2010年12月17日 星期五

兩日一夜澳門行 (14.12.2010) 2/3

威利斯人嘅穿梭巴士係用大型嘅旅遊巴,而且有好多部源源不絶,所以好快就可以上到車,幾個字嘅車程就到咗威利斯人啊!


入到嚟嘅感覺係好似去咗台場




原來都有人幫襯坐貢拉多喎!



坐喺上面嘅人感覺如何呢?比我就唔係好自在嘞!因為沿途都比好多人喺「兩岸」望住,怪怪咁啊!



場內放咗好多聖誕佈飾都幾靚啊!



好靚嘅聖誕樹呀!



哩到好大,但到到都好似樣咁啊!前面重有一棵大嘅聖誕樹呀!



好靚呀!



啲天花都好靚呀!




四周都好金碧輝煌呀!




酒店大堂有好多人排隊等check in,平日都咁多人,咁假期咪重犀利。



我哋行咗陣就諗住離開,行過去「土生葡人住宅」。但行出廣場四周圍都比啲建築物阻住,我完全搵唔到方向呀!



A貨聖馬可廣場





重有條A貨嘆息橋



成個天都灰灰暗暗,如果有個藍天就應該會靚好多啊!



原來要行去「土生葡人住宅」,就要喺酒店大堂西冀嘅方向出先得啊!出到大路行兩、三個字就會到嗱!



過到嚟已經三點幾,所以我哋過咗去大利來先,因為豬扒包三點開始出爐,其實幾年前我嚟食過,覺得唔須要特別嚟食,但大笨蛋未嚟過,所以就同佢嚟試吓啦!


嚟到都已經坐滿晒人,不過今次唔使排隊就可以買到豬扒包。



$18一個豬扒包,佢優點係新鮮,豬仔包外脆內較,豬扒就入好味,但如果要我排隊買呢就免嗱!



哩碟魚蛋、尤魚要$40,咖喱汁好稀無咩味,魚蛋好粉,尤魚都係無味。大笨蛋話下次唔會再嚟啊!



然後我哋就行去隔離嘅地堡街,哩條街好多嘢食啊!



就嚟哩到試吓啦!





因為我哋兩個都幾飽,食唔落一碗麵,所以只係叫咗一碗淨魚翅湯。



飲完湯,又去沙度娜買咗個碎果仁木糠布甸,$12一個,好多人話佢好實唔好食,其實係要擺一陣等佢解凍先好食啊!


啲質地幾軟熟,真係好好味啊!



哩間食豆腐花都好出名咖,不過真係食唔落啊!



食到咁飽,要行吓消化吓先得呀!經過官也街行返去「土生葡人住宅」。




好多人都喺到攞景影婚紗相啊!



嘉模聖母堂(Our Lady of Carmel)








幾年前嚟嘅時候,前面咩都無,一望無際,而家已經起晒密麻麻嘅賭場,鏡頭外重有地盤,我諗下次嚟又會另一番景象啊!



我好欣賞澳門政府係發展期間,仍保留好多哩啲有特色嘅建築物,唔似香港咁咩都話折!



跟住我哋就坐33號巴士返回澳門新馬路,落車後就去「樂宮」買腰果曲奇餅,途經「明記牛什」,好多人排隊啊!我哋都買咗少少返酒店食。



$10一串



喺「樂宮」買咗腰果曲奇餅,再去「鉅記」買咗啲杏仁餅。哩間舖頭真係多分店,行十幾步就有一間,勁過7-eleven呀!



我好鐘意哩到啲聖誕佈飾啊!



買完嘢出嚟啲燈啱啱開,真係好靚啊!







淺藍色我鐘意呀!



真係好似流星雨呀!



行吓影吓,六點三終於返到酒店嗱!一間普通但舒適嘅房間。







抖咗陣就換衫去游水啊!哩個係恆溫游泳,水溫喺28 ~ 30度,所以好舒服啊!不過都幾深水,最淺係1.2M,但中間已經1.8M,最深係2.幾米啊!



除咗泳池,重有個細細哋嘅健身室



游咗半個鐘就沖涼返上房,所有設備都好齊全。




不過個蒸氣桑拿室暫停使用,真可惜呀!



喺房休息咗半個鐘食咗啲牛什就出發去漁人碼頭。


哩檔啲牛什好味過晏就間梓記,而且價錢都平啲啊!



                                                                                         

here


                                                                .........兩日一夜澳門行 (14.12.2010) 3/3


4 則留言:

  1. 沖涼房都影?走過人出來點算
    [版主回覆12/17/2010 18:37:00]哈...哈!! 我見無人先影咖咋! 如果有人緊係唔影啦! 未比人鬧過咩! 因為我平時去旅行搵資料時都鐘意睇吓人哋影啲酒店設施, 尤其日本啲溫泉酒店, 所以到自己, 環境許可下我都會影吓囉!

    回覆刪除
  2. 哩碟魚蛋、尤魚要$40 << 食人隻車 =.=!
    [版主回覆12/18/2010 09:53:00]係呀! 簡直係搶錢呀! 好食都話物有所值吖! 最慘係唔好食吖嘛! 所以下次我都唔會再去大利來咖啦!

    回覆刪除
  3. 嘿,嘿,  沙度娜買咗個碎果仁木糠布甸 . . . 好多人話佢好實唔好食,其實係要擺一陣等佢解凍先好食啊!  果然醒目, 原來, 已經唔系人人都知道木糠布甸 最初點解會紅, 同點食    其實, 當時我地鍾意遊澳門, 但又唔入賭場 . . . .主要系因為澳門近得嚟夠晒 HEA . . . .唔單只系我地遊客 HEA, 系當時齊個澳門既人, 事, 生活 都咁HEA . . . .當街仲系的士任你坐, 任你遊 . . . .記得仲有三輪車, 我地仲成日比咗包車錢之後叫個車夫份做乘客, 比我地影相, 同車佢四團走 . . . .
    [版主回覆12/18/2010 13:57:00]我都無入賭場, 有入都係路過, 但完全無賭過, 除咗因為唔識之外, 覺得咁辛苦賺錢攞嚟咁輸好唔底, 不過澳門地方細細, 行吓hea吓真係幾好, 好似我哩兩日閒日去, 只要唔係喺新馬路一帶, 其實四周圍都唔多遊人, 所以感覺好舒服啊! 個木糠布甸真係好好食呀! 就算實嗗嗗咁食落去我都覺得好味呀! 下次再有短假期再去hea先得啊!

    回覆刪除
  4. 圖片豐富,成績斐然,多謝分享呀,沙利小姐。
    [版主回覆12/21/2010 07:26:00]!客氣...客氣!平時小子同我哋分享嘅都唔少啊!

    回覆刪除