2016年2月27日 星期六

Day 3.3 @ 室堂、晚餐(洋食)

2015年10月12日 / 星期一 (第三天)
07:10 ~ 07:50 | 路線バス | 信濃大町 → 扇沢
08:00 ~ 08:16 | 関電トンネルトロリーバス | 扇沢 → 黒部ダム
09:30 ~ 09:35 | 黒部ケーブルカー | 黒部湖 → 黒部平  
10:10 ~10:17 | 立山ロープウェイ | 黒部平 → 大観峰
10:45 ~10:55 | 山トンネルトロリーバス | 大観峰 →室堂

(交通收費及詳細資料請往交通篇)
酒店:ホテル立山 (Hotel Tateyama)

提早咗返車駅,又未夠鐘Check In,所以就去車駅旁嘅室堂展覽館走走,裡面有影片介紹室堂嘅春、夏、秋、冬。

亦有圖片、電腦介紹,喺裡面坐坐走走到三點可以Check In就返到車駅上嘅立山酒店,哩一刻真係覺得比咗咁貴嘅房租都係值得咖!

手續好快完成,由於亞姨唔係好習慣大浴場沖涼浸浴嘅文化,所以我訂咗貨切家庭風呂比佢兩位靚太享用,每間房住客可免費用一小時,當然係先訂先得啦!


我同大笨蛋就去大浴湯,浸一浸當堂成身暖晒。最初唔知行程咁快完成,所以訂晚餐時間係7:30,喺房百無聊賴,瞓吓、坐吓等食飯。

7:30準時到酒店頂樓餐廳開飯,上次遊記有提到哩到嘅和食晚餐超難食,我最後要豉油撈飯,所以今次絕對唔會再訂和食,而網路上對酒店西餐嘅評價都好正面,所以哩餐都期待啊!




首先一入餐廳感覺已經唔錯,好浪漫嘅氣氛,侍應送上今晚晚餐嘅餐牌,跟住就開始上菜。
 

每一款都賣相好靚,味道都唔錯啊!





個主菜係牛,對於我嚟講實在太多肉啦!又唔想嘥嘢,全部食晒落肚好飽呀!

好好味嘅甜品結尾,超飽!買咗個杯麵諗住做宵夜都要揹返落山啊!

食飽返房抖一陣就去浴場浸一浸就去瞓啦!睇嚟聽日都唔會好天,唔使早起睇日出,可以睇到天光啊!








2 則留言:

  1. 我當年訂咗室堂山莊,有啲後悔。

    回覆刪除
    回覆
    1. 其車室堂山莊都有佢嘅優點,本來今次都想訂佢,不過同事舊年住過,話暖氣只開到十二點,佢三點凍醒等天光,我最怕凍,同埋朝早浴室無熱水供應,所以就改訂返立酒店。

      刪除