哩個星期對腳重腫到好似豬蹄咁，行路都冇力，星期一返咗醫院抽血後，正式完晒化療嗰六個療程，所以就可以開始睇返中醫，由於之前啲化療藥太勁，醫生話我啲內臟件件都唔係太好，哩個亦係引至腳腫嘅原因之一，唯有而家慢慢調條理返，續件續件拾返好啦！真係好煩呀！
P.S. 07/05/2010 5:00 P.M.
我今日密集式咁打電話去醫院追問佢哋開始電療日期，終於收到佢哋嘅回覆，係設計同埋量度電療嘅程序啱啱完成，File亦去到電療機嘅部門，但而家嘅電療機仍然排滿晒，所以未有空位比我住，不過佢話我係排喺龍頭，如果下星期有人完咗個療程，咁就會到我喎！ 講咗一大輪最後個答案都係：「你繼續等電話啦！」
無奈!! 
無錯，等待是令人最無奈的事情！為您代禱！
回覆刪除一齊等啦！我都等抽針報告......
唔緊要啦！可能個天想妳執靚副偈先做電療。正如妳所講，身體裏面件件都唔係好好，如果依家立即做電療，可能會冇咁好。
回覆刪除笑多D，多D正能量埋身，叫D副能量走！
多D提醒自己笑多D啦！cheer up！
[版主回覆05/07/2010 17:07:00]唉...因為等得太耐所以等到洩晒氣, 我今日再密集式咁追佢哋, 終於有電話覆, 但都係話未有位, 繼續等啊!
心情唔好會影嚮病情,你要輕鬆面對. 我初初病時,都係好唔開心,日日喊,而家好番6年啦!你都可以架,祝福你.
回覆刪除[版主回覆05/07/2010 17:08:00]多謝你鼓勵啊! 都因為等得太耐所以等到洩晒氣, 放心啦! 有你哋嘅支持, 我而家冇嘢啦!
唔知有電療消息未呢？希望您一切順利！
回覆刪除[版主回覆05/07/2010 17:09:00]我今日再密集式咁追佢哋, 終於有電話覆, 但都係話未有位, 繼續等啊!
唉!政府做嘢就係咁!我化療後都要做30次電療,應該會在QE做。不要氣餒,要好好調理身體呀!
回覆刪除[版主回覆05/07/2010 17:11:00]我都係QE呀! 終於有電話覆, 但都係話未有位, 繼續等啊! 你都係要小心身體啊! 化療啲藥真係可以打到我哋散晒呀!
QE係幾好的，因為器材好先進咁話，所以咁多人等，
回覆刪除我記得當年我奶奶鼻咽癌要電38次的療程，
都係要等排期，佢仲係三期添，初初都諗係咪要轉，
後來都OK，不過電療真係好辛苦，第8次開始就有反應，
記得到時候煲定D好潤喉的飲品，現在差唔多熱天，
最好係鮮榨西瓜汁，凍飲特別舒服，
我奶奶果時有睇中醫，中醫開左D舒緩喉部潰爛的藥，
又係雪凍飲既，仲有，一些凍的布甸、果凍，都好有效！
我果時係用IMPACT(速愈素) 做芒果布甸，得又舒服又可以飲埋IMPACT，
一舉兩得，另外，IMPACT加甘旬汁亦可。睇睇是否幫到忙！
[版主回覆05/08/2010 11:31:00]你嘅提議幾好呀! 西瓜係我最鐘意嘅生果之一呀! 我而家睇緊嘅中醫除咗都我調理好個身體亦都幫我打定底, 等我做電療時減低啲副作用, 我諗到時情況應該唔會太差啊!
千萬不要洩氣啊！揾D野做下，等自已提起精神，諗多D正面野，要多D正能量啊！加油！
回覆刪除[版主回覆05/08/2010 11:33:00]Thank you, Maggie!! 收到佢哋回覆電話其實心情都好咗啲啦! 起碼知道冇漏咗我吖嘛! 有你嘅支持我一定會努力啊!
請問你看那個中醫~ 我都想拾下d內臟
回覆刪除[版主回覆05/08/2010 11:34:00]我去你個blog到留言啦!
世事是沒有樣樣都一帆風順的，多點忍耐吧！
回覆刪除小子看過一有博士銜頭的中醫師，（在觀塘APM）收費不貴，醫術也好，最好是不用執茶煲藥，是用藥粉沖劑，不怕煲齈藥，可考慮。
[版主回覆05/08/2010 11:40:00]知道啦! 等咗咁耐, 都係等多陣啫! 唯有咁同自己講啦! 我而家睇緊嗰個醫生我睇咗好耐咖啦! 而且佢喺我返工附近, 方便我復工後都可以搵佢呀! 佢都有藥粉沖劑, 不過醫生話我用煲嘅方法會好啲喎! 我以前都成日煲 齈孳咖! 所以我亞姨買咗個用電嘅藥煲比我, 哈...哈! 咁就有死啦! 小子, 多謝你嘅資料呀! 如果我有須要再問你攞吖!
....等候真係幾無奈洩晒氣，會為您身體代禱！
回覆刪除加油啊！
[版主回覆05/08/2010 11:40:00]多謝你呀, 阿耀!
Hi Shirley, 好耐嚟你個 blog 探您。祝早康復，為您代禱！
回覆刪除[版主回覆05/08/2010 11:40:00]Thank you Bear Bear !!
睇過你個化療過程好似同我差唔多時間電療, 真係好喇~ 有你同行, 我一定不會孤獨 。我癌腫係HER2比較惡而且擴散可能性大, 所以要電療30次再補電5次淋巴, 真係有d驚, 驚位置太近心臟真係會影響心臟衰弱架... 。兩個年輕設計模型醫生嚮我身上度尼度去, 畫尼畫去, 睇尼睇去, 我成個人硬晒, 雙手仲有d抽筋震震哋! 終於畫咗成粒鐘至大功告成! Shirley, 一齊肩負同一個旅程吧!
回覆刪除[版主回覆05/08/2010 11:45:00]噢! 咁啱呀! 但我到而家都未有確實開始啲日子啊! 醫生話我唔需要電淋巴位, 但佢都有講可以心臟同個肝都可以會有影響, 而且亦因為電療而引至其他哋方出現另一個腫瘤, 不過佢話機會好微, 所以我哋都唔好諗咁多啦! 而家只要諗住做晒應做嘅療程就冇問題咖啦! 一於大家一齊努力、加油! 過埋哩關就好咖啦!
回覆刪除shirley:祝母親節快樂!也祝你一切順利！
[版主回覆05/08/2010 20:18:00]Thank you啊!! 等我轉送比我媽咪先!!
「你繼續等電話啦！」 - 嘿, 真奇怪, 我總是覺得這是一個很美的祝福
回覆刪除居然有人讓我一直等待下去. 是的, 等待的過程, 有時真系幾令人發瘋, 特別系當我怕會等唔到的時候. 但是, 想真一下, 原來有人正在為自己做緊一D讓我可以變得更好的事, 好感動呢
[版主回覆05/08/2010 20:19:00]聽你咁講, 咁我就繼續靜心啲等啦!
祝你母親節快樂
回覆刪除[版主回覆05/08/2010 20:18:00]Thank you啊!! 等我轉送比我媽咪先!!
恭喜哂!有電話覆好過無。真係要好好調理D五臟六腑呀!仲有排用加嘛!
回覆刪除睇住中醫做電療,應該舒服好多的!加油!
[版主回覆05/10/2010 17:56:00]啱啱收到電話, 聽日可以開始電啦!
終於我地都可以由(長頸鹿變成小烏龜)等是人生中最能叫我地學習的功課;聽說妳都是在QE做呢?我現在的標靶都是在一樓打,仲有7針,吾知我有無見過妳呢?妳要好好努力,我記念妳吧!
回覆刪除[版主回覆05/11/2010 19:08:00]係呀! 喺政府醫院, 樣樣都要等啊! 我打頭三枝化療針就喺四樓, 尾三枝就喺一樓, 所以見過都唔出奇啊! 而家就喺地下做電療囉! 我都希望你快啲完成晒所有療程, 早日康復啊!