2009年5月25日 星期一

北海道仲夏賞花の旅

26/07/2009 ~ 02/08/2009 北海道仲夏賞花の旅



哩個旅程雖然距離而家重有成三個月先到,但早在前年已經有計劃會今年夏天去北海道睇薰衣草,所以到咗二月頭已經checkpackage幾時有價錢,得到回覆係四月份先會有七月價錢。陣又適逢被調職後假期未能落實及準備考試,所以曾一道想放棄今年唔搞又或延期,但同行者已經book晒假不能更改,為免遭人埋怨,最後唯有按照計劃進行。


但因為出發期正係暑假亦係北海道嘅旅遊旺季,到三月中先著手訂酒店同機票時,先發覺已經遲咗啦!所以當時遇到前所未有嘅挫折,要住嘅地方、要出發嘅日子都fully booked。當時真係心一沉唔去吧了!


但最終經過重新一輪安排同e-mail往來後,終於落實咗哩次北海道仲夏賞花の旅


                  



1.  國泰Package = HKD22,056.00 (3人)


機票(香港→ 札幌 直航) + 3晚札幌酒店(Cross Hotel Sapporo / http://www.crosshotel.com/sapporo/index.html)包早餐  HKD6,690.00 (Twins) + HKD5,950.00 (Extra Bed) + HKD500.00 (酒店星期六晚嘅附加費) + HKD500.00  x 3 (航空公司旺季附加費) + HKD243.00 x 3 (機場稅 & 燃油附加費)


2.    3晚富良野酒店 - Furano Natulux Hotel (http://www.natulux.com/) 


       (Twins ¥16,000 + Single ¥9,500) x 3 days = ¥76,750 (3人)


3.    1 晚有定山溪溫泉酒店 - 定山渓ホテル (http://www.johzankei-hotel.com/ofuro.html


      一泊兩食/三人一部屋 = ¥22,650 (3人)


                  


由於今次去嘅地方都係一啲旅遊熱點,所以安排嘅行程都冇咩難度,基本上而家只係等待出發嘅日子就得嘞!

     


第一日: 香港 → 富良野 <住富良野>


第二日: 富良野 (彩香の里、北星山町営ラベソダー園、ファーム富田) <住富良野>


第三日:  美瑛 (參加Twinkle Bus :丘陵Course & 花旅拓真館Course)及美馬牛Kanno Farm <住富良野>


第四日: 富良野 → 定山渓 <住定山渓>


第五日: 定山溪 → 札幌 <住札幌>


第六日: 札幌 → 小樽 <住札幌>


第七日: 札幌 (藻岩山) <住札幌>


第八日: 札幌 →  香港


     



51 則留言:

  1. wah 好羡慕啊!
    [版主回覆05/01/2009 22:35:00]唔使羡慕, 你都可以啊!

    回覆刪除
  2. 有target做野會好有方向~ add oil!
    第三日ge美瑛可能踩單車仲好或踩半電動單車 (如果唔怕晒)~~ Hope it is a good trip!!
    [版主回覆05/02/2009 01:21:00]Thanks, 因為我會同我媽咪去, 佢唔試踩單車咖! 所以打消咗哩個念頭而選擇參加巴士團, 我知雖然會走馬看花啲! 但我諗咁樣會適合佢多啲囉!

    回覆刪除
  3. 記得摘D薰衣草回來給我們聞0下呀,旅途愉快!
    [版主回覆05/03/2009 19:54:00]一定一定, 到時留返束大嘅比你啊!

    回覆刪除
  4. 白光有一首從前很流行的時代曲,歌名叫做- 我等著你回來 。你聽過沒有?哈哈!
    [版主回覆05/04/2009 13:47:00]我有聽過呀!

    回覆刪除
  5. 不如試吓自駕,好玩好多嫁!
    and 時間短了少少.
    btw,旅途愉快!
    [版主回覆05/04/2009 13:46:00]我都想但係我唔識駕駛啊! 同行者亦冇人識, 我都覺得係少咗時間, 但假期有限冇辦法啦! 有得去我已經好開心啦!

    回覆刪除
  6. 上世紀六七十年代的老餅歌0窩,都聽過?好野!
    [版主回覆05/04/2009 20:52:00]因為我媽咪好鐘意聽哩啲歌咖! 周旋,白光呀,靜亭呀! 尤其鄧麗君添呀! 所以自細燻陶下,我都好熟啲懷舊金曲咖!

    回覆刪除
  7. Looks like the Sapporo hotel you stayed is very convenient, right ?!
    [版主回覆05/05/2009 07:25:00]係呀! 我用個網友教嘅方法睇過由札幌車部行三條街就到咖啦! ( http://hk.myblog.yahoo.com/fc_thepool/article?mid=3883 ), 而且我鐘意佢頂樓有個大浴場, 行得倦倦哋可以去浸一浸消除疲勞啊!

    回覆刪除
  8. 去旅行真開心, 今次又去日本, 對你來講 easy job, enjoy your trip.
    脚架,遲些 call 你.
    [版主回覆05/05/2009 07:26:00]哈..哈! 今次好似真係比較容handle, 係訂位時出咗少少問題
    你搞掂你嘅大project先啦! 慢慢都唔遲啊!

    回覆刪除
  9. 國泰假期d package真係好奇怪, 你想一早book, 佢又話未有價; 但唔知點解到有價時, 又話fully book. 我上年都俾佢攪到D schedule亂晒籠, final schedule 同原先嘅plan完全變晒 
    [版主回覆05/05/2009 21:17:00]咪就係囉! 好彩我今次影響都唔係好大, 總算搞掂啦! 希望之後都會順順利利啦!

    回覆刪除
  10. 有沒有想過去"北竜町"向日癸花田 , 書話七月中至八月中是花期,好似幾靚,由富良野去約1小時05分鐘,請查查
    [版主回覆05/06/2009 07:39:00]我有睇過,但有同事迲過要八月中至尾啲花先開始靚, 七月尾應該唔係咁靚, 而且雖然話只須要個幾鐘, 但check過啲班次好疏, 再加埋行嘅時間好似唔係好夠, 所以今日放棄咗哩個地方, 等自己留返個籍口下次去過, 哈...哈!   

    回覆刪除
  11.  
    Reminds me of .....................

    [版主回覆05/09/2009 06:19:00]嘩...! 好靚啊!

    回覆刪除
  12. 影多D靚相, 寫個靚遊記
    [版主回覆05/09/2009 06:18:00]你都係啊! 重有兩日出發, 拾嘢未呀?? 我好掛住瑞士啊!等你返嚟睇靚相,望梅止渴呀!

    回覆刪除
  13. 旅途愉快,等看靚相.
    [版主回覆05/09/2009 15:44:00]多謝..多謝! 咁到時你得閒嚟行個轉啊!

    回覆刪除
  14. 去啦去啦
    我上年8月尾去...英英富良野d花真係令到暈

    回覆刪除
  15. 終於搞掂喇! 可以安心等出法, 好心急呀! 祝你地一帆風順! 影多D靚相返來呀!
    [版主回覆05/14/2009 20:59:00] 係呀!終於搞掂啦! 當日重同你講都唔知去唔去好, 但而家就等出發啦! 咁你遲啲就嚟睇相啦!

    回覆刪除
  16. Shirley :           "北海道" ~ 我都好羨慕呀 .    玩得開心D呀 . 
    Bye Bye !
    [版主回覆05/18/2009 12:49:00]哈..哈! 多謝! 你個北海道遊記寫得好詳細比咗好多資料我啊!

    回覆刪除
  17. 日日轉酒店, 會唔會辛苦左d?
    [版主回覆05/28/2009 11:26:00]Hi, CC,好耐冇見啊! 我冇日日轉酒店咖! 頭三晚住富良野,第四晚定山溪,最後三晚就返札幌,可能寫得唔清楚誤導咗你啊!
    你近來點呀? 大project忙完未呀? 忙之餘都要好好休息啊!近期流瘧小心身體啊!

    回覆刪除
  18. 點解唔住0下民宿呀
    [版主回覆06/06/2009 12:00:00]我細妺唔鐘意囉! 而且貪哩間方便呀! 喺正富良野車站隔離啊!

    回覆刪除
  19. 北海道夏天富良野同美瑛既花一定好好睇,有機會我都想睇下
    [版主回覆06/07/2009 09:54:00]係呀! 我幾年前跟團去過真係好靚, 不過就走馬看花啲囉! 所以今次要好好咁欣賞吓呀! 你嘅道東遊都好正啊! 其實網走,知床一帶我都好想去啊! 學你講有機會我都想去睇吓呀!

    回覆刪除
  20. Sandy and Michael Blog2009年6月15日 上午11:07

    玩得開心d!!!  一定好天氣呢!!!!
    [版主回覆06/16/2009 08:51:00]多謝晒呀! 我都希望好天氣啊! 藍天白雲下影啲真係靚好多啊!
     

    回覆刪除
  21. Hi, 我都係去花田, 不過早你一星期出發, 又係坐CX, 但我book Keio, 7,8月d 機位好爆, 好彩一早book 影多d靚相返嚟分亨啦
    [版主回覆06/19/2009 23:58:00]係呀! 我三月book時都已經冇我想出發嘅日子啦! keio都好多人book, 我book Cross Hotel係因為比佢頂樓有個大浴場同露天風呂吸引咗啊! 同埋我睇過佢啲相覺得好靚所以試吓囉!
    你講得啱呀! 最緊要係天氣好! 希望大家都順順利利, 天氣好, 影多啲靚相, 到時我去睇你個遊記啊!

    回覆刪除
  22. 我都係7月去富良野同美瑛喎,不過我係25號-29號,去得5日咋!我會自駕,不過到而家都未租酒店,但我相信問題不大!哈哈!希望嗰個星期都好好天,大家都可以影多D靚相!
    [版主回覆06/22/2009 15:39:00]哈...哈! 嘜咁啱啊! 雖然得5日, 但你自己揸車會"坑"啲時間囉! 同埋可以去住啲地方遠少少都唔怕, 我都希望到好天啊! 咁一於大家都玩得開心啲, 影多啲相, 到時我去你個BLOG睇相啊!

    回覆刪除
  23. 你好!! 多謝你流覽我個BLOG呀!!
    原來你7月會去北海道呀, 有好靚既花田呢~ 希望你影多D靚相跟大家分享啦. 見你話會JOIN當地既巴士團, 咁佢地講咩話o架??
     
    [版主回覆06/23/2009 12:49:00]我問過啲BLOG友啦! 佢哋喺會講日文,所以我唔會聽得明囉! 但因為美瑛嘅景點真係好散, 而且我又唔試揸車, 所以唯有參加巴士團啊!

    回覆刪除
  24. cool...hope you a nice trip^^!
    [版主回覆06/23/2009 14:06:00]Thank you!!

    回覆刪除
  25. 祝旅途愉快!
    [版主回覆06/30/2009 13:39:00]Thank you !!

    回覆刪除
  26. 雖然我去的時候無花田,但都好OK, 返了嚟成個月,個心仍好掛住北海道;宜家計畫緊出年去仙台青森,咁可以上埋北海道
    [版主回覆07/03/2009 07:32:00]但呀! 我睇你啲相都覺得好正好舒服啊! 青森仙台我之前跟團去過都好正喎! 真係一講旅行就心花路放呀!

    回覆刪除
  27. 嘩!好靚!  我上次去北海道係冬天,所以睇唔到咁靚花田。
    [版主回覆07/04/2009 15:21:00]係呀! 哩張相係幾年前跟團去時影咖! 希望今次去都可以咁好天影到啲咁靚嘅花花啦!
    我冬天都去過北海道, 雖然冇花但啲雪景又另一番味道啊! 我諗哩個地方春,夏,秋,冬嘅景色都令人心醉啊!

    回覆刪除
  28. 我也計劃下年七月去北海道,很期待你的遊記呢
    [版主回覆07/05/2009 08:46:00]你咁快就諗定出年啦! 不過哩段時間去的話真係要早啲plan啊! 開頭人哋講我都唔信呀! 但到自己試過, 無論機位定住宿原來真係好誇張好快full啊!

    回覆刪除
  29. 因為我是用 Asiamiles 的里數換機票的,所以要趁早 Book 定位囉,而家我 Book 咗明年 7月1日去北海道,因飛機未定而 waiting 緊個機票;我會再預定埋下年7月15日及7月尾去北海道,到時睇下邊個 waiting 可以 confirm 咪再決定行程囉。 不過,我想問下,係咪7月中去北海道會最好呢,因為我想去美瑛一帶住2晚睇花田嘛... 我爬過文啦,7月頭D花好似未開得晒囉... 請指教指教
    [版主回覆07/05/2009 13:32:00]我喺05年7 月中跟團去時, 亦有同事喺7 月頭去, 但好明顯佢去嘅時候啲花未開晒, 而我去時就好正囉(上面副相就係當時影咖啦)!  所以個人意見7 月中會比較好啲!
    我有個白痴問題想問吓, 成日聽日話用里數換機票,但係啲里數係咪即係用credit card儲分換呀! 我入咗亞洲萬里通,但真係唔係好明點先可以儲到里數啊! 請指教指教啊!

    回覆刪除
  30. helo~~我8月尾都買左package去北海道啊~~~~都係住cross呀€~~~我貪佢夠新~哈哈~~~
    你地係咪自駕遊呀~~??我今次去得6日~~~大部行程都同你差唔多~~不過我地唔去定山溪而去層雲峽~~~~嘻~~~
    好期待你既長細行程啊~~~
     
    [版主回覆07/06/2009 13:22:00]咁啱呀! 我book Cross係因為佢頂樓有個大浴場同露天風呂啊! 同埋佢地點都幾方便.
    我唔係自駕啊! 同行冇人識揸車, 而且我係同我媽咪去, 所以行程上都唔敢plan得太密太多, 而定山溪因為近札幌所以選佢囉! 
    咁等我返嚟就比個詳細報告你啦!  

    回覆刪除
  31. EEEEEEEE!~我book cross時€~~果條友話無風呂wor~~唔通我同你果間唔同~~你果間好d~~~~~~~哈哈~
    我今次去6日5夜~~第1晚已經去層雲峽~~之後住2晚美瑛民宿~~最後2晚就係package既cross囉~~~~
    我地宜d鐘意慢慢黎~又係唔得d趕頭趕命既~~~~cc服服我最愛~~哈哈~所以~~shopping絕對唔太岩~~~(9唔9去shop下都ok、日日就唔掂啦)
    [版主回覆07/07/2009 13:23:00]我係book咗哩間啊! http://www.crosshotel.com/sapporo/spa.html   Cross Hotel 喺札幌應該得一間咋喎!
    我都讚誠慢慢嚟, 所以我唔鐘意跟團, 佢哋通常景點就趕趕趕, 但到shopping時間就鬼咁長時間.

    回覆刪除
  32. 嘩,你三月就BOOKED PACKAGE!
    我由六月中就好努力地想BOOK個北海道的PACKAGE,攪咗兩個星期,終於都要放棄,因為預定日唔係無機返,就係無機去,或酒店FULLY BOOKED!出年真係要早D做BOOKING。
    期待你的遊記,最緊要係唔好忘記加插每日的洗費記綠。
    [版主回覆07/08/2009 13:51:00]我三月中都已經簡唔到心水出發日子啦 ! 而且富良野酒店亦唔係剩返好多房 , 所以如果你可以好同就確實到出發日子就最好同 agent hold 定位 , 如你想入住民宿亦要早早聯絡 booking 。
    成日都話經濟唔好 , 但都唔明點解一樣咁多人啊 !
    我會盡量記底啲費用咖啦 ! 一嚟方便其他人參考亦方便自己作下一次旅程嘅依據呀 ! 到時你得閒就嚟行吓啦 !

    回覆刪除
  33. EE~~係我BOOK果間WOR~~不過我問有無D咩SPA咩風呂~~佢話無WOR~.......係咪要+錢先有呀~~~~??
    可以分享一下你地去富良野同美瑛既行程嗎~?
    [版主回覆07/08/2009 13:52:00]我睇過佢 website 嘅介紹同有啲 blog 友嘅經驗 , 係入住嘅住客就可以免費享用佢哋 spa 嘅設施咖啦 ! 但詳情等我去完返嚟話你知啦 !

    回覆刪除
  34. 令人羨慕的夏日賞花之旅, 玩得開心d啦)))
    [版主回覆07/10/2009 13:54:00]一定一定, 多謝晒!

    回覆刪除
  35. Shirley :          咦 ~ 仲有兩個星期就到哪 , 有冇好緊張呢 ?    籌備咁耐 , 記住食多隻 "長腳蟹" , 買多D手信同埋玩得開心D呀 .     祝旅途愉快 !      (最好返來寫番幾篇遊歷黎分享啦) 
    Bye Bye !
    [版主回覆07/12/2009 14:53:00]唔知點解今次又唔係好緊張喎! 但有啲懶懶行, 啲資料都重未搵齊, ! 不過都好期待啊!
    遊記一定會寫, 但就實冇你嗰個寫得咁好囉! 你寫得好正好詳細啊!

    回覆刪除
  36. Shirley :           haha ... 太過獎咯 , 我果D只係拖到長黎講 .    另外睇到妳Book果間 "定山溪" 酒店 , 上過佢地網頁睇 , D溫泉真係好正呀 . 
     

     

     
    如果自己搭巴士 , 呢個站落車 , 正門前咁滯 , 如果佢地有接送 , 咁就更加好啦 .   
     
    Bye Bye !
    [版主回覆07/12/2009 18:40:00]你真係好人啊!  因為我去定山溪嗰日係要由富良野過去, 所以趕唔切酒店提供嘅接送服務, 我真係拗緊頭研究緊喺邊個站落車, 你就圖文並茂, 真係多謝你啊!   

    回覆刪除
  37. 我暑假都去日本呀!!!
    [版主回覆07/14/2009 07:23:00]咁你會去日本邊到呀! 同daddy & mami一齊去定自己去呀?

    回覆刪除
  38. 我返黎啦! 知你就快出發, 祝旅途愉快 !  記得食夕張啊! 甜到爆!! 好正架!
    [版主回覆07/15/2009 07:23:00]多謝...多謝! 我會記住去食咖啦! 你幾時有靚相睇呀?

    回覆刪除
  39. Shirley :          今次回應其實係有一個不情之請 , 希望能夠成全 , 話說妳即將於 "定山溪" 入住果間酒店隔離有個 "二見公園" , 入去直行會見到個綠色 "河童" 像 , 再行入D就見到 "二見吊橋" , 當日我去果陣積雪極厚 , 到腰咁滯 , 橋盡頭之處到底係D乜 ? 若他日再去 "北海道" 再編此處入行程 , 恐怕廢時失事 ,    現懇請妳於該處影D相俾我了解 當日果度係點樣 , 多多益善 , 小小唔拘 , e-mail 俾我又好 , 登你網誌又好 , 自當感激萬分 , 有勞 . 
     
     

     
     
    Bye Bye !
    [版主回覆07/15/2009 07:35:00]你唔使咁客氣啊! 其實你唔講我都會去哩到啊! 因為喺你嗰篇遊記嘅裡面見你好似搵命摶咁呀! 啲雪咁深你都夠膽入去(佩服 ), 重有我都好想親身睇吓你差啲直插橋底嘅現場情景啊! 我見其他人有影過哩個位好似真係好高咖!

    我到時會詳細咁影底裡面情形返嚟比你睇啊!

    回覆刪除
  40. Shirley :         haha ... 多謝定妳先 ,   再祝妳玩得開心D , 旅途愉快 . 
    Bye Bye !

    回覆刪除
  41. 好疲倦, 我返黎重未整理過啲相啊! 俾啲時間我啦! 我好佩服你可以咁快又咁有心機寫blog, 內容好詳細呀!
    [版主回覆07/16/2009 07:33:00]你慢慢啦! 玩十幾日真係好倦而且咁多相又排拾呀!
    其實我都唔算好快, 我見有啲blog友重勁呀! 只不過自己記性唔好, 唔快啲寫會咩都唔記得晒咖!  

    回覆刪除
  42. 就來出發喇喎, 係咪好緊張呢? 我都好緊張地期待你D靚相呀, 因為我都勁想去北海道睇花, 但冇錢去囉.
    [版主回覆07/18/2009 16:09:00]唔知點解今次又唔係好緊張啊! 但都好期待囉! 希望到時會好好天啦! 咁啲相就會影得靚啲啊!
    傻啦! 你連馬爾代夫都去到點會冇錢吖!
    應該係我話: 我都勁想去馬爾代夫陽光海灘, 但冇錢去囉!  

    回覆刪除
  43. 現時富良野和美瑛的天氣不穩定 , 時晴時雨啊 ! 緊記帶雨傘和太陽眼鏡   但花兒開得很燦爛 , 滿山也是濃濃的薰衣草香味囉 !
    定 山溪是溫泉區 , 環境清幽 , 寧靜古樸 , 很適合度假 !  那兒的酒店 , 如入住貴價的和風寢室 ,  可在房間內享用正宗懷石料理 , 有專人指導進食禮儀架    多年前曾入住 Grand Hotel , 每人每晚差多不二仟元呢 ! 現在有否調整價格就不得而知了
    祝 : 旅途愉快啊 !
    [版主回覆07/20/2009 21:01:00]多謝提點啊!
    我日日都有上北海道嘅live camera睇吓四周嘅情況都見哩排時晴時雨啊! 希望到時會好天啦!

    回覆刪除
  44. Shirley :       係喎 ~ 時光飛逝 , 話咁快今個星期日就出發 ,    記住玩得開心D , 買多D手信 ,    食多隻長腳蟹 ,    影多D相 ,    一路順風 , 等妳返來既開心匯報 . 
    Bye Bye !  
    [版主回覆07/24/2009 23:19:00]一定一定! 返嚟一定詳細向你匯報啊!
    唔該晒你呀! 真係好詳細呀! Thanks a lot

    回覆刪除
  45. 明天出發啦, 玩得開心D呀~~
    [版主回覆07/25/2009 11:12:00]好呀~ 好呀!   多謝晒!!

    回覆刪除
  46. 出發喇 !
    祝旅途愉快 !!
    [版主回覆07/25/2009 18:32:00]Thank You!!

    回覆刪除
  47. 祝你順順利利, 玩得開心D喇!!
    [版主回覆07/25/2009 18:37:00]多謝多謝! 遲啲嚟睇相啦! 不過一定冇你影得咁靚咖啦!  
    btw 你就快搬新屋, 恭喜晒呀! 睇嚟你都會有排忙啊!

    回覆刪除
  48. 期待已久終於出發啦,一切順利,玩得開心,想起北海道花田一定很美的。
    [版主回覆07/26/2009 04:48:00]多謝多謝! 我都希望, 但今次冇你同行真係有啲擔心, 佢兩個完全冇準備, 所有嘢只係喺晒我個腦到, 都有壓力啊!
    我今次會帶個netbook過去, 睇吓到時會唔會update到個blog先, 你知我係電腦白痴嚟咖嘛! 都唔知搞唔搞得掂呀!  
    返嚟call你!

    回覆刪除
  49.  HKD22,056.00
    是否只包4晚住宿
    我見你 好似去8日
    一共要多少銀襾
    [版主回覆08/09/2009 12:47:00]HKD22,056/3人係機票同三晚札幌酒店, 另外自己book三晚富良野同一晚定山溪酒店就要大槪HKD7,600/3人, 跟住就係車資同食用唔計買手信就大槪HKD10,000/3人8日,所以每人大槪8日用咗HKD13,000,如果再買手信就唔只啦! 因為旅遊旺季, 機票同酒店都價咗好多啊!

    回覆刪除
  50. 玩八日,每人萬三蚊都唔算貴喇!
    [版主回覆05/13/2013 12:59:24]但幾年前萬三都唔係平囉! 不過相比今次中部北陸, 原來兩次都係萬三到八日啊!

    回覆刪除