幾經波節，終於等到今日打第四針，約咗11:30打針，但唔知點解唔使錢啲針藥就會直接送到打針房，但今次係自己比錢，反而要預早啲自己去藥房排隊攞藥過去打針。
兩盒藥水，多謝承為HK$8,084.00
咁攞住啲藥去打針，今次係去一樓而唔係平時嘅四樓，哩層原來叫日間化療中心係專打化療針，並冇醫生喺到診症啊！不過姑娘做事作風就同上面完全唔同，其中一個好話我點解唔係屋企食定啲止嘔藥先，嚟到食又要嘥時間等成個鐘，但另一個又話要量過血壓合格先可以打針！
真奇怪，咁我食咗但血壓唔得我咪又食錯咗！我都係等佢話得我先食嘞！真係唔知佢哋嘅準則係咩咖！
我今次吊針要成個幾鐘頭先可完成，但嗰到個個都起碼要吊三、四個鐘，所以我都係好濕濕碎咋！吊針過程雖然長咗啲，但藥水流經體內嘅唔舒服感覺就好似比之前幾針少。而其他副作用就要再觀察啊！
多謝大家關心同鼓勵啊！
04/03/2010
P.S. 用咗啲咁貴嘅新藥，感覺好似都唔錯，啲作嘔、作悶同埋胃漲明顯減少咗！今日都可以正常用餐啦！所以大家可以放心啊！
祝你盡快完成，很快啦！繼續忍耐，你已經很叻呀。
回覆刪除[版主回覆03/04/2010 12:45:00]係呀! 好快就可以做返個「正常人」啊！
打到就好....剩番兩支咋 : )
回覆刪除快啲好番, 好番再去旅行, 啲風景等緊你呀!
[版主回覆03/04/2010 12:46:00]哈...哈！你真了解我啊表妹，我真係好期待啊！
Good ! Shirley, 努力 ! 繼續作戰 !
回覆刪除[版主回覆03/04/2010 12:46:00]Thank you!! 我會繼續努力加盡油啊！
Good job and Good Luck, Add oil
回覆刪除[版主回覆03/04/2010 12:46:00]Thank you!!
妳老辦封利是果然利妳喎!
回覆刪除下次打針之前記得揾佢喎!
[版主回覆03/04/2010 12:47:00]係呀！佢封利是真係好利我，我冇拆到呀！我下兩次都帶埋佢去覆診先得啊！哈...哈！好迷信呀！
Shirley : 貴係貴D , 最緊要有效 .
回覆刪除Bye Bye !
[版主回覆03/04/2010 12:50:00]啲藥真係幾貴，但打咗由噚日到而家嘅感覺又真係比唔使錢啲好好多啊！起碼啲作嘔、作悶同胃漲同比之前少好多啊！莫非真係一分錢分貨定係心理作用呢??!!
Good！繼續努力！
回覆刪除[版主回覆03/04/2010 12:50:00]Thank you 啊!!
恭喜, 恭喜, 終於又等到你的好消息
回覆刪除努力啊, 大家都希望看到你的成績, 原單為你高興, 更給自己堅持活得更充實的動力.
加油
[版主回覆03/04/2010 17:43:00]哈..哈!! 多謝多謝!! 我都期待你下個月嘅東京之旅啊!
~~天天開心~~祝您快樂~~ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
回覆刪除[版主回覆03/04/2010 17:41:00]Thank you 啊!
貴少少但有功效都值得呀 , 而家又要養好身體休息多d呢
回覆刪除[版主回覆03/05/2010 11:49:00]我都有同感啊! 多謝你嘅慰問啊!
咦，點解今次仲未見妳老闆出現嚟鼓勵妳嘅?
回覆刪除[版主回覆03/05/2010 11:51:00]Hmm....! 我都唔知啊! 不過佢有入嚟行個圈咖! 不過冇留言之嘛! 唔緊要啦! 我知大家都有心我已經好開心啊!
0甘貴D藥梗係要親手交給物主啦！避免醫生或其他人可以偷龍轉鳳0卦（小子純以小人之心揣度之)?
回覆刪除如果妳能申請到公援便好了，這些藥費可能由公援費資助也.
繼續努力，迎戰未來，將來一定能回復昔日活潑生猛的，妳看，陳美齡現在幾 FIT！不看電視，不知她也曾遇上這個病。
[版主回覆03/06/2010 11:31:00]經小子咁講一講又好似好有道理喎! 搞錯咗都唔好啦! 尤其是佢哋咁鐘意搞錯嘢!
其實嗰到都有人教我去申請一啲唔使支產審查嘅傷殘津貼, 只要confirm咗係cancer又經醫生評估過, 就可以喺治療期攞到千多元一個月, 但當初覺得好似唔係幾好咁, 好人好姐攞咩鬼傷殘津貼, 又驚手續煩復, 後尾啲姑娘都叫我去申請, 佢哋話錢雖然唔多, 但幫補吓都唔錯啊! 攞嚟買吓嘢食都好吖! 所以我都啱啱申請咗而家等批囉!
我都有睇佢嗰日個節目啊! 佢真係好勁呀! 我點可以同佢比呀! 不過我會繼續努力啊! 因為我真係好想快啲做返個正常人啊!
這是作為一個合法公民的權利，妳應該申請。
回覆刪除陳美齡又不是神，妳怎麼不能學她0甘勁呢！
Shirley : 如果合乎規格 , 幾大都要申請 , 你試交遲一陣稅 , 佢都追瘦妳 , 家陣又唔係呃錢 , 做乜唔申請呀 .
回覆刪除P.S. : 妳唔單止要做正常人 , 仲要比正常人健康 . (我支持妳)
Bye Bye !
[版主回覆03/09/2010 12:41:00]Yeah! 係呀! 要正常人健康啊! Thank!!
好耐無見~雖然過左年 , 但都補祝你身體健康 , 虎虎生威~
回覆刪除[版主回覆03/09/2010 12:41:00]Thank you 啊!
祝早康復，努力、加油！在另一边廂為您祈禱。
回覆刪除[版主回覆03/09/2010 12:41:00]Thank you 啊!
會有啲咩side effect呢 << 唔會有o架...我希望..
回覆刪除加油!加油!加油!
pui
[版主回覆03/09/2010 19:12:00]...我都希望冇啦! 因為今期都幾難頂啊!
關節同肌肉痛> 醫生有冇俾止痛药呀? 如果冇就試吓食 panadol 頂住先.....
回覆刪除[版主回覆03/09/2010 19:13:00]醫生冇開藥啊! 不過之前有開啲止痛藥, 但諗住頂得到都唔食藥, 但今次真係頂唔到要食藥止痛啊!
加油呀! 如果口爛, 可以買d潄口水潄口, 會舒服d, 我呀姨以前都係咁, 不過佢用果隻係美國出嘅(我唔記得個名), 唔會乸o架.
回覆刪除[版主回覆03/11/2010 19:18:00]多謝你啊悠悠閒, 醫生有開潄口水比我, 而家暫時都ok啊!
如果需要幫手, 請開聲, 支持妳
回覆刪除[版主回覆03/13/2010 12:35:00]哈...哈! 有呀...有呀! 等錢使呀!
暫時到而家都重頂得住, 不過有時都會覺得有少少意志消沉啊! 好似好努力但都得唔到遇期效果, 真係會有啲倦, 但跟住見到你哋嘅留言鼓勵, 咁又好似打咗技強心針咁啊! (雖然我好驚打針) 所以見到你哩個留言都即刻精神晒呀! 真係幫咗好多啊!
Thank you !!
加油呀,Shirley!
回覆刪除[版主回覆03/17/2010 09:52:00]Thank you 啊!
嗨, 你好, 今天準備打第五針嗎?, 有點涼啊, 小心保重
回覆刪除[版主回覆03/17/2010 14:22:00]打唔打到第五針要等22號返醫院抽血同見醫生先知啊! 所以而家都重努力緊食嘢同做動運去儲白血球呀!
加油呀~
回覆刪除[版主回覆03/18/2010 11:24:00]多謝啊! 努力緊呀!