2014年4月6日 星期日

計劃中(2)_2014白濱、和歌山、有馬溫泉遊

當行程計劃得七七八八嘅時候,總係覺得第二日去白濱ToreTore市場同第三日去和歌山黑潮市場實在太近似,感覺上好似有啲重復同悶。

由於表妹係好鐘意好鐘意貓貓,所以我提意佢第三日到咗和歌山唔好跟我哋去黑潮市場,佢去貴志駅睇小玉貓站長。就係幫佢睇前往貴志駅資料時,發覺距離貴志車駅十五分鐘路程有一個士多啤利園可以採摘士多啤利,即摘即食。我至鐘意食士多啤利,所以二話不說就改行程吧!

但問題就出現嘞!詳細睇資料,原來網上所謂嘅十五分鐘路程只係到達生果園嘅報名處,之後要坐十分鐘果園安排嘅小巴先會到達士多啤利溫室場,所以佢哋要求一定要預約,但WEBSITE裡面無電郵地址或傳真號碼,只有電話號碼,我又唔識日文,咁點算?BLOG上面有提一定要預約,否則果園真係會拒絕參觀。

本來諗住到達日本酒店第一日,叫酒店職員幫忙打電話過去預訂,但既然而家距離出發重有個多月,不如試吓寫封信過去預約,日文當然唔識,我只係將英文信轉日本,相信啲文法應該錯晒,但重點係有 1) 預訂いちご食べ放題  2) 時間  3) 人次,重留埋酒店資料,我諗咁樣都得卦!希望可以成功預約啦!



貴志川観光いちご狩り園


更改計劃行程後:
第一天:香港 --> 関西空港 -->白濱 (三段壁、白良濱、足湯橫丁、圓月島)
第二天::白濱 (千疉敷、ToreTore市場)
第三天:白濱-->和歌山-->貴志車駅(小玉駅長) -->貴志川観光いちご狩り園 -->和歌山
第四天:和歌山 (和歌山城) --> 難波
第五天:難波 --> 神戶三宮 (食牛) --> 有馬溫泉
第六天:有馬溫泉 --> 神戶 --> 心齋橋
第七天:心齋橋-->鶴見綠地花博紀念公園及溫室 --> 心齋橋、道頓堀
第八天:黑門市場、千日前--> 関西空港 --> 香港

      *****      *****    *****       *****     *****

基於コーさん嘅提點,上面嘅地址無postcode可能寄唔到,所以在網上再查到另一個比較詳細及有聯絡人嘅地址再寄多次,結果係我當日旅程第一天喺酒店Check in時,酒店職員通知士多啤利園主回覆咗我嘅預約喺成功咖!原來這個方法係可行呀!

第二次寄出嘅地址

預約信內容,由於只是用網上英對日嘅翻譯,所以用句或文法係同正統日本有出入的。



6 則留言:

  1. http://www.rurubu.com/season/winter/ichigo/detail.aspx?SozaiNo=300001

    我睇咗幾個website, rurubu, jalan

    要予約(2月1日~4月第3土曜まで要予約、以降先着順入園。団体は期間中要予約)

    你五月去?應該水尾,唔洗預約(先着順)。

    另外,你封信無postal code,郵差叔叔好難派到去,佢地最緊要有「郵便番号」⋯⋯。

    回覆刪除
    回覆
    1. 另外,聽說VISA白金秘書服務,可以幫忙代訂,好有需要,可以試試。

      刪除
    2. 噢!我都係照抄佢website個地址,佢都無postcode,如果係咁就唯有隨緣啦!我第一日去到酒店搵職員幫我打去問吧!唔該晒你先啊!

      刪除
    3. コーさん,士多啤利園真係收到我封信,同埋留咗msg去我第一間酒店,confirm無問題啊!我聽日就去啦!:)

      刪除
  2. 得個電話號碼 , 的確好難預約 , (除非精通日文)
    希望佢地睇得明啦 . ^^ (仲要封信派得到佢手上)

    回覆刪除
    回覆
    1. 係囉!其實公司隔離部門有幾個日本同事,但因為唔識佢哋,又唔係幾好意思搵佢哋幫手,所以唯有去到嗰邊先搵酒店職員幫手再打去約吧!
      同埋諗定後備,哩到唔得就轉去其他地方囉!

      刪除