2012年5月13日 星期日

如願以償櫻花行

八天所謂嘅京、阪、神賞櫻行終於順利完成。八天內落咗一天雨、一半時間係陰天,最好天嘅一日我就要離開京都去六甲、有馬,最初覺得有啲可惜,途中不斷想如果哩日唔係要離開,一定可以影到更靚嘅相,但當晚睇新聞,京都祇園發生咗一件嚴重車禍,由於係賞櫻季節,所以傷及大量途人,八死九傷,喺新聞片裡面,我哋前一日嘅相同時間就係喺事發現場,如果我哋真係遲一日的話,可能變成新聞人物都唔奇,就算唔係傷者,當日祇園全面封閉,搞到大塞車都麻煩啊!
今次9/4/2012出發,好好彩地好多地方櫻花都滿開,所以睇咗好多好多好靚嘅櫻花,影咗好多好多相,所以要慢慢整理先可以放上嚟,而家放住少少先啦!

Day 1.1 : 香港 → 関西機場 → 京都 → 山科疏水道
交通乘車卷

我的隨手冊

09/04/2012
京都山科疏水道,哩個地區係民區內,旅遊書並無介紹,所以外地人比較少,大部份見到嘅人都係日本人,我哋到嘅時候好多櫻花樹都未開花,我諗哩個星期去的話會重靚啊!






嚟到嵐山天氣開始轉差,嵐山嵯峨一帶都未開花


天龍寺外


天龍寺內


渡月橋旁


10/04/2012
半木之道,有係好多櫻花重未開啊!


京都植物園,係我全個行程見嘅櫻花最多最靚,而且重有其他好靚好靚嘅花,係我最鐘意嘅地方啊!






二条城




嚟到蹴上鐵路天色已經好暗,如果有個藍天一定會重靚。


11/04/2012
哩日全日都落雨,而且越晏就越大啊!
清水寺




平安神社前,記得幾年前哩個位景紅葉係靚到不得了,所以今次嚟返哩到,雖然落住大雨,但個景似然係好靚啊!


幾年前同一位置紅葉嘅景像




六甲山頂






有馬吊車


有馬




神戶




神戶路邊小花


池田


大阪通天閣展望台外嘅風景


大阪城




心齋橋,好好天,可以見到天上有好閃嘅星星啊!




20 則留言:

  1. 嘩. 嘩. 嘩 . . .
    [版主回覆04/17/2012 21:09:07]我真係覺得好好彩, 我重諗住9號先出發可能淨係睇到就嚟謝嘅櫻花, 但道然處處係開嘅櫻花, 真係好幸福啊!

    回覆刪除
  2. Wow ~ 標題用到 "如願以償" , 一定係一個圓滿之旅 , 恭喜晒先 .
    果單車禍 "香港" 都有報導 , 都唔記得你會去果度添 , 真係好彩呀 , 不過D死傷者就真係不幸 ...
    D相影得好靚呀 , 係咁咦幾張都咁吸引 , 睇落去肯定殺死人 , 勁 !
    [man wai回覆04/17/2012 21:30:38]櫻花幾時有 ? 都冇諗過喎 , 上次 "函館" 睇過 , 我反而鍾情於海岸線多過櫻花 , 所以今程 (其實次次都係) 以行海岸線為主 , Yeah !!
    [版主回覆04/17/2012 21:12:51]真係好圓滿呀! 而且睇到好多好多櫻花, 真係勁開心呀! 原來京都車禍香港都有報, 諗返真係好好彩啊!
    你都快出發, 玩得開心啲, 希望你都可以影到好靚嘅櫻花嗱! 不過北海道係咪要五月先開花呢?!

    回覆刪除
  3. wah 你返左黎啦....好靚r....真係羡慕屎哦啦
    [版主回覆04/20/2012 12:29:39]唔使羡慕啊! 你都可以搵機會去同櫻花會一會面呀!

    回覆刪除
  4. 拍到這麼多靚相總算有收穫了!
    [版主回覆05/01/2012 14:11:14]係呀! 哩個旅程真係令我好滿足啊!

    回覆刪除
  5. 你就好啦, 去過咁多地方, 羨慕到我流哂口水!
    我都要向更多地方進發! 回來再努力儲錢!
    [版主回覆05/08/2012 07:40:38]哦! 因為你話去成個月, 而家打工仔真係好難放成個月去旅行啊! 而且你公司咁好可以比你放no pay leave, 我就一定唔得囉! 其實係我羡慕你至真啊!
    [Karen回覆05/07/2012 23:01:53]哈哈, Shirley, 你估錯了, 我做咗嘢好多年了, (靜靜話你知, 10幾年了, hehe)
    只不過除咗亞洲, 歐洲國家我真係去得好少, 只有英國&希臘 (都係自助遊)
    以前好鐘意亞洲國家, 但唔知點解, 人大咗, 而家鐘意去歐洲...
    我去成個月, 扣埋10幾日大假, 其他我係攞no pay leave, 真係冇乜幾多次可以去咁耐!
    今次去意大利都會去好多地方, 而且真係做咗好多功課, 所以將來你真係再去時, 我絕對樂意分享我所知嘅! 到我去完回來, 我一定會同你share我的相和行程!
    [版主回覆05/07/2012 20:39:45]你可以去成個月旅行, 我相信你係今年嘅畢業生啊! 因為我有同事個女又係今年畢業去歐洲玩一個月, 八月先返工呀!
    所以你唔使羡慕呀! 你一定大把機會啊! 而且我去嘅地方都唔算好多, 我都有好多地方想去呀! 意大利我好多年前跟團去過, 不過我都好想自己再去多次呀! 所以你玩得開心啲, 影多啲靚相返嚟, 咁到我去嗰陣倒轉要向你請教呀!

    回覆刪除
  6. 嘩~~D櫻花真係靚到無朋友~~
    [版主回覆05/09/2012 07:47:20]係呀! 有幸第一次去睇櫻花就可以見到咁令人難忘嘅畫面呀!

    回覆刪除
  7. 謝謝你的到訪,有時間就再黎睇過啦!
    [1733回覆05/14/2012 23:11:53]謝謝你的讚賞。
    [版主回覆05/14/2012 20:54:42]一定...一定, 你個blog咁正, 一定會多啲去睇呀!

    回覆刪除
  8. 日本-櫻花-個然好靚喎,
    通天閣展望台外嘅風景-(雲)好靚..
    [海岸潮音回覆05/17/2012 22:05:17]夏天一個屬於海邊的季節<->好好享受這個季節...shirley
    [版主回覆05/17/2012 21:13:03]係呀! 我等夏天來臨等咗好耐嘞! 我每逄六、日都會去沙灘游水啊! 雖然游得唔叻, 但游到出去見到啲魚仔嘅海中游嚟游去真係好開心啊!
    [海岸潮音回覆05/17/2012 13:42:30]唔識潛水唔緊要,慢慢學囉..
    夏天嗎!...去沙灘玩下水都唔錯喎...
    [版主回覆05/17/2012 07:36:38]多謝你嘅到訪呀! 係呀! 日本櫻花真係好靚啊!
    我去你個blog見到頂頭嘅相就好開心啊! 因為我都好鐘意海咖! 不過我唔識潛水, 游水都係嘛嘛哋, 不過就鐘意游囉! 等我多啲去你個blog到先!

    回覆刪除
  9. 電占 豆豆 幸の旅日 World ^^2012年5月20日 下午6:28

    京都植物園好靚Tulip,令人喜出望外
    [版主回覆05/21/2012 07:41:10]係呀! 去之前只係知道會有好多花睇, 但無諗住會咁靚同咁多櫻花啊!

    回覆刪除
  10. shirley...........週末快樂........
    [海岸潮音回覆05/26/2012 16:49:45]妳就好啦..游水-係海到飄飄..爽呀..落雨游水真係要小心啲呀,小心暗流/大浪...

    [版主回覆05/26/2012 12:12:35], 多謝晒! 我啱啱去完游水返嚟呀! 今朝好大浪, 不過喺個海到飄飄吓好好玩呀! 希望你都有個快樂週未啊!

    回覆刪除
  11. 嘩, 在日本賞櫻花, 感覺特別美麗!
    [版主回覆05/27/2012 17:23:25]無錯...無錯!! 人哋話西方月光特別圓, 我一定係話日本櫻花特特靚呀!!

    回覆刪除
  12. 週末快樂.......有無出去郊遊下呀............
    [海岸潮音回覆06/09/2012 19:34:10]魚仔陪妳一齊游.....唔錯........正呀....
    [版主回覆06/09/2012 13:33:31]嘩! 你好「早」啊! 我都係一早去游水咋! 今日啲水好清又無浪, 好多魚仔陪我一齊游呀!

    回覆刪除
  13. 時間就的話,大阪城的櫻花牛特別美麗
    但我更喜歡東北秋天的紅燈黃葉。尤其是整個山頭的那種
    [版主回覆06/09/2012 12:59:50]如果櫻花同紅葉比, 我都係比較鐘意紅葉嘅景色, 但由於睇櫻花係多年嘅心願, 所以今次嘅行程就特別興奮啊!

    回覆刪除
  14. 嘩~ 好羨慕呀! 你是全日通? 溝通沒有遇到困難嘛?? 我都好想飛去走走, ...你有去過四國嘛??
    [版主回覆06/18/2012 20:45:56]我係完全唔識日文啊! 不過日本有咁多漢字, 只要做足準備就應該無問題。四國我未去過, 不過有朋友會年尾去, 所以都有幫佢搵吓資料, 嗰到啲地方都好吸引我啊! 尤其道後溫泉, 我都好想再飛返轉啊!

    回覆刪除
  15. 櫻花靚之餘,相片拍得相當靚 !

    回覆刪除
  16. -shirley-打風不緊要-週末快樂天....
    [海岸潮音回覆07/02/2012 21:59:54]我啱啱....游水-浮潛-釣魚-露營..返屋企.......有不錯的假期........
    [版主回覆06/30/2012 06:11:43]打完啦! 哩個假期安排咗好多節目, 而家出動去游水先! 你同家人喺哩個長少少假期都玩得開心啲啊!

    回覆刪除
  17. shirley,大好晴天,去游水啦.週末快樂,
    [版主回覆07/07/2012 16:51:17]! Thanks!! U2!!

    回覆刪除
  18. 天氣開始炎熱-要向海灘出發啦.............

    回覆刪除
  19. Very detailed, clear description and photos, I am very happy when go through your trip in April 2012. You did a very good work!!!!
    [版主回覆08/27/2012 13:04:47]Thank you!!

    回覆刪除
  20. 午安!多謝分享!
    [版主回覆12/10/2012 20:44:30]多謝你嘅到訪啊!!

    回覆刪除