2015年9月5日 星期六

Day 4.2 @ 心齋橋

2015年07月14日 / 星期二 (第四天) 利用近鐵周遊券一日版
08:51~09:29 | 近鉄難波・奈良線快速急行 | 大阪難波 → 近鉄奈良560円 / 280円
09:50~10:00 | 觀光巴士 | 近鉄奈良 → 東大寺大仏殿‧国立博物館 210円 / 120円
11:58~12:03 | 70 號巴士 | 東大寺大仏殿‧国立博物館 → 近鉄奈良 210円 / 120円
12:16~12:32 | 大阪難波・神戸三宮快速急行 |近鉄奈良駅 →大和西大寺 200円 / 100円
13:33~14:05 | 大阪難波・神戸三宮快速急行 |大和西大寺 →大阪難波 560円 / 280円

(交通收費及詳細資料請往交通篇)

酒店:クロスホテル大阪 (Cross HoteOsaka)

返到難波先去行吓難波地下街,行咗個多鐘都買咗好多嘢,所以先返上酒店放底嘢再去一蘭食拉麵。

由於三點幾都唔使排隊,先喺售票機買票先!

跟住安排到三樓坐底,我哋係第一組人被安排坐喺哩層,所以一入去時無人呀!

好快有得食啦!我都係鐘意食一蘭嘅拉麵。

加隻半熟蛋係指定動作。

今次見到哩個新產品,都叫個嚟試吓先!

我第一次用哩個工具,由於想你食完麵先食甜品,所以比個小兜,當想要食嘅時候將兜放上枱上指定位置,廚房會响起音樂,食品就會有人立刻送上。

食飽飽之後又再到道頓堀、難波一帶行街,喺難波商店街見到一隊人遊行。

好似有啲咩義式要進行



好熱鬧啊!好似多年前去富良野時睇肚臍祭咁呀!


最後見到哩間車寫住八阪神社,咁應該係哩個神社有慶典,最衰哩到距離八阪神社都幾遠,天氣實在太熱,如果唔係我都想去睇吓呀!我舊年去八阪神社撞啱維修 (2014 Day 4.2 貴志駅/和歌山往難波),真係想走返轉。


行到四點幾五點,又熱又攰,於是又返酒店沖個涼瞓個覺休息吓,因為哩晚係喺大阪最後一晚,連日嚟買、買、買,又從來無執過行李,所以哩晚要好好咁執行李,咁我哋就去大丸嘅超市買晚餐返酒店食。

都幾豐富咖!其實我幾鐘意咁樣買返酒店食。

重有飯後甜品。

食飽飽,兩母子喺到打機幾溫馨。

好...開始執嘢!見到咁多嘢都有啲頭痛唔知點執。

哈..哈!!其實今次我唔係買咗好多嘢,不過最壯觀係買咗五對鞋,之後返香港再搭朋友買多對,大家都形容我係八爪魚腳呀!

搞咗成兩個鐘,終於搞掂可以瞓覺。


2 則留言:

  1. 我都係一蘭既Fans , 替玉一定唔小得 . ^^
    有慶典喎 , 咁都遇到 , 幾好彩丫 .
    蝦刺身 ~ 見到都想食 , Yeah !!
    買咁多野 , 都算大豐收 , 記憶中我都未試過買咁多野 . XD

    回覆刪除
  2. 一蘭真係唔錯。
    如果唔係當時天氣太熱,我都會跟去睇吓,但又攰又熱,唯有放棄啦!
    其實今次都唔算買太多嘢啫!因為三月去東京嗰轉都入咗好多貨。

    回覆刪除