2012年9月9日 星期日

長洲 B & B





哩兩年一到夏天,我都會入長洲住返晚,因為可以做我最鐘意嘅活動 - 游水外,重可以喺長洲不停咁食、食、食。而且我感覺係好relax,所以上個月頭我又同屋企人入咗去玩返晚啊!

之前幾次都係住華威酒店,但因為正值暑假,所以價錢真係好貴,就算平日都要九百多元一間雙人房重唔包早餐,所以今次我就嘗試訂 B & B,選佢除咗價錢比華威平之外,佢嘅位置亦係我鐘意嘅地方。

由於B & B都好受歡迎,所以我六月已經訂定房。HK$650一間雙人普通房包早餐。



我哋今次就被安排住喺哩座主樓嘅一樓。






酒店外有地方比大家飲吓嘢傾吓計,不過就要抵受得主高溫先可以坐喺到啊!






上房睇吓囉! 房間唔大但好乾淨同舒服,哩間房有窗算係高級房,比普通房大少少,但貴多一百蚊一晚,我訂兩間普通房,而哩間係老闆免費幫我upgrade咖!



有兩枝水提供,但留意房內無雪櫃咖!


普通房就少個窗同間房細少少


浴室設備好齊全





有埋洗頭水同沖涼液






跟住上天台睇吓先! 天台門口有個雜誌架,不過啲雜誌都係過期咗好耐。



一個唔大但好令人好舒服嘅天台






喺天台望出去可以見到沙灘同華威酒店


當日天氣勁好,所以啲相影出嚟個藍天真係好靚啊!



晚上天台開晒閃燈都幾浪漫啊!




我哋第二朝為求避開猛烈嘅陽光,所以五點半就落水啦! 由B&B行出沙灘都唔使一分鐘,真係勁方便呀!



五點半,遠處太陽都開始出嚟嗱!不過沿路嘅街燈重著住。


另外哩邊喺東堤小築,不過我而家唔係好敢喺哩到住啊!



都唔好覺得自己早呀!其實有好多人已經落咗水嗱!時不宜遲,我都落水dum返兩轉先!


一晏咗太陽就相當強勁啊!當日嘅水質非常清,而且近浮台附近重有好多手掌大嘅魚由水中跳上水面呀!




哩個咁正嘅地方如果比我住一世都願啊!




游完水返酒店沖個涼抖一陣就去地下嘅餐廳食早餐。



地方唔大,只可以同時招待10個人,早餐時間由8:30開始,如果暑假fully book的話,晏咗就會好多人啊!



啲擺設幾靚啊!




先嚟片多士



早餐只有下面哩兩款,但我自己覺得味道都唔錯啊!






食飽早餐出大街行咗陣,返上酒店沖個涼瞓一陣,十二點就check out離開,我幾鐘意哩間B & B,地點實在太方便,行落街不出數分鐘已經可以有好多美味嘅小食,出沙灘又方便,相信我下次嚟佢都會係我首選啊!





09/09/2012 ~ 10/09/2012
再度到訪長洲,仍然係揀B & B,今次係住二人高級房加床,平日價HKD820.00三人包早餐。真係好抵啊!

房SIZE比喺普通房當然大好多!


.


.

.


.
高級房有雪櫃同埋熱水煲


.
浴室仍舊設備齊全


.
廳中間有張枱可以開出嚟放吓嘢。



房間出面就係嘅露台位



露台有兩張枱,我哋就係喺哩到食宵夜啊!



三樓係天台,可以望到對面B&B主樓



哩邊嘅天台無對面佈置得咁靚啊!而且唔夠高,所以無咩景觀呀!
























14 則留言:

  1. 嘿 . . .晒黑D 健康D
    [版主回覆08/08/2012 20:26:55]黑要比好多錢做返美白咖! 唔制....!!

    回覆刪除
  2. 好耐無寫post喎!
    長洲B&B啲房間都唔錯.相信假期價錢同<華威酒店>會貴好多,
    不錯的長洲遊樂...........


    [版主回覆08/08/2012 20:29:58]係呀! 因為哩排晚晚都晏收工(今日終於可以早返啲), 所以返到屋企好似死魚咁都唔想郁, 網都上少咗啊!
    華威假期要千幾蚊一晚呀! 所以唔舒得呀! 我睇到你東坪洲都唔錯啊! 等我再去你到研究吓先!

    回覆刪除
  3. ~~ DoNaLd &amp; IrIs 愛閒遊 ~~2012年8月11日 下午8:36

    d相影得好靚喎!!!!
    [版主回覆08/13/2012 21:52:46]都係因為天氣好啫! 我因為帶咗相機但唔記得帶電, 所以都係用部cheap cheap手機影咋!

    回覆刪除
  4. 藍天白雲,好靚呀!
    個天台好正.
    [版主回覆08/16/2012 20:23:24]係呀! 有天台嘅屋簡直係我嘅夢想啊!

    回覆刪除
  5. 其實每次去長洲都經過架! 間酒店細細地,但好可愛呢 。

    回覆刪除
  6. 想請問1下..可以提供訂房電話ma?plz
    [版主回覆08/27/2012 11:22:46]http://www.bbcheungchau.com.hk/v2/Blank.html, TEL:29869990

    回覆刪除
  7. 咦 ~ 充滿外國 Feel 喎 .
    唔錯 !

    回覆刪除
  8. 係長洲每晚都好熱鬧有好多燒夜檔....妳有無買燒夜食呀!......
    [海岸潮音回覆09/13/2012 21:23:18]做得啱啦,,,,,,
    [版主回覆09/12/2012 12:30:40]我次次都無食, 因為根本都唔知咁夜會有檔開, 就係上次見到你個blog介紹過, 所以今次專登唔食晚飯, 留返個肚食宵夜, 不過好似無星期六晚咁熱鬧, 起碼腸粉無開檔囉! 不過都食得好開心啊! 我哋食咗車仔麵、串燒、魚肉碗仔翅呀!

    回覆刪除
  9. 900蚊真係好貴喎...T__T
    d 裝潢似民宿, haha 應該去坪洲賣番一橦做呢d hahaha

    回覆刪除
  10. 呢間B&B唔錯呀! 通常我去長洲都會住華威酒店!

    回覆刪除
  11. 嘩!Shirley......近排好忙嗎!....冬天到.會唔會游冬泳呀!........週末快樂
    [版主回覆11/25/2012 10:39:09]哈..哈!! 好耐無"見"呀! 近排忙嚟忙去都唔知忙咩呀!
    冬泳, 我無咁強啊! 不過十一月開始屋企附近新建咗個室內暖水泳池, 所以而家都有keep住每星期泳返兩、三次啦!
    你一家人今個週未又去邊到玩呢! 玩得開心啲, 週未快樂啦!

    回覆刪除
  12. halo~ B&B係邊度book會平D呀? THANKS
    [版主回覆01/31/2013 07:32:44]唔好意思啊! 我每次都係直接打電話去B&B book, 我無去check其他travel agent嘅價錢, 所以我都唔知邊到book會平啲啊!

    回覆刪除
  13. 環境真係好靚呀!!
    [版主回覆06/08/2013 21:47:49]係呀! 真係唔錯咖! 不過而家電視播緊套劇不斷咁幫B&B做宣傳, 我諗而家重多人去呀!

    回覆刪除
  14. 入住手續系點架?
    [版主回覆07/28/2013 07:54:40]你入去B &B個網有訂房嗰版,你入去埴咗想訂房種類、人數、日期、聯絡電話,咁好快佢哋就會繼續你話你知有冇房,如果ok,就會回覆你email裡面有conirm你所有內容同埋account no.,你check過無問題佢指定時間內入錢落訂,通常係房租嘅一半,餘數到埗先比,過咗數send返收條比佢哋,到時chexk in帶埋你入數將收據比佢哋就ok啊!
    直接打電話去訂都得。
    希望你玩得開心啲啊!

    回覆刪除