2010年11月3日 星期三

台中輕鬆四天團 ~ 27/10/2010 (Day 3 - Part 2/2)

下一站就係去茶葉專門店










睇完製茶經過就緊係向你sell吓茶葉啦!不過我哋哩團啲團友個個都係精打細算,哩啲又貴又唔底嘅嘢都係唔啱我哋,最後又係無幫襯呀!



咋一聲個個都散走晒!去晒隔離便利店幫襯呀!




基本上九成嘅行程都完成晒,而家就返台中市嗱!



返到台中市第一個節目就係行SOGO,又係無聊之作。不過返到嚟市區反而刮起大風,氣温重凍咗好多添呀!



六點鐘嚟到逢甲夜市,哩到有好多嘢食咖!




凍到我手陣陣添!







哩間賣大腸包小腸嘅舖頭好多人排隊,我都買咗條,用糯米飯包住香腸,再加啲槳汁,唔覺得太特別囉!





佢哋話哩檔啲鴨舌同雞腳都好好味喎!





哩檔啲胡椒餅都好出名,我哋都買咗幾個試吓!



睇住佢一個一個新鮮出爐咖!



熱辣辣好好味啊!



夜市真係好多人啊!







行咗個幾鐘,大家都食咗好多嘢,又到集合時間,七點幾就車我哋返酒店嘞!


之前睇過一個電視台節目話哩個酒店大堂係由一個名設計師精心設計咖!牆上燈箱會不斷變色咖!





估唔到哩間五星級酒店係無泳池,只有健身室




房間都好大咖!連printer都有提供呀!




浴室都有一部電視機啊!如果我屋企係咁就正啊!



今次哩間雪櫃嘅飲品就要自己比錢咖啦!



因為今晚凍咗好多,大家返咗房加多咗衫之後就出動去食飯嗱!今晚哩餐我哋係自費咖!


由於有幾個老人家,所以決定唔去太遠嘅地方,目標係春水堂,本來酒店隔離已經有一間,但我哋又想行吓舖頭,所以最後選咗謹美誠品裡面嘅春水堂。


哩間就係酒店隔離,開到我哋行完街返去成十一點都未收舖。



謹美誠品就係酒店後面,都好方便。除咗誠品書店外,所有舖頭都係收十點。




我哋喺春水堂叫咗幾個餐,最主要緊係飲佢嘅珍珠奶茶啦!








好好味呀!而家重回味緊呀!



食飽就去咗B2嗰層行Daiso Japan,哩間舖頭買嘅貨品有八成係made in Japan,另外一成係made in Taiwan,最後一成係made in China,而且一律TWD39.00,即係HK$10.00。



貨品種類真係好多啊!不過我哋食完飯淨返一個鐘頭可以行,而我自己就得半個鐘,因為我重要走一轉去隔幾條街嘅「康是美」入貨呀!如果自己嚟我可以喺到磨幾個鐘都得呀!



跟住我哋兵分兩路,B女、老豆、姨媽同表弟嘅外母佢哋就返酒店休息,我哋啲「後生」繼續作戰。誠品書店平日開到十二點,星期六、通宵營業。


哩到都真係好大、好多書種,不過唔係特別平。



逛咗一個鐘到,有人有收穫,但我無啊!淨係覺得好攰,所以差不多十一點就返酒店嗱!


酒店房外嘅夜景



影吓哩次買嘅嘢先!我今次好收歛咖!




哩啲比起香港嘅價錢真係差一半呀!分別喺「寶雅百貨」同「康是美」買,康是美價錢就最平。



影完相就拾好啲嘢準備聽日返香港嗱!

由於由blog友仔問路,所以post誠品同康是美嘅位置啊!


                                                                                   .....續 (Day 4)


7 則留言:

  1. 有冇買我的美麗日記呀?
    [版主回覆11/04/2010 18:25:00]無啊! 我見香港都有, 而且我自己係用開廣源良同森田, 所以只係入哩兩個牌子咋!

    回覆刪除
  2.    小子也曾食過這個小食,真是回味無窮啊!
    [版主回覆11/04/2010 20:02:00]我就係見你有介紹過, 所以都唔執輸整返條呀!

    回覆刪除
  3. 0甘好記性!多謝。
    [版主回覆11/05/2010 09:40:00](Empty)

    回覆刪除
  4. Shirley :          "台灣" D茶葉都好出名過喎 . 
    夜市好熱鬧既呢 .  
    Bye Bye !
    [版主回覆11/10/2010 20:50:00]我知茶葉出名呀! 而且試飲都幾好味, 但因為屋企有好多茶葉, 所以我無買到啊!
    夜市真係好熱鬧呀! 不過我自己要戒口好多嘢都唔食得, 我啲屋企人個個都食得好開心呀!

    回覆刪除
  5. 廣源良在龍城藥房都有賣。
    [版主回覆11/16/2010 21:39:00]龍城得幾款, 有啲product係無啊! 而且價錢貴double啊!

    回覆刪除
  6. 請問怎樣去康是美和誠品呢? 謝
    [版主回覆11/02/2011 21:22:19]Post 咗個地圖, 睇吓幫唔幫到你啦! 我上網check過, 康是美而家收24:00啊! 你有興趣自己可以去哩條link睇吓啦! http://www.cosmed.com.tw/default-map.asp
    [版主回覆11/02/2011 07:48:31]你喺台中住邊間酒店, Hotel One??
    我要搵返啲資料, Hmm...或都今晚post個map比你睇會清楚啲!
    除咗康是美,其實喺逢甲行夜市都會有好多賣護膚/化妝品嘅舖,屈臣士都有,不過價錢就貴啲,另外喺逢甲行完夜市,導遊約返你上車嗰個停車位旁就係寶雅百貨,地下嗰層都有好多護膚/化妝品,同埋做特價,如果你有興趣不妨留少少時間喺嗰到睇一睇。

    回覆刪除
  7. 呢間飯店都好幾得喎。
    [版主回覆05/13/2013 12:50:40]哩間酒店真係唔錯, 都幾方便, 其實哩個團間間酒店都幾得咖!

    回覆刪除