2011年3月11日 星期五

日本宮城縣北部下午發生8.9級大地震

今日下午喺公司收到消息話日本宮城縣北部發生8.9級大地震,當日覺得日本時時都發生地震啦!所以都不太在意,到四點幾五點時話仙台發生重大海嘯,都只係有一點點擔心,但返到屋企睇到新聞,真係呆咗啊!估唔到原來係咁嚴重啊!





今次受破壞嘅地方都好廣泛,專家估計嚟緊幾個星期重不斷會發生餘震,而香港政府亦發出咗紅色旅遊警告,對於將要出發日本嘅我,而家嘅心情真係又擔憂又忐忑不安啊!

而家自己無咩嘢可以做到,只有帶住沉重嘅心情為傷、亡者、失去家園嘅日本國民祈禱,亦希望唔好再有太大嘅餘震做成更大嘅破壞同傷亡吧!

6 則留言:

  1. 會否影響妳預先安排的旅程嗎 ?
    [版主回覆03/12/2011 15:02:00]因為我目的地係關西 (京都、大阪),所以影響不大,但擔心始終都會有啊!

    回覆刪除
  2. 何時出發 ? 要密切留意最新消息啊 !
    [版主回覆03/12/2011 17:21:00]4月4號出發, 我會密切留意, 但難免影響心情啊!

    回覆刪除
  3. 若此災難發生在其它國家,小子更感悲痛!可能是過去日本人曾侵略殘殺我等同胞的仇日陰影未能消除吧!
    [版主回覆03/12/2011 17:44:00]我都有同感, 不過我嘅諗法係日本一向防震功夫都做得好好, 好似而家出咗事, 政府亦會有好迅速作出相關行動, 如果哩個8.9級地震喺中國或落後少少, 例如印尼之餘嘅地方, 損害同傷亡一定比而家嚴重好多陪, 所以唔想咁講都要話好彩係喺日本囉! 但哩啲哩災難嘅事件緊係最好唔好發生啦!

    回覆刪除
  4. 如果可以改行程的話, 不如考慮改去其他國家啦! 安全至上丫嘛!
    [版主回覆03/16/2011 07:45:00]噚日已經決定取消行程了 ~

    回覆刪除
  5. 不要為去而去, 安全至上呀! 我哋咁難得先好返, 小心D好。
    [版主回覆03/16/2011 07:46:00]噚日已經決定取消行程了 ~

    回覆刪除
  6. 這次日本不但受地震之災,海嘯帶來的禍害更大,從畫面上見到,超高峰洪水如猛獸般撲上陸地,更先進的防洪設施都抵擋不了呀!
    要服日本人的是他們不會因受災難而搶天呼地,他們冷靜面對,甚至領救濟也規矩得很,不會爭先恐後,引致場面混亂的。這可能是日本國民教育做得好之故吧!
    [版主回覆03/16/2011 07:47:00]佢哋嘅國民教育真係做得好好啊! 香港人幾時可以學得到呢?!!

    回覆刪除