2013年6月9日 星期日

中部‧北陸八天行

八天中部北陸之行,無驚無險下順利完成。出發前一直好擔心交通嘅問題,好彩所有行程都係我預計內,並無任何大問題出現。全個行程只有一次行錯路。事源係喺黑部水庫落咗車之後應該先上咗展望台後再前往黑部平車駅,但當時有幾團台灣團同車,落車後一心諗住要行得快過佢哋,就係咁一心急就錯過咗展望台嘅入口,搞到行咗落水壩再要行返轉頭,真激氣!

提外話,哩次行程遇到好多台灣團,佢哋啲行為真係令我對佢哋有一點反感,唔排隊、打尖、霸住一個影相位成團人影晒為止,重要影極都影唔完,去到超市遇到士多啤利減價,一口氣買晒人哋十幾箱貨,喺溫泉更衣室唔抺乾身就四周圍走,搞到啲地方濕晒又唔處理返。人哋唔識分香港人、台灣人、大陸人,只係知中國人,咁搞法遲早去到邊都神憎鬼厭呀!


好!言歸正傳,哩八日行程已經玩到我筋疲力盡,但地方相當靚,經過今次行程後,我真係好鐘意哩個區域嘅地方,八日裡面經歷晒春、夏、秋、冬,到埗當晚得四度,第四日二十幾度,第五日同第六日竟然零下幾度。

由於影咗真係好多相,遊記需要一啲時間,所以放住幾張相上嚟先啦!

Day 1 @ 松本JR駅



Day 2 @ 松本城



Day 2 @ 黑部湖


.



Day 2 @ 大觀峰


Day 2 @ 室堂 - 雪之大谷


Day 2 @ 室堂


Day 3 @ 砺波鬱金香公園


.

.



Day 4 @ 白川鄉







Day 4 @ 高山市


Day 5@ 上高地 - 大正池


Day 5 @ 上高地



Day 5 @ 平湯溫泉



Day 6 @ 平湯溫泉館


Day 6 @ 西穗高



Day 7 @ 名古屋犬山城



Day 7 @ 名古屋長島名花之里


.


.



Day 8 @ 名古屋



成個行程只係安排咗一餐食好嘢 - 飛驒牛 @ 山武商店  (638g A5飛驒牛+冬菇+任食疏菜&飲品&甜品) 三個人共11,182円。


Day 1:香港→名古屋 松本

27 則留言:


  1. [版主回覆04/30/2013 14:30:18]我都覺得幾正,上黑部湖水霸反而唔係好凍,可能郁緊同埋當時都有幾度,但喺上高地同西穗高就真係凍,尤其西穗高展望台出面,得-7度,又大風大雪,真係凍都傻咗呀!不過啲雪景真係好靚。

    回覆刪除
  2. 睇左你既相,我好似又去多一次立山黑部咁。
    [版主回覆04/30/2013 22:00:52]我自己都覺得係呀!

    回覆刪除
  3. 就因為丶滋賀同三重県塞車,我就去唔到長島。原來咁靚的。
    [版主回覆04/30/2013 22:03:48]係呀! 嗰到真係好靚, 不過係最後一個行程, 個人已經好攰, 所以我都行唔晒成個花園, 喺鬱金香嗰part都只係行咗一半咋! 但係秋海棠温室真係好靚, 如果你好鐘意花的話, 下次有機會去吓啦! 真係好值得去啊!

    回覆刪除
  4. wow ~ 咁快就開波 , 今次有排睇咯 , yeah !!
    咁你點知佢地係 "台灣" 團 ? 會唔會係內地既 "同志團" 黎架 ?
    大吉利是講句 , 我今次出門 , 都唔想聽到 "日文" 以外既語言 .
    D相好靚呀 , 讚呀 !!
    [man wai回覆04/30/2013 22:37:18]唉 ~ 遇到呢D人都幾掃興 .
    我第一次自駕遊果陣 ,  "洞爺" 有珠山果頭 ,
    見到有講 "普通話" 既人隨地吐痰 ,
    不過唔知佢係 "台灣" 定 "內地" 還是其他國籍 ?
    真係得人驚 .
    [版主回覆04/30/2013 22:10:01]香港團都有, 東x同縱x囉! 不過無台灣團咁討厭囉! 完全唔理人感受。
    [版主回覆04/30/2013 22:07:31]都係放住幾張先, 講到遊記就要遲啲啦! 可能到你出發我都未開始到呀!
    嗰啲係台灣團因為佢哋旅遊巴同導遊揸棋仔都係寫繁體字, 而且我搵資料時知道中部北陸哩區係台灣人好鐘意去, 暫時大陸人都比較少去哩到, 遲啲就唔敢包嘞! 到時可能重恐怖呀!
    [1733回覆04/30/2013 22:05:48]在室堂及黑部湖都見到有台灣團,香港團同埋泰國團。
    [1733回覆04/30/2013 22:04:44]我在雪之大峽谷都遇到同樣既事。
    佢地係講台語架。

    回覆刪除
  5. D 相好靚啊

    台灣又好, 香港又好, 中國又好, 全世界都有呢D 人既, EVEN KOREAN 都係咁架...算啦, 所以我地都唔好只係DISCRIMINATE 強國人。:)
    [版主回覆05/01/2013 13:38:52]咁又係, 不過我覺得今次啲台灣人係咁, 或多或少係關個導遊事, 無論排隊同影相都係啲導遊不斷催促佢哋快啲, 可能佢哋上巴士同纜車都要整團上車, 所以佢哋要由車駅工作人員安排先可以上車, 好似由大觀峰去室堂嗰程, 有團試過要等兩個鐘先上到纜車, 所以搞到大家都不顧一切咁推撞。所以哩段交通其實對我哋自遊行係著數啲啊! 每次排隊都係排第一
    [1733回覆05/01/2013 12:54:50]我都係咁話。

    回覆刪除
  6. 勞動節快樂 , 今年搵多D , 再去玩鋪勁既 .
    [版主回覆05/01/2013 13:40:29]勞動節唔使做最快樂 係囉! 又要返嚟捱騾仔, 你又就嚟出發可以玩鋪勁呀! 雖然公司接咗大project, 不過千其唔好帶埋工作心情過去呀!

    回覆刪除
  7. 很豐富的行程
    [版主回覆05/03/2013 07:31:00]成個行程都幾充實咖! 遲啲寫好遊記再嚟行吓吖! 指教吓嘛!

    回覆刪除
  8. 其實唔關咩野人既事, 總之我地ed自由行撞正旅行團就麻煩, 一定係要等佢地影晒至影到, 我地只係可以用部相機隊住, 一冇人就即攃.
    [1733回覆05/05/2013 00:47:15]除左我幫D團友影相佢地要求要影唔到其他人外,我係會唔介意影埋其他人架。有D生氣嘛。
    所以我無呢個問題。
    [版主回覆05/04/2013 09:36:36]但我次次都唔夠佢哋快, 最初我哋三個人影, 影咗一個咪讓其他人再影, 然後再影第二個, 點知讓咗佢哋, 佢哋就成團人咁埋嚟, 完全唔比機會你返埋佢, 我喺長島花名花之里裡面九成係日本人, 大家都好禮讓, 影咗會讓位比人, 所以每個影相位都好多人, 但完全唔會有問題啊!

    回覆刪除
  9. ~~ DoNaLd & IrIs 愛閒遊 ~~2013年5月5日 下午7:39

    妳好勤力喎@@ 多謝分享!
    [版主回覆05/06/2013 22:41:56]哈..哈! 都要你比面嚟睇先得啊!

    回覆刪除
  10. ~~ DoNaLd & IrIs 愛閒遊 ~~2013年5月6日 下午11:35

    妳咁勤力,梗係會睇啦,我比妳懶多啦。。。。。
    [版主回覆05/07/2013 07:26:59]多謝...多謝!!

    回覆刪除
  11. D相好靚呀~
    我上立山個日都好多人,同你所講一樣,打尖唔排隊影相,都係個d人~
    [版主回覆05/08/2013 21:53:38]無計, 佢哋個個都好趕時間, 我見啲導遊不斷咁催促佢哋快啲影相, 快啲行, 快快快, 我喺大觀峰上無軌電車時, 因為得我哋一組個人組別, 所以跟喺後面係佢哋幾團人, 我哋三個行頭上車, 後面幾位大嬸已經係咁迫, 到上車我比媽咪上先, 佢直情喺後面推我, 我把鬼火都唔理儀態, 大聲用廣東話同佢哋講「究竟你哋推咩呢? 成間車咁多位係咁重要推呢?」佢先當堂縮返隻手企定定等我哋上咗車先。
    我已經喺網上知道佢哋鐘意打尖, 霸位影相等等, 有晒心理準備, 但當遇上時難免會發閔囉!

    回覆刪除
  12. 嘩!..好壯大觀峰 &觀雪之大谷 .......正!
    [版主回覆05/09/2013 12:44:30]係呀! 風景真係好靚, 不過我諗你會鐘意陽光、海灘多啲啫!

    回覆刪除
  13. 長島名花之里好靚呀~~~係咪去埋Outlet呀??
    [版主回覆05/19/2013 11:35:20]其實如果淨係講鬱金香嘅品種同顏色, 砺波多好多,始終佢嗰到係出產鬱金香而民名, 不過我去過嗰陣啲花未開晒, 個天又落雨, 所以影響咗個效果, 而名花之里就以大堆頭個主題, 加上藍天, 感覺上好似靚啲, 不過我最讚嘆係佢嘅溫室, 啲秋海堂同吊鐘花真係又大又靚, 名花之里係可以睇到唔同種類嘅花, 大家性質唔同, 如果下次有同樣情形, 我都係會兩個地方都會去啊!
    [阿輝回覆05/19/2013 11:07:17]咁係咪名花之里真係靚過砺波好多呢??
    [版主回覆05/19/2013 10:04:37]我哋一向對outlet嘛嘛哋, 所以一直outlet都唔會喺我行程裡面出現, 除非有人特別要求。不過我知有個麵包超人館就想去,但係唔夠時間啊!下次, 下次一定要去埋。

    回覆刪除
  14. 我都係咁話放假先落雨,個天唔多鍾意我去玩咁!!!!.
    希望到<夏至>會"藍天白雲"來臨喇.
    銀線灣游水唔錯喎.....小心有..鯊...魚...呀!..hahaha....

    回覆刪除
  15. 你呢篇從新發表,YB無cut左你D編幅咩?
    [版主回覆06/08/2013 17:55:06]又無喎! 可能我哩篇內容(字數同相)唔多囉! YB唔好再搞我, 比我打埋條尾啦! 我真係驚佢又有咩新搞作, 所以襯佢無咩嘢打埋去呀!

    回覆刪除
  16. ~~ DoNaLd &amp; IrIs 愛閒遊 ~~2013年6月8日 下午11:14

    哇,妳咁快post左咁多篇啦,利害!!!
    [版主回覆06/09/2013 10:24:00]都唔快啦! 都打咗個幾月啊!

    回覆刪除
  17. ~~ DoNaLd &amp; IrIs 愛閒遊 ~~2013年6月8日 下午11:18

    妳好喜歡鬱金香呀?有機會去下花之國holland keukenhof @_@ 好多好多,園外既花田超震撼@@
    [版主回覆06/09/2013 10:25:36]我係鐘意花, 我媽咪緊係花痴, 所以係花都啱咖! 不過正直哩個時間係鬱金香季節, 所以好似我哋特別睇鬱金香啫!

    回覆刪除
  18. 妳的相真係影得好靚!我都去過名古屋、立山黑部、上高地、室堂、白川鄉。但係跟團去,冇妳玩得咁深入,影的相亦冇咁靚!
    難得妳寫這個遊記咁詳盡,連實際開支都列表記述,妳笫日真係可以輯錄出旅遊書啊!
    [版主回覆06/10/2013 07:32:27]曾生你過獎啦! 比起你啲相, 我啲都係亂咁影咋!
    我最初都諗住跟團咖! 因為中部嘅交通實在太複雜, 不過啲團安排停留嘅時間太短, 而且又唔會去睇花, 所以最後都係自遊行囉!
    其實咁仔細mark底啲開支係因為要同團友收返錢嘛! 唔寫清潔一陣佢哋賴數咪死!

    回覆刪除
  19. 端午節快樂!
    [版主回覆06/12/2013 09:37:39]大家咁話啦!

    回覆刪除
  20. SHIRLEY..端午節假期快樂
    [版主回覆06/12/2013 17:43:34]端午節快樂呀!

    回覆刪除
  21. 未去過日本,要找時間去。
    [版主回覆07/12/2013 07:25:53]多謝到訪呀! 我自己覺得有時間咩地方都想去吓! 不過當然重要有$啦!

    回覆刪除
  22. 有機會都要試下冬天去
    [版主回覆07/12/2013 07:24:57]一個唔錯嘅提意啊!

    回覆刪除
  23. 真係唔知台灣人都咁無品。依家真係天氣反常,四月仲咁凍。
    [版主回覆07/29/2013 12:28:11]係囉! 其實立山同新穂高都處於高原地帶, 所以雖然四月但都只係剛剛開始溶雪, 所以都重係好凍啊!

    回覆刪除
  24. wei你會搬去邊呢?
    [版主回覆09/08/2013 10:02:02]唔該晒! 我睇過好多人意見, 我都應該會搬去blogspot啊!
    [兔仔回覆09/06/2013 15:44:51]blogspot係free ga~
    [版主回覆09/06/2013 09:09:37]咁哩到係咪免費咖! 我見有啲blog話超過某個mb要收費, 但我唔係好識計。
    [兔仔回覆09/04/2013 12:45:52]我前兩個月開始搬去blogspot,不過有排都未搬得晒
    得閒嚟坐丫 http://cony-san.blogspot.hk/
    [版主回覆09/04/2013 12:22:26]我都未知搬去邊呀? 好似有好多網頁都要收費, yahoo提供搬家嗰個係免費, 好大機會會用佢, 但我想睇定先。
    你呢? 會搬去邉呀? 有無啲咩好提意呀?

    回覆刪除
  25. Hello ! 我原本個網誌因為按下 "輕鬆搬家" 而被封印 ,
    乜都郁唔到 , 唯有去我另一個Yahoo Blog戶口繼續餘下行程 ,
    好黎好去嘛 , 不便之處 , 敬請原諒 !!
    http://blog.yahoo.com/_567MJ57V5FLGMRTZIE42EQGTQI/articles/page/1

    回覆刪除
  26. 有更新 ~~ 豆丁已經成功把Yahoo! Blog備份匯入Google Blogspot了!
    [版主回覆09/08/2013 15:44:03]開咗哩條link, 唔知你睇唔睇到 http://shirleychiublog.blogspot.hk/
    [版主回覆09/08/2013 15:22:18]我原本有google account, 所以可以直接login, 但入咗去set咗個名之後唔識用, 搞極都出唔到嘢啊! 我唔知有冇click google+啊!
    [小肥回覆09/08/2013 11:30:20]你去BLOGSPOT 開個account, 跟住有唔明嘅你搵我或比d blog 你跟住參考都得 不過, 開戶時唔好click google + 我會幫你唔 到
    [版主回覆09/08/2013 10:02:56]good!! 我都打搬去嗰到呀!

    回覆刪除

  27. [版主回覆09/08/2013 18:02:23]有一個開錯咗唔識取消呀! 驗證碼取消呀...等我搵吓先。
    我唔係好識用佢post網誌, 要研究吓先。

    回覆刪除