10:15 ~15:00 | CX536 | 香港赤鱲角機場 → 中部国際空港
15:47 ~16:24 | 港線特急 | 中部国際空港 → 名鉄名古屋
17:40 ~19:45 | 特急（ワイドビュー）しなの21号(指定席) | 名古屋 → 松本
(交通收費及詳細資料請往交通篇)
酒店：リッチモンドホテル松本 (Richmond Hotel Matsumoto)
坐咗兩個鐘終於到達松本，由朝早七點多喺屋企出門口，直到到達松本已經十幾個鐘，確實有啲攰！列車準時19:45到達。
團友們拖住行李向酒店邁進
當晚松本17度，要即時加返件外褸先呀！
由於第二次到訪，所以唔使搵路，好快就到達酒店。辦好入住手續上房放底嘢後都已經八點半啦！所以咩都唔搞出去食飯先！
行咗幾間心水店舖都滿座，原本諗住可能係星期六關係，到第二朝去松本城先知佢哋有大型活動，所以哩晚松本城好多遊客。
最後我哋揀咗秋吉，喺砺波食過感覺幾好，所以就揀返佢，但松本哩間店當晚多人加上舖頭無禁煙，所以感覺麻麻哋！
快快脆脆食完就走。
燒雞肉粒飯
燒雞軟骨
燒牛肉粒
食飽就返酒店執好行李，沖涼瞓覺。臨瞓前食埋之前喺名古屋駅買嘅生果，啲提子去咗皮之後好晶瑩通透，而且重好甜啊！
第一日喺無行程嘅情況下完結咗嘞！
Shirley姐 : 生日快樂 !! 雖然遲左小小 , 不過有心唔怕遲 ,
回覆刪除十月都係拜年時 . haha ...
祝你身體健康 , 一年靚過一年 . ^_^ !!
多謝呀！Man Wai,你真有心啊！ :)
刪除作者已經移除這則留言。
刪除人多買提子先食得哂。
回覆刪除第二日即刻上山？
係呀！如果得一、二個人真係食唔嘢，又無得散買。
刪除第三日先上山，第二日用大半日行松本城同松本市，夜晚喺信濃大町住一晚。