2010年10月9日 星期六

幸運

不經不覺復工都兩個月,表面睇一齊好似回復正軌。頭髮亦長得多咗,望落去已經好自然,所以行喺街上已經唔會再有人用啲特別嘅眼光去望啊!感覺真係舒服好多呀!不過要好似以前嘅長度就真係起碼要等多一年以上啊!



剛剛過去嘅星期日,我參加咗哩區教堂主保瞻禮,夜晚有敍餐,一向欠缺抽獎命嘅我竟然抽到最後嘅壓軸大獎,係一個聖家像,重係由湯漢主教親手頒發,而且佢重親自幫我為聖像祝聖添啊!真係令我好興奮呀!








5 則留言:

  1. 對呀! 不用再接受別人特別的目光的確很舒服, 希望我也快些不用戴帽, 做個真正的正常人。
    [版主回覆10/16/2010 18:23:00]唔使擔心喎!過多個多月就應該唔使戴咖啦!十二月就一定可以靚靚咁去飲呀!放心....放心。如果你去游水嘅時候記住戴返頂游水帽呀!因為我哋啲頭髮啱啱出要保護吓佢哋咖!

    回覆刪除
  2. Shirley :           時日如飛 ~ 好快就有靚靚既長直髮架 . 
    難度咁高都抽得到 , 睇黎開始轉運喎 . 
    Bye Bye !
    [版主回覆10/17/2010 09:35:00]我都有同感,啲衰嘢唔好再返嚟搵我就好嘞!

    回覆刪除
  3. 看到你復原過來真的很開心
    幸福之神會繼續眷顧着你
    希望你一切安好、快快樂樂
    [版主回覆10/18/2010 20:30:00]多謝晒你啊!

    回覆刪除
  4. 大獎都比你抽中~~證明左好運之後一路都會跟住你咖啦  yeah~~
    [版主回覆10/19/2010 07:31:00]! 你同man wai講嘢好鬼似咖! 承你貴語啊! 我照單全收, 多謝晒呀!

    回覆刪除
  5. 你好幸運呀! 番工有寄託係好ge~  本身我個人好緊張ga, 如果番工怕做不來, 跟以前的我很大分別, ...有壓力喎! 我個病係壓力造成, 若果因壓力又再復發點算呀!
    我d頭毛也長出, 不過好多白色, 要參加瑪麗小組去學吓用天然染色喇~
    [版主回覆10/23/2010 08:39:00]我都覺得自己好幸運,希望幸運一直陪住我啦! 其實我個人做嘢都比較緊張咖! 而家好多時同事都會提醒我唔使咁緊張, 慢慢嚟! 但江山易改,
    有時有意無意自己控制唔到, 不過唯有盡量叫自己慢慢唔好急囉! 其實我而家嘅工作都唔算大壓力, 但始終唔想對同事有負累,
    雖然簡單嘅工作都想做好啲囉! 唉! 性格嘅嘢真係好難改啊! 我最初啲頭髮都有啲白咖! 但我無搞佢呀! 我以前啲頭髮生得都唔算濃密,
    我驚越搞佢, 佢唔生出嚟呀! 我淨係食吓芝麻糊, 同個頭皮按摩吓, 而家雖然重未好似以前咁黑, 係啡啡哋, 但就無話係白咁囉! 
    你要食返多啲嘢, 吸收返多啲營養, 到時啲頭髮就會生得靚咖啦! 唔只頭髮, 個人都會靚晒呀!

    回覆刪除