2010年3月19日 星期五

100310 ~ 190310 不經不覺快四個月啦!

到23號就已經放咗四個月病假啦!時間過得好快,喺哩幾個月除咗食同瞓真係冇咩建設性嘅嘢做到啊!


哩個星期嘅情況又恢復返正常,但下星期一又到覆診嘅時候,每次都係覺得最舒服嘅時候又要再挨過,不過重有兩針啫,好快就得咖啦!


希望22號可以遇到個「正常」醫生同埋順利打到第五針啦!


另外我喺剛過去嘅星期日睇香港電台嘅「沒有牆的世界」時,竟然見到我個肥家姐喎!如果有睇我之前嘅網誌會知道我家姐係一個「情緒病患者」,有啲人會話係「精神病患者」,前排因為我嘅病令佢病發咩都唔記得晒重蕩失路唔識返宿舍,不過而家冇事啦!


節目尾段講述江美儀帶同狗醫生去探佢哋,我見肥家姐抱住隻肥狗又幾啖定啊!佢冇事嘅時候真係幾精靈咖!



11 則留言:

  1. Shirley :           唔經唔覺四個月架 ,   堅持住呀 , 攪掂個療程 , 健健康康 , 到時想去 "北海道" 還是 "東北" , 悉隨尊便 . 
    Bye Bye !
    [版主回覆03/20/2010 17:12:00]哈..哈!  查實我想成個日本去晒呀!

    回覆刪除
  2. 加油啊!放鬆D!開心D!
    [版主回覆03/20/2010 17:16:00]知道啦! 多謝晒你啊!

    回覆刪除
  3.  嘿, 反正事情已經向著正確的方向走, 放手讓一切自然的延伸下去吧.
    我們一直在支持你  
    [版主回覆03/20/2010 17:17:00]我知道啦!  多謝你一直嘅支持, 我會繼續努力頂埋哩兩針啊!

    回覆刪除
  4. 仲有2針, 一定好快搞掂! 一定會順利o架! 對你有信心!
    同埋祝你家姐早日完全康復, 一家大細永遠開開心心!
    [版主回覆03/20/2010 17:20:00]多謝你啊! 係呀! 挨多兩針就ok啦! 我會繼續努力頂埋佢啊! 我家姐唔病發我哋就當佢康復咗咖啦! 佢哩啲死症嚟咖, 冇得斷尾咖啦!

    回覆刪除
  5. 唔係冇咩建設性嘅嘢做到,而係努力咁好返!
    加油!支持你!
    [版主回覆03/20/2010 18:11:00]Thank you啊!!

    回覆刪除
  6. 繼續努力 !!
    [版主回覆03/21/2010 09:54:00]Thank you!!我會繼續努力啊!

    回覆刪除
  7. 加油!!!
    [版主回覆03/21/2010 09:55:00]Thank you!!

    回覆刪除
  8. 係啦,時間其實真係好快過呢!仲有兩針咋,即是話妳好快又可以重新開始妳個日本之旅喇 . 唔..我諗妳依家plan定都差唔多喇   記住放寬d呀,慢慢黎啦...諗多d好既野開心既野,等自己增加多d正能量...咁所有好既野就會跟住妳架喇. 希望妳一家都快快樂樂,大家都身體健康啦!! 一於"趕走衰神! 迎接好運! Yeah!! "
    [版主回覆03/21/2010 10:02:00]係呀! 真係快到你唔信呀! 雖然話就重有兩針, 但打埋哩兩針重要做三十幾次電療, 嗰到都要成兩個月啊! 預計最快到要成六月至七月先可以完晒所有療程, 所以今年都唔會去日本自遊行住啦! 因為plan行程實都幾費時間同心機, 或者年尾先睇吓有咩旅行團可以同B女+老豆去玩吓啦! 哩段期間其實B女都好辛苦啊! 等啲療程完晒就帶佢哋去relax吓啦! 我又唔使諗吖嘛!!
     

    回覆刪除
  9. 加油啊!好快又可以再去旅行!
    [版主回覆03/21/2010 11:28:00]多謝晒呀! 一諗到去旅行就咩唔開心都唔記得晒呀! 哈...哈!!

    回覆刪除
  10. 很快雨過天青喇!

    回覆刪除
  11. 是「天清」呀!

    回覆刪除