所以就二選一，揀V Hotel係因為佢好新，2010年先開業而且喺地鐵站上面，最重要喺雖然佢只係三星酒店，但竟然有個唔錯嘅泳池，所以二話不說就揀咗佢嘞！
由機場去酒店可以坐MRT East West Line(東西線)，非常方便。
地鐵站出口就喺一條食街旁邊，
過咗哩條短短嘅食街就係酒店啦！
重有間香港久違咗嘅Wendy's啊！
酒店門口
酒店大堂 (手陣添)
接待處左手邊間房有三部電腦，當然要比錢先用得啦！而且全個酒店範圍嘅Wifi都要比錢先用得啊！
四樓喺餐廳，早餐時候會好多人啊！因為哩間酒店好多旅行團入住，佢哋大部份都會包早餐。
餐廳旁有個大梳化
有個細細嘅健身室
哩個泳池就係最吸引我入住嘅原因啊！泳池開放時間 7:00 am ~ 9:00 pm (水深: 1.4米)
泳池旁有兩個簡單嘅沖涼室，如果要喺到沖身就自己帶沖涼用品啊！
好啦！上房啦！之前喺網上討論區睇咗好多評語都話哩間酒店啲房大細，但如果住過日本嘅酒店，相信都會同意哩間房真係唔算細啊！
窗邊重有窗台位可以將個喼放上去，真方便。
由於Double Beds 同Twin Beds係同價錢，所以我訂兩間房都係Twin Beds。
床尾有個電視，衣櫃內有個雪櫃仔同夾萬。
酒店每日都會有兩枝水送，由於新加坡啲物價都幾高，飲枝水都要十幾蚊，所以每日我哋都會攞埋枝水再加自己煲水。
廁所亦係比人評論太細，有啲人甚至話玻璃門位唔夠入
好彩我同大笨蛋都入得卓卓有餘。
基本用品：牙膏、牙刷、洗頭水、沖涼液、浴帽都有供應
不過有一點要留意係酒店只會提供一條大毛巾，所以細毛巾要自己帶。我見好多人自已無帶，都走出走廊想搵服務員攞細毛巾啊！結果當然係無啦！
風筒收咗喺櫃桐裡面呀！
全間房有兩個插蘇位。洗手間係無插蘇位啊！由於我哋都幾多嘢要义電，所以自己帶咗個拖板。
總括哩間酒店我相當滿意，地點方便，價錢合理，如果有機會再嚟新加坡，V Hotel都會係我首選啊！
好耐冇出卜喎你, 原來去左旅行...
回覆刪除@@ 冇free wifi 都幾唔方便
[版主回覆01/06/2013 12:24:48]而家好懶寫blog, 好似哩三日行程, 寫到而家都只係寫咗一日咋!
去左singapore, happ喎!!!
回覆刪除我下个月想去新加坡4天, 請問你係咪訂package ? 去边間訂, 要幾錢 ?
回覆刪除[版主回覆02/25/2013 07:49:56]我係直接同新加坡航空訂票, 我訂個package係1999三日兩夜住V Hotel, 不過當時個staff話唔知咩機位無晒, 所以就再加150附加費一個人就有位,燃油附加費870, 所以total係HK$3019.00.
你可以上佢哋個WEBSITE睇吓, 有問題打電話去問清楚, 佢哋可以電話訂位, 好方便。而且經佢哋訂票可以有機場接送同埋有coupon送, 另外如果你有時間, 好似加400蚊就可以legoland, 可惜我自己當時安排唔到時間囉!
http://www.sia-holidays.com/
Thanks to Shirely, 我去新航問問先.
回覆刪除[版主回覆02/26/2013 07:27:07]唔使客氣，到時玩得開心啲啦！