2013年10月5日 星期六

Day 1.2 @ 墾丁、貓鼻頭、墾丁大街

前篇講到食晏就,食飽之後繼續上路。原本當日節目係去坐半潛艇睇珊瑚礁,但因天兔迫近,台灣天文台已經發出海上警佈,所有於當日嘅水上活動都要取消直至另行通告,所以就無得玩嘞!

 咁第一個行程就改為前往貓鼻頭,哩到可以睇到好長好長嘅海岸線,都幾靚咖!


行上去觀望台睇得重清楚呀!

















當日都幾大浪呀!


















逗留咗大半個鐘就離開。行埋公園內嘅小店,無咩好特別嘅嘢吸引到我買。


















跟住就返上車準備去墾丁大街。哩間就係今次坐嘅旅遊巴,台灣啲旅遊巴好興用兩層啊!
 好快就到咗墾丁大街。
 

哩條街係墾丁最旺嘅地方,雖然話天兔迫近,但當晚嘅天色重好好啊!


















街道兩旁開滿攤檔,有好多不同嘅小食。






不過我哋哩晚有包晚飯,而且哩到啲小食唔係好啱我胃口,而買嘅記念品店好似間間都差唔多,所以都無咩收獲。最後只係飲咗杯木瓜奶。檔口太太問我哋幾時嚟,我話剛剛到埗,佢即刻話我哋唔好彩,聽日會大風大雨,好多地方會因海水倒灌而水浸,我哋咩都玩唔到喎!
唉!如果天意要咁安排我都無辦法啦!一切聽從天意啦!


差唔多時間就行返去集合地點去開飯。天色都開始黑啦!















我哋就係喺哩間高山青飯店開飯。

















因為團體餐都無咩特別,所以無咩影相。 食飽飯後再比多個半鐘我哋行,但因為我同大笨蛋都無咩想買,而且亦開始落雨,所以我哋留咗喺哩間飯店嘅大堂上網,因為佢有wifi而且速度都幾快。

九點就坐車返酒店,哩一刻開始感受到天兔迫近,因為除咗落雨外,係好大風,我把遮都差啲吹爛。

今次係住墾丁六福莊渡假旅館,我強烈見意如果有得揀都唔好住哩間酒店,首先係佢都幾舊,下面張相係第二日返酒店時係車上面影,因為之後都大風大雨,無機會行出酒店外影相呀!其次係佢嘅設施唔係好足夠,以一間渡假酒店嚟講,佢真係嘛嘛哋囉!


房間都OK
















浴室浴缸好似唔太乾淨















基本設備齊全,每日都有一枝水供應。















不過最重要係我哋帶咗自己嘅router去插咗線都無辦法上到網,後來先知原來自己帶嚟嘅router係唔得,要喺櫃台借酒店嘅router先可以用,但當我知道嘅時候酒店嘅router已經借晒啦!都估到啦!淨係我哋哩團都用咗80間房,一半人去借都無晒啦!於是哩晚就叠埋心水早啲瞓,第二朝早啲去浸返個三溫暖先!


 ...續  2.1@三天變四天高雄、墾丁追風遊








2 則留言:

  1. 嗯,跟團好多時都講運。^。^反正,台灣景點都系文化同海岸,打風無咗一半。團餐。。。不吃白不吃,街上小食,多逛兩次就是大同小異。。。哈哈,我留返D資源回鄉^-^

    回覆刪除
  2. Hi, Shirley! Many thanks for visiting my blog! Please press "追蹤者" to my blog @ http://rickiekwong.blogspot.hk/ again as I have reuploaded my blog to fix web-links. Thanks & merry Christmas

    回覆刪除