2010年10月25日 星期一

台中輕鬆四天團 25/10 ~ 28/10

哈...哈...哈! 終於可以去旅行,成年冇坐過飛機嗱!真係未出發先興奮。
其實今次選擇咗幾個地方,最初係想去北非突尼西亞,因為有朋友去過,啲風景真係好靚,但B女媽咪攞唔到咁長嘅假,而且我老豆又好似冇咩興趣,所以就想轉去沖繩,不過又係因為我老豆,佢極唔鐘意日本,尤其近期釣魚台事件,更加唔使諗呀!所以最終扑搥決定去台中嘞!

除咗好耐冇去玩而興奮外,亦因為表弟一家人都join埋我哋一齊出發,一行十人,真係好熱鬧啊!就因為實在太多人,再加上爸、媽、姨媽佢哋對腳麻麻哋都唔可以行太多路,所以最終都係選擇跟團。



今次嘅行程會比較休閒,主要睇風景為主。

清境 ~ 希望天氣好可以影到雲海同睇到日出啦!
 


日月潭 ~ 可以去浸溫泉,正呀!


逢甲夜市 ~ 哩到好多嘢食同好多嘢賣,我諗可以喺到敗家嗱!



出發嗱!Bye
 





19 則留言:

  1. 雲海同日出 . . . .我都要呀  
    [版主回覆10/25/2010 19:57:00]今日嚟到天氣几好,聽朝應該睇到日出哦!

    回覆刪除
  2. 哈哈,又再去旅行,好開心呀!  清境風景好靚,好似去左瑞士一樣!
    [版主回覆10/25/2010 20:03:00]係呀!真係好瑞士feel咖!而且空氣好好,好舒服呀!

    回覆刪除
  3. 請問你好番後在飲食方面有無特別要注意嘅地方?重有係你去旅行時有無顧忌?因我聽講我哋呢d癌症病人好番頭一年唔可以去太凍嘅地方旅行,好似話係驚太凍會影響d癌細胞再度活躍喎,唔知你有無聽過呢?攪到我都唔感去北海道呀....
    [版主回覆10/26/2010 20:58:00]我都有戒口咖! 但至於話旅行顧忌, 我又無太大注意喎! 而且我都未聽過話去凍嘅地方係唔得囉! 我諗只要自己身體許可, 應該冇問題啩!

    回覆刪除
  4. enjoy your trip!
    [版主回覆10/26/2010 20:59:00]Yeah!! 玩咗兩日, 真係好開心呀! 多謝你呀!

    回覆刪除
  5. Have fun!!!
    [版主回覆10/26/2010 20:59:00]Thanks CC!!

    回覆刪除
  6. 清境真係好靚架, 由其係d 民宿....我好想去住, 但上次影相比人cancel 左:( 玩得開心d 啦
    [版主回覆10/26/2010 21:01:00]清境好靚好舒服呀! 而家我喺日月潭, 哩都啲環境都好舒服呀! 哩兩日真係玩得好開心呀! 不過過兩日又要返嚟嗱!

    回覆刪除
  7. 祝妳破產回來,即係盡食盡玩盡買0甘解!
    [版主回覆10/26/2010 21:03:00]好呀.... 好呀! 多謝你呀小子, 我一定會玩到財散咁人就自然安落嘛!!

    回覆刪除
  8. 記得帶多件禦寒衣物及雨具呀!
    [版主回覆10/28/2010 21:06:00]多謝小子關心。

    回覆刪除
  9. 我會在11月3日出發往台中,也會去清境,回港後可以盡快告訴我那兒的氣溫嗎?我在yahoo weather找不到。
    [版主回覆10/28/2010 21:17:00]清境比台中市低大概5度到啦! 不過注意一早、一晚就會比較涼, 我25/10嗰晚就好似今日香港嘅感覺。
    我哋喺台中哩幾日都幾好天, 日月潭同台中市都有26 - 28度, 出晒太陽時都幾熱, 不覺噚日台中市受一毎颱風, 開始返大風, 所以哩兩日都要加多件冷衫, 但都唔係太凍囉!
    你可以去哩條link到睇吓! http://webcam.www.gov.tw/webcam_view.php?view=8&city=10&mode=0  入到去喺景點回顧到選返日子同時間就可以見到清境農場嘅情況, 不過唔係個個時間都有畫面睇到, 你可以族個試吓咖!

    回覆刪除
  10. 我會在11月3日出發往台中,也會去清境,回港後可以盡快告訴我那兒的氣溫嗎?我在yahoo weather找不到。

    回覆刪除
  11. Shirley :          正喎 ~     支持呀 , 幾大都玩番夠本 .
    10個人 ~ 好熱鬧既呢 . 
    Bye Bye !
    [版主回覆10/28/2010 21:19:00]! 話咁快就玩完返嚟啦! 真係玩得好開心啊!
    由於咁好玩, 真係唔好比佢停, 星期六我參加咗公司搞嘅旅行又出發去盤龍峽玩兩日啊!

    回覆刪除
  12. 我都係剛從台灣回來,玩得開心d,記住影多d靚相
    [版主回覆10/28/2010 21:21:00]咁啱! 玩就真係玩得好開心嘞! 不過相就影得嘛嘛哋! 等我拾好啲嘢先再upload啲相上嚟, 你遲啲得閒再嚟行返轉吖!

    回覆刪除
  13. 休養左成年冇外遊,飛機衝出跑道的一刻有沒有想大叫出來的感覺呢 ?
    哈哈,我就每次都有,唉,都唔知係咪我有問題......
     
    那麼巧,我11月都會去台灣,但今次是去高雄和墾丁,實在很想試吓墾丁的民宿,回來和你分享一吓.......
     
    還有," 戀戀沖繩之自駛遊2010" 終於完成,請多多指教
    http://hk.myblog.yahoo.com/leungwahwah
     
    玩得開心D,等緊睇你個旅遊BLOG嫁!!!!!
    [版主回覆10/28/2010 21:25:00]近排識好多人都去台灣呀! 唔知係咪因為個簽證手續簡化咗, 所以多咗人去呢? 多年前我都去過 高雄同墾丁, 嗰到啲風景真係唔錯啊! 我都希望你到時玩得開心啲啦!
    等我拾好啲嘢先再upload啲相上嚟, 你遲啲得閒再嚟行返轉吖!

    沖繩, 我鐘意呀! 咁等我去你到睇吓先!

    回覆刪除
  14. Sorry,想問多少少!你話嘅戒口即係唔食d吔嘢呀?聽人講話唔好食所有奶纇製品,係咪呀?咁你有無食呀?可否話我知你日常食d吔嘢架?
    [版主回覆10/28/2010 21:32:00]我冇戒奶頪, 基本上雞、鵝、鴨、牛要戒, 而我睇緊中醫, 佢要我暫時戒海鮮、豆類食品、凍嘢, 但哩啲都係因應個人身體體質, 所以唔可以一概而論。
    而我一向, 即係未病之前都食得比較清淡, 菜、魚、少量豬肉,無話好特別食啲咩。 但運動對於我哋嚟講就一定要keep住做囉! 

    回覆刪除
  15. 祝你們旅途愉快 !!   滿載而歸 !!
    [版主回覆10/28/2010 21:26:00]多謝你呀! 真係玩到滿載而歸啊! 不過就無你影得咁多相啊!

    回覆刪除
  16. Shirley :          Wow ~ 一波未平一波又起 ,   
    玩還玩 ~ 都要小心身體呀 ,   
    總之就住玩啦 , 仲有排玩架 . 
    Bye Bye !
    [版主回覆10/30/2010 05:23:00]知道嗱! 因為今日去哩團係公司搞, 早在報台中團早好多, 都冇遇到係貼得咁密囉! 不過好彩我下星期都重係放假, 可以抖夠先再返工啊!

    回覆刪除
  17. 多謝資料提供!
    [版主回覆10/30/2010 05:21:00]唔使客氣!

    回覆刪除
  18. 最後埋單每人要幾錢呢?
    [版主回覆11/04/2010 18:18:00]每人四次蚊到啦! 因為哩個團住得唔錯, 所以貴少少, 不過我自己覺得都ok啊!

    回覆刪除
  19. 台灣遊,係我既主打黎架。
    [1733回覆05/13/2013 20:07:53]等你。
    [版主回覆05/13/2013 12:57:02]我緊係知啦! 所以遲啲我搵資料去嘅時候要打搞你呀!

    回覆刪除