2010年5月18日 星期二

少少編織分享

繼上次因手痕所以拾起好耐無用嘅編織工具出嚟織咗件衫後,條引一時不能收起,所以一口氣織/鉤多咗幾件過一過手引啊!

哩件係第一件想鉤嘅款,但因啲線太糼中途都放底咗一段時間先再繼續,所以斷斷續續成兩個月先完成啊!不過唔知點解條貼係都要紐紋呢?




有朋友就快生小B,所以織咗哩件衫仔比佢做禮物,因為要送比人,所以哩件比較有心機,如果自己嗰啲我通過都會好懶唔多會收埋啲線頭,但哩件真係收好晒,底面都見得吓人咖!


重比我搵到個盒,PACK咗都好似喺街賣咁啊!(
wo20.gif image by macaoraymond
又喺到自己讚自己嘞!)


哩件幾年前都已經想織,但當時無時間,而家終於如願啊!


哩件之前都POST過啊!




完成咗哩幾件後,我諗都會有排唔再織嘢住啦!因為哩啲製作都幾費神啊!










20 則留言:

  1. 嘩!好靚呀!夏天至,合晒天氣著啦!電到第幾次呀?有無舒服?
    [版主回覆05/18/2010 12:54:00]一陣會去電第六次啊! 暫時都冇咩唔舒服呀! 不過天氣始熱, 出咗汗都會有啲唔舒服囉! 所以而家成日都要义腰啊!

    回覆刪除
  2. 哈, 系啊-  -天氣熱 就义腰啦, 等我地看一下你 "义腰" 既惡樣  (說笑呢) 不要用濕紙巾, 用手巾啊, 不單是環保, 而且一不怕接觸化學劑呢
    [版主回覆05/18/2010 18:07:00]! 惡唔惡我就唔知, 但行起路嚟就好鬼"呀咋"囉!

    回覆刪除
  3. 嘩!你好叻叻呀!我成日都'的'唔起心肝學織衫,你要多休息呀!
    [版主回覆05/18/2010 18:09:00]多謝...多謝!! 其實我都係吔吔嗚咋! 我冇學過, 只係睇書跟住織咖咋! 我都係等有精神嗰陣先織一陣, 不過織/鉤咗幾件都夠啦! 所以又會好耐都唔織住咖啦!

    回覆刪除
  4. 織得好靚呀!我剩係識織頸巾,你真係好叻呀!
    仲有幾多次就完成所有療程呀?加油,支持你.
    [版主回覆05/18/2010 18:57:00]多謝...多謝!! 我今日完成咗第六次, 重有廿幾次呀! Total要做三十一次呀!

    回覆刪除
  5. 真係織得好靚好靚呀,見到你織衫,我諗起屋企有D毛線,遲D也試吓織衫先!
    [版主回覆05/19/2010 11:18:00]係呀! 織吓嘢啲時間快過啲咖! 不過要等有精神先好織同埋唔好織得太耐啊! 尤其打完針嗰日, 因為會令隻手會唔舒服咖! 

    回覆刪除
  6. Shirley :              好犀利呀 ~   
    Bye Bye !
    [版主回覆05/19/2010 11:19:00]客氣啦 ! 嘛嘛哋啦!

    回覆刪除
  7. 織得好靚喎!
    [版主回覆05/19/2010 11:19:00]多謝讚賞啊! 都係嘛嘛哋啦!

    回覆刪除
  8. wow, 好靚喎!
    [版主回覆05/19/2010 21:31:00]! 多謝晒呀! CC

    回覆刪除
  9. 咁有心機,比我就唔得囉!
    [版主回覆05/19/2010 21:34:00]都因為我自己喺哩方面真係好有興趣啫!

    回覆刪除
  10. 織得似模似樣,總之好掂。
    時間很快,不久就重出江湖!
    [版主回覆05/19/2010 21:35:00]哈..哈! 你唔好笑我啦! 重出江湖???  咩江湖呀??

    回覆刪除
  11. 有失也有得,所以凡事不用太執著!
    妳的手藝很不錯,拿去遊客區賣,發硬!
    [版主回覆05/20/2010 11:21:00]小子, 唔好玩啦! 睇相扼得吓人咖咋! 自己玩吓就得, 啲咁粗嘅嘢邊有人買吖!!

    回覆刪除
  12. 即係就快返工啦!
    [版主回覆05/20/2010 11:24:00]我都想呀! 啱啱收到醫院電話話今日部電療機壞咗要停一日, 嗱! 咁又拖遲一日啦! 我重諗化療要睇抽血報告所以好難控制, 電療就唔會有哩啲情形, 點知今次唔係我唔得係部機唔得, 真係.......!! 唯有當比個傷口休息一吓, 一星期再繼續啦!

    回覆刪除
  13. 真係要寫個服字俾你! 好勁呀!
    [版主回覆05/20/2010 11:25:00]多謝...多謝! 你個服字真係唔敢當啊!

    回覆刪除
  14.  
       呢件衫靚到痺,他日看看那個男孩有福穿上妳為他織造的溫暖牌?
    [版主回覆05/21/2010 17:09:00]多謝..多謝小子嘅讚賞啊! 至弊到而家都唔見有褔頭上釣呢?

    回覆刪除
  15. wah ...好令啊....
    [版主回覆05/22/2010 10:36:00]Thank you呀!

    回覆刪除
  16. 福頭?見到妳這麼幽默的對話,小子真開心,妳直情有得救,心境開朗是最佳的良藥!
    [版主回覆05/22/2010 10:41:00]以前有首歌嘅歌詞 ~ 「笑亦要做人,喊亦要做人」, 媽咪就話既然係咁就緊係選笑住做人啦! 起碼冇咁辛苦嘛! 所以要成日笑, 微笑又得 , 大笑又得 , 哈哈笑就最好啦 !

    回覆刪除
  17. (Empty)
    [版主回覆05/24/2010 19:48:00]係喎! 重可以笑到碌地添喎!

    回覆刪除
  18. 嘩!好靚呀! 原來你係織女!lee hi lee hi!
    [版主回覆05/25/2010 21:23:00]哈...哈! 都係玩玩吓! 其實手藝嘛嘛咖咋! 多謝晒你嘅讚賞啊!

    回覆刪除
  19. 哇,好漂亮哦!
    BB背心那本書,我也有耶.我織了第一件斗篷和第二件外套.
     
    [版主回覆06/07/2010 20:15:00]多謝...多謝! 喺你面前都係斑間弄虎啦!  我幾鐘意織BB衫, 因為快起貨吖嘛!

    回覆刪除
  20. 對阿,對阿。或許你也已經發現,我的成品多數是BB衫和披肩斗篷。快起貨來,還不用怎麼校尺寸。
    所以,我很佩服你織上衣,我若織成人衣服,會拆好幾次。甚至,拆得自己都沒有耐心。
    [版主回覆06/08/2010 10:53:00]其實我有時都好怕拆嘢, 但如果唔拆到織出嚟嘅效果一定唔好, 咁咪重嘥心機, 我記得有個好有經驗嘅人講過, 如果你唔肯拆嘢就唔會織到好嘢, 當然佢係表示出錯或唔理想時啦! 我最頂嗰件都拆咗幾次, 由於我改咗啲尺寸, 所以到開夾同前領時覺得好煩, 所以都放低咗成個月先繼續呀! 好彩到目前為止都未有一件爛尾啊! 到完成一件製成品個成功感同滿足感都係好大咖! 我諗你都有同感啊!

    回覆刪除