2016年1月16日 星期六

Day 2:ニュー竹乃家

2015年10月11日

ニュー竹乃家
長野県大町市大町3059

和室10畳 (トイレ付、バス無し) + 和室7畳(トイレ、バス無) 
8,640円(税込・サービス料込) + 7,560円(税込・サービス料込)



喺信濃大町車駅旁嘅酒店/旅館選擇唔多,好多人都好可能會選擇去信濃大町溫泉鄉投宿,但一向都要方便為大前題,所以都係搵返車駅旁嘅旅館會好啲,而離車駅最近嘅相信係ニュー竹乃家同埋七倉莊(即第一張相後面嗰間)。

最初我係訂七倉莊咖!因為ニュー竹乃家 無自己網頁,只有樂天同Jalan可以訂房,不過喺出發前半年都唔見有房放出嚟,所以穩陣起見我先訂七倉莊,我睇過網上評論,旅館住宿房間都無問題,都係乾淨企理,但見到浴室啲相就有少少驚,好簡陋,睇落唔係幾舒服,所以一直都抱住有就轉嘅心態,終於喺出發前兩個月見到ニュー竹乃家 有房出租啦!而且價錢重係平咗三分一添,所以就拿拿臨轉會。

其實外表睇ニュー竹乃家 係比七倉莊舊,但都係乾淨企理就OK啊! (補充:近期上七倉莊網頁睇好似旅館返新過,浴室都明亮咗好多。)

出咗信濃大町駅向左行十數步就會見到兩間旅館嘅指示牌

行到盡頭45度轉就會見到旅館



旅館前有幾級樓梯

一入到大堂需要除鞋放入鞋櫃換上拖鞋,如果無需要再外出,職員會收起鞋直到第二日離開先攞返出嚟。

其實入咗旅館內又唔係好覺好舊

接待處旁有個餐廳,但據聞有住客要求住宿包餐,但老闆建議在外面餐廳食,因為佢哋無人手準備膳食喎!

當日眼見都係得一男一女喺旅館忙嚟忙去,所以接待處枱上有個鐘仔,如無人時可以搖鐘叫人。



辦好手續上房啦!基本上兩間房都大同小異,只係兩位靚太嘅房大兩畳同埋有洗手間,對於佢哋半夜要去方便嘅人有洗手間會方便啲,唔使佢兩個走出走入。



有齊浴衣、毛巾、牙刷

房間無浴室,沖涼要去地下嘅浴場,因為我哋早到無人,所以可以入去影相呀!
換衫位大槪有六個,風筒無記錯應該係左右各一個。

沖涼位有四個都足夠

浴池三個人同時使用都唔會話好迫,而且當日旅館都多客人,但我哋通常都無遇上其他人,自己包場。

我同大笨蛋要去洗手間就出走廊,都好近。

洗手間出面喺洗面、刷牙區。

我都幾滿意哩間旅館,地點方便,價錢合理,雖然再走立山黑部哩條路線好微,但如果真係有機會,哩間旅館會係我首選。






8 則留言:

  1. 有話說- 大家日遊時, 有機會請多留意一下開床的情況. 上面的是 [ 正確示範 ] . 大家知道如何 看得出來嗎?? 下星期四 拉揭曉 ^0^

    回覆刪除
    回覆
    1. 通常都係酒店/旅館開好晒,我照瞓,真係唔識分啊!

      刪除
    2. 好似係睇方向。係咪?

      刪除
    3. 答番個問題先~
      其實, 一般旅館開床, 只系張被褥, 一張一張疊好.
      而細心的服務, 是會把最頂的被牽開一部份(像上面的)或更多, 方便客人入睡時沿已經被牽開多拉一把便可以進內.

      刪除
  2. 回覆
    1. 我4月15會飛名古屋, 希望睇到大雪牆. ^0^

      刪除
    2. 嘩! 好羡慕啊! 影多啲相,等我無白得去都有得睇。

      刪除