔好給太大壓力給自已,盡力而為!
     
     
    [版主回覆03/01/2009 13:46:00]Thanks for your support.

    回覆刪除
  3. Learn & Try; Try the untried.  勇敢接受新挑戰啦! 你一定掂既 !
    [版主回覆03/01/2009 13:46:00]多謝你嘅鼓勵啊! I'll try my best.希望可以好快適應到啦!

    回覆刪除
  4. 唔好咁擔心啦! 船到橋頭自然直呀! 我幾年前又係咁, 不過同你唔同嘅係除咗要繼續處理現有工作外, 另要處理多幾範, 所有新工作我都未接觸過, 而且冇人教, 要自己模, 果時真係想死, 晚晚12點先走, 但朝早8點就返到公司, 冇計, 鬼叫自己蠢咩, 所以更加唔可以懶, 於是頂硬上, 足足捱咗3個月, 之後就漸入佳境囉.  
    我諗你點都會好過我啩, 一定可以守得雲開o架!
    [版主回覆03/04/2009 13:33:00]真係好多謝你嘅鼓勵啊! 今日係第三日仍然重係適應緊, 好多嘢都重係唔知點去做, 見到同事勁忙但又幫唔到啲咩手真係好唔自在呀! 我都希望可以好快可以TAKE UP到啦!

    回覆刪除
  5. 安排呢你調位的上司通常有兩目的,一係想幫你,一係想害你。(即是話佢睇好你或睇衰你。)
    如是前者,你就加把勁,交出好成績來,不負有心人;如是後者,你更要多加把勁,唔好衰俾佢睇,呢招叫做〔連消帶打〕喇。
    給你三個心:對自己有信心;對學習要虛心;對同事要關心,則無往而不利矣!
    [版主回覆03/06/2009 12:57:00]咁我都信老闆係為我好, 想我可以有機會學多啲嘢! 但就真係壓力好大囉! 所有嘢要重新嚟過! 我而且已經努力緊去適應新工作,新環境, 你比我嗰三個心好有用呀! 我一定常常佢哋放喺我個心裡面呀!  多謝晒!

    回覆刪除
  6. try your best!有信心真係好重要,一定得的.
    [版主回覆03/09/2009 20:55:00]好多謝你嘅鼓勵呀! 啱啱過咗一星期個心好似定咗啲啦! 但都重適應緊新嘅工作! 希望可以盡快上手啦!

    回覆刪除
  7. Peope will have to face changes and challenges. Take it easy. You can handle it well.  Remember the 5Cs could help - confident, creative, commuicative, caring and cheering.
     
    [版主回覆03/09/2009 20:57:00]睇到你嘅留言真係好感動啊! 而且你嗰5個C亦真係好有用啊! 我會記喺心中同埋適當時候攞嚟用啊! 真係好多謝你呀!

    回覆刪除
  8. 加油!!!
    [版主回覆03/12/2009 22:02:00]Thank you!!

    回覆刪除
  9. 比D信心自己, 加油呀~~
    [版主回覆03/12/2009 22:02:00]Thank you!!

    回覆刪除
  10. 努力呀, 相信你已經在新工作崗位, 慢慢來吧, 祝妳順順利利吧!
    [版主回覆03/12/2009 22:03:00]而家重適應緊啊! 不過我會努力咖啦! Thank you! 你重有個幾月就出發啦喎! 準備成點呀?  應該都七七八八吧!

    回覆刪除
  11. 加油呀, 俾d信心給自己, 少d信心就會衰ga喇!
    [版主回覆03/14/2009 09:54:00]好多謝你嘅鼓勵啊! 有你哋咁多人支持我一定會努力啊!

    回覆刪除
  12. 努力呀~~~人總要去適應環境而唔係被環境去適應我地既~~~
    慢慢黎....慢慢學...唔識學到識~~
    我都岩岩轉左新工....好多野都要重新學過....
    但我唔會放棄架~~~你都要一樣ar~~~無野係唔得既~~~
    最多努力d.~~~ 辛苦少少~~~但日後適應左就會好輕鬆~~~
    [版主回覆03/14/2009 09:57:00]好多謝你嘅鼓勵啊! 有咁多人支持真係好感動啊! 咁我哋就一齊努力啦! (btw,你個名令我覺得好親切啊!因為我都有哩個字呀!)

    回覆刪除
  13. 慢慢來...take it easy.唔好給自己壓力
    [版主回覆04/08/2009 12:48:00]好多謝你嘅支持啊!而慢慢適應緊啊!

    回覆刪除