2013年6月8日 星期六

Day 7.5 @ なばなの里(長島名花之里) Part 2

2013年4月28日 天晴
07:58~08:32 | 
名鉄犬山線鵜沼方面 | 名鉄名古屋 → 犬山遊園
12:07~12:32 | 名鉄犬山線名古屋方面|尤山 名鉄名古屋
14:00~14:31 | 名鉄高速巴士 |名鉄巴士中心 なばなの里(名花之里)
18:15~18:46 | 名鉄高速巴士 |なばなの里(名花之里) 名鉄巴士中心

(交通收費及詳細資料請往交通篇)
酒店:名鉄グランドホテル
睇完溫室出名嘅秋海堂後就輪到哩個月份嘅季節花 - 鬱金香啊!

.


哩個花園會隨住季節而展出當時嘅花。


哩到啲鬱金香開得比砺波嘅燦爛同埋大堆頭,但論品種都係砺波多啲。







哩到地方大到我都唔知點影好呀!最後攞住個相機唔理咁多亂咁影呀!

.

.

.

.



影咗一輪,對腳已經攰到無力,所以都無能力再行出啲影,於是就上展望台嚟張大合照算吧!

.



影咗張全影,原來係砌咗麵包超人。



.

.

.


.

我鐘意細菌小子,但係佢太遠,所以影出嚟好平,睇得唔清楚呀!


影完晒就慢慢行返出去,喺離開前緊係要去手信店行吓啦!之前喺網上見到哩個安永好出名,啱啱我又覺得好肚餓,不過佢哋無得散買,所以買咗一盒即場食,其實好似太子花園街裡面有檔賣紅豆燒餅嗰種囉!叫做試過啦!






食完嘢就買埋手信,由於咁多日都未入過貨,點都要帶啲哩返嚟見江東父老,諗住求其拾啲,原來哩到啲土產同小食都幾底買,三、四百円一大包,早餅都係咁嘅價錢,既然係咁就唔好諗啦!我同大笨蛋都係都買咗一大大袋,橫掂出到去坐巴士就返到酒店樓下,唔怕拎呀!


出口/入口前原來有Locker啊!


.

跟住返出停車場,但未走住,停車場旁重有個花市場,有花、花泥、種子、盆栽等等買,B女點可以唔睇過就走呀!


不過我同大笨蛋真係已經死魚咁,行唔郁,所以就坐喺人口到等B女自己去shopping呀!


.


幾個字後佢好滿足咁有收獲咁返嚟,咁我哋就行去對面巴士站等咗一陣,又係好準時咁6:15巴士就到啦!

.


瞓個小覺就返到名鉄巴士中心,又係拑個電梯就返到上酒店,真方便。好彩一早計劃好買晒晚餐,大家返房沖個涼休息一陣就可以開餐啦!



有蝦


有刺身,我哋晏就喺超市買咗之後攞咗好多凍包然後放入雪櫃,所以到夜晚食都OK啊!


有壽司


又有飯,不過啲飯就凍咗,但都好好味。


重有牛肉沙津



飯後果緊係唔少得啦,有蜜瓜同士多啤利! 

原本諗住食飽就落街行藥房,不過食飽飽後就只想搵周生傾吓計,實在太攰,最後都係將藥房項目繼續押後到第二日啊!

... 續 Day 8 @ 名古屋

2 則留言:

  1. 花兒-------實在太多太美了!
    [版主回覆06/08/2013 22:16:07]所以攪到我哋發晒花癲呀!

    回覆刪除
  2. 玩都咁攰,我都係寧願在酒店房食架。
    [1733回覆06/12/2013 17:55:09]無錯。
    [版主回覆06/12/2013 17:39:19]係囉! 而家雖然話食物只係喺超級市場買, 但實數同味道真係唔錯咖!

    回覆刪除