2008年8月3日 星期日

巴黎、瑞士之夢想自遊行(後記)

27/06/2008 - 12/07/2008 巴黎、瑞士之夢想自遊行


我嘅夢想遊終於實現咗啦!


今次嘅遊記比起之前嗰兩次日本自遊行寫得比較簡單,因為成個行程裡面要兼顧嘅嘢太多,變咗少咗時間記底啲嘢!返到嚟有好多嘢都記唔起。所以只係略略記底個大槪。


雖然自遊行唔係第一次,但咁長時間去一個咁陌生嘅地方真係有啲緊張嫁!而遇上航班延期都係第一次,其實而家諗返起都有得著,起碼我學識點去應付哩啲環境,點去處理跟住落嚟要做嘅功夫。


完成今次旅程除咗有好大滿足感外,自己亦有好大恩惠,我好慶幸自己今次有同埋媽咪去哩個旅程,見佢玩得咁開心,返咗嚟成個月啦!佢重不時掛喺口邊到邊到有幾好玩,而其實佢喺我身邊亦令我喺旅程中有份安全感。哩個世界真係好多嘢預料唔到,可以做到真係要即時盡量做。


所以我又有咗下一個目標啦!因為今次好多地方要行,而老豆對腳而家一行多少少路都話痛,唔係好行得遠,所以今次佢去唔到,等我年尾有假同佢兩個跟團去啲舒服啲嘅地方啦!(雖然我而家唔係好鐘意跟團)


今次旅程並唔係買咗好多嘢,因為啲嘢真係幾貴同埋有好多香港都有得賣,所以我哋都冇好似喺日本咁大出血呀!


Lafayeffe買嘅朱古力



代表巴黎嘅磁石貼同鎖匙扣



瑞士出名嘅朱古力



瑞士刀仔同Swiss card



喺少女峰買嘅刀仔



好得意嘅磁石貼



鐘仔磁石貼



15 則留言:

  1. 終於寫完妳的旅遊遊記,同樣地也完成你的第一個夢想遊,其實也不是一件容易的事。知道妳用了很多時間去搜集資料,辛苦哂,才有完美的旅程。
    我覺得自遊行留下很多難忘的事,而今次妳同妳媽咪可以一起留下這個美好及難忘回憶,真是很真貴及很難得。希望妳將來有更多美好的經驗及很好的回憶。
    同你媽咪一起去我都很開心。而她的工作也不少,是大廚,是在超市購物指導員,又是幫手搬運行理的人員(我想她是最大力果個),更是賞花的資深導師,更會出錢請我們吃零食,還有,很多影相的 post 士,我們都是跟她學,才影出很多靚相。總之,大家也有好的回憶。
    [版主回覆08/04/2008 07:32:00]完成哩個旅程真係唔容易,好開心有你陪我完成,而且你有一份冒險精神,咩都去試吓先會令我有咁多難忘經驗,又好彩多得你嘅諒解,唔會一路搬四層樓梯一路鬧鬼我book間咁嘅嘢。
    B女都話好開心同你去哩次旅行,而家重成日話你影啲相攞角度靚過我好多,有專業水準。
    希望我哋喺將來日子重會有機會一齊再去創造哩啲開心難忘嘅回憶,好多人都話知己好難搵,可以一齊去到旅行嘅知己重難求,我真係好好彩有你同行呀!
    (你哩篇回覆係咪寫咗好耐呀??)

    回覆刪除
  2. 好多收獲 wow
    [版主回覆08/04/2008 20:39:00]比我想像中買得少啊!

    回覆刪除
  3. 好呀,好呀,將來大家三人再一起旅行。

    這個巴黎磁石貼愈看愈靚。真識貨。
    [版主回覆08/06/2008 09:18:00]都係因為你嘅好介紹啊! 你嗰啲重靚,到時你個遊記一定要POST出嚟呀!

    回覆刪除
  4. 小鳥的魔衣櫃2008年8月6日 下午7:17

    nice trip ah~~~~ congratulations
    [版主回覆08/07/2008 07:16:00]Thanks~~

    回覆刪除
  5. 遊記好精彩呀!
     
    人生去到一次dream trip, 真係fulfilling!
    [版主回覆08/08/2008 07:47:00]多謝多謝, 其實我重有好多DREAM TRIP嫁!

    回覆刪除
  6. 你喺瑞士有冇食芝士火鍋呀? 我有呀, 超臭! 又唔好味, 好鬼難食呀!
    仲有一樣搞笑野, 我地果時好鬼井底之蛙, 以為瑞士軍刀係軍人用嘅刀仔, 好型果D, 跟住四圍搵, 又問人邊到有得買, 點知原來係周街都有得賣嘅萬用刀, 好 火羅 囉
    [版主回覆08/08/2008 21:28:00]本來諗住食,點知喺Lauturbrunnen間Hostel時食,但佢哋話而家冇哩個服務所以冇得食,去到蘇黎世時hostel樓吓好多餐廳都有得食,但聞到哩啲味就想嘔所以就冇食囉!
    啲軍刀以前真係啲瑞士人送比會去打仗嘅家人嫁,不過而家就變手信啊!但佢哋個個瑞士人都總有把軍刀袋喺身嫁!

    回覆刪除
  7. 我都好想再去多次歐洲呢~~~
    自由行真的很好玩!!!!
    [版主回覆08/11/2008 20:55:00]我都係呀! 但首要係儲蛋藥先呀!因為去歐洲真係好貴呀!

    回覆刪除
  8. 我的dream trip是環遊世界~
    [版主回覆08/11/2008 20:52:00]環遊世界...我都想呀!

    回覆刪除
  9. 好開心呀睇你個blog, jealous of u 遅d等我有$$我都要去歐遊 太多地方想去了haha
    [版主回覆08/13/2008 07:50:00]好呀...好呀!去玩唔使做真係好開心嫁!

    回覆刪除
  10. 哇你买o甘多,全部都是手信来嘎?哈哈。。真是开心啊
    [版主回覆08/14/2008 07:30:00]少少啦! 手信點都要買啲嘛!

    回覆刪除
  11. 我想講妳真係好叻女, 兩個女仔再加B女, 十幾日內去咁多地方轉咁多車都handle得好好, 妳plan得好好呢! 十個叻呀
    [版主回覆08/14/2008 19:36:00]哎呀!你咁真係過獎啦! 講搞到我真係唔係幾好意思都唔知點好....

    回覆刪除
  12. Hi , 你好呀 , 一口氣睇哂你既巴黎 ,瑞士遊 , 真係正呀.......可以自己安排好行程 , 真係可以睇好多野同去好多地方呀.......跟團就差好遠 , 太多野都唔夠時間 , 同埋去唔到好多地方........我都好想再去多次 , 不過 , 最想既係去意 ,法2地 , 因我最鐘意係睇建築同雕塑 , 博物館之類 , 瑞士都係好 , 不過以風景為主.......比較上意大利最鐘意 , 個度既人好熱情 , 冇法國人貢cool, 同埋意大利野食係我至愛呀.....
    你真係好本事 , 可以自己編個行程 , 等我下次打算去時 , 要黎向你請教呀.....
    [版主回覆09/22/2008 07:28:00]你真係客氣,唔好講請教, 大家研究吓啦! 意大利都係一個好地方, 啲嘢又冇瑞士咁貴, 但係我驚驚哋佢哋嗰到嘅治安, 因為我之前跟團去過意大利, 導遊喺同我傾緊計時比人扒荷包, 又一對年長夫婦比人當街搶手袋, 我對意大利留有好大陰影呀! 而且我自己唔係好識雕塑, 所以就今次冇選意大利, 不過聽人講意大利人係nice啲嫁! 我哋最尾嗰日都叫做踩過吓意大利境吖..哈...哈.!
    咁就等你下次去時一起研究吓啦!

    回覆刪除
  13. 你的手信比我的多得多呀!
    希望你有空也來看小子22天西歐六國我自遊網誌,歡迎批評指教!
    [版主回覆11/21/2008 08:54:00]我哩次啲手信真係唔算多啊!
    我有追你個西歐遊記咖!

    回覆刪除
  14. 你好呀..又係我呀! 哈哈哈....我想問你有關火車票的問題, 上次告訴你我在這裡買了bern->paris的票 ( http://www.voyages-sncf.com/ ) 但同一日我也send 了email問該公司的人怎樣購票! (但他們今日才覆電郵 ..唉! ) 他們說不會郵寄車票到asia地方, 那麼你上次真的是由他們寄給你的嗎 ?? 我是17/4買票的, 正常是7日內收到, 但我還未收到呀...所以不知如何是好....><
    [版主回覆04/26/2009 08:59:00]吓..! 冇郵寄??? 我哋嗰啲真係寄過嚟咖喎! 咁你有冇個order no. / reference呀? 因為我上次confirm晒後佢哋有個auto e-mail比返啲資料同有啲reference咖! 不如再send多次e-mail(連ref.)問吓佢哋啲票嘅status吖! 如果佢哋唔寄票咁點樣處理啲票呢?

     

    回覆刪除
  15. 我都收到佢既auto email & ref. no 亦都send左email問佢咁依家點算...唉! 希望快d收到張票啦....好驚呀!! >< 
    [版主回覆04/26/2009 09:38:00]咁而家等佢覆啦! 如果有auto email應該唔使驚, 希望哩幾日會聽到你嘅好消息啦! 冇事嘅!!

    回覆刪除