2013年9月8日 星期日

在這裡一切從新開始

2007Yahoo Blog開始同大家分享我嘅旅遊點滴,喺裡面認識咗好多志同道合嘅blog友,其間Yahoo Blog不時出現"機件故障嘅問題",令我一番心血嘅網誌或相片無咗,但因為有一班好好嘅blog友,令我唔捨得放棄Yahoo Blog,而家Yahoo Blog要結業,迫於無耐要搬家嘞!尋尋覓覓嚟到哩到,希望可以繼續喺到同blog友們分享自己嘅旅遊點滴啦!

39 則留言:

  1. 睇到, 追蹤埋啦. .
    有兩樣要做 ~
    更正發報文章時間 ~ 喺POST 面/ 或最底 click [Blogger] click [網頁瀏覽次數:] 轉入設定頁面, click 左手邊最底 [設定], click [語言和格式] click 格式下嘅 [時區] 改做 [GMT+08:00]

    取消驗證碼 ~ 喺POST 面/ 或最底 click [Blogger] click [網頁瀏覽次數:] 轉入設定頁面, click 左手邊最底 [設定], click [文章和留言] 在 [顯示字詞驗證] 旁選 [否]

    回覆刪除
    回覆
    1. OK, 改晒啦! 你好勁呀! 我有問題再打搞你呀!

      刪除
  2. 1733 黎報到。
    今朝黎過都見唔到有呢一篇嘅?

    回覆刪除
    回覆
    1. Hi, 我搞哩到個blog搞到頭痛呀! 唔係好識用呀! 不過我會努力試吓研究, 因為真係好想同大家分享吓自己嘅旅遊經歷啊!
      我啱啱中秋個假跟公司搞嘅旅行去咗高雄墾丁, 追住隻天兔哩玩, 喺十幾級風力下喺露天地迉原全企唔穏, 真係差啲比風吹咗去, 跟住航班取消滯留高雄, 就係咁喺高雄玩多日見到黃色小鴨同叮噹誕生前100年展, 香港睇唔到, 嗰日補返晒, 今次旅程好難忘呀!真係想同大家分享吓呀!

      刪除
    2. 哈哈,咁多好嘢要分享,我一定幫你。

      刪除
  3. Hello ~ 我都上黎坐 , 聯誼先 ,
    希望Google Blogger 呢度多D生客 , 唔駛變內聯網啦 .

    回覆刪除
    回覆
    1. 哈哈! 一班friend再聚埋好似返咗YB咁呀! 哩邊我都未模熟點用,我會研究吓, 希望可以繼續喺到寫blog, 同大家分享旅遊點滴啦!
      我啱啱中秋個假跟公司搞嘅旅行去咗高雄墾丁, 追住隻天兔哩玩, 喺十幾級風力下喺露天地迉原全企唔穏, 真係差啲比風吹咗去, 跟住航班取消滯留高雄, 就係咁喺高雄玩多日見到黃色小鴨同叮噹誕生前100年展, 香港睇唔到, 嗰日補返晒, 今次旅程好難忘呀!真係想同大家分享吓呀!

      刪除
    2. 建議你用Google Chrome 黎做瀏覽器寫網誌 , 順暢好多 .
      起初我用Window Internet Explorer寫網誌 , 寫到把幾火 .

      刪除
  4. hello 我YAHOO 都睇過你個BLOG

    回覆刪除
    回覆
    1. 多謝晒呀! 哩邊我都未模熟點用,我會研究吓, 希望可以繼續喺到寫blog, 同大家分享旅遊點滴啦!

      刪除
  5. Hello~我都有追開你既遊記,你d資料好詳細,你會唔會搬埋d遊記過嚟呀~

    回覆刪除
    回覆
    1. 多謝捧場呀! 我會搬啲遊記過嚟, 但見到migrate嘅程序都幾複雜, 我諗要研究一輪先得, 哩邊我都未模熟點用, 希望可以繼續喺到寫blog, 同大家分享旅遊點滴啦!

      刪除
  6. 我在 Yahoo 寫了兩星期,佢便話結業,睇來 Yahoo 好憎我 XD

    回覆刪除
    回覆
    1. 哈..哈! Yahoo憎我哋多啲, 寫咗幾年突然結業, 搞到我哋幾哩hea呀! 你咁咪重好, 搬家唔做咁頭痛呀! 喺新嘅網誌繼續呀!

      刪除
  7. 將Moveable-Type.txt 改咗../images/, 直接 SAVE 做 txt 系唔 work 嘅 !! 要下載另一個叫 "blogtrans-1.1.0" 嘅軟件, 打開之後, [匯入] 你改咗嘅 hk-blog_2013-09-29_Moveable-Type.txt 再選[匯出] "atom. xml" 咁至完成轉換 !! 你今日kepp 住報告狀況啦. cow cow 嘅post 有流程 圖, 可以一邊睇, 跟住做.

    回覆刪除
  8. 你睇一次cow cow 嘅流程, 睇完返嚟 DELETE 晒已經 發佈嘅舊POST!!

    回覆刪除
    回覆
    1. 上網上下載 PhotoCap 軟件,選批次調整,縮細相片size至640X480,直嘅選置中留白,注意設定檔案名稱不變更,存檔備用。

      刪除
    2. DELETE 咗你雲端嘅 "IMAGES" 資料夾(唔DELETE都可以), 下載 "Google雲端硬碟PC版" 到自己電腦備用. 將已經縮圖嘅相片資料夾 ~ 拉入 "Google雲端硬碟PC版" , 會自動做同步. . . 暫時停手食飯, 等電腦自己行.

      刪除
    3. 我寫咗個詳細嘅縮圖流程, 你睇吓可唔可以跟住做啦.

      刪除
    4. 我而家重新上轉緊啲相, 因為我之前無縮細啲size而且好似上轉一個唔完整嘅file, 所以啲相唔整, 全部8000幾張相, 而家up咗一半。另外txt file會等啲相搞掂就再搞佢, 希望今次會ok啦! 之前upload咗嗰啲error網誌已經delete咗啦!
      今次真係唔該晒你啊!

      刪除
    5. 小肥, 唔知點解我個file "hk-blog_2013-09-29_Moveable-Type.txt "喺google 文件開唔到, error 係"很抱歉,開啟檔案時發生錯誤,請稍後再試。"
      而喺notepad無辦法一次過auto replace晒../image/, 重有咩辦法啊!

      刪除
    6. 嗯,你去我個Blog睇一次,如果担心個MT檔有問題,可以先搬埋一面,返zip再解壓一次,再用Blogstran轉換。/..images/可以最後做!試吓先

      刪除
    7. 關於notepad無辦法一次過auto replace晒../image/,有可能系唔夠RAM。你先關閉所有軟件,入程式,揾系统工具,磁碟清理,做一次,等電腦有多D資源。完成先再試一次Replace AIl

      刪除
    8. 今次滙入咗啲file入嚟, 啲字ok晒啦! 但無晒啲相, 我已經改晒條link啦! 真係搞唔掂啊!

      刪除
    9. Great!文字OK,等相片 ^0^

      刪除
    10. 你原本是否用Yahoo相簿?我用手機睇唔到,明早再幫你 :P

      刪除
    11. 係呀! 我用yb滙出嘅image folder咖! 麻煩晒你呀!

      刪除
  9. Hi,
    我今年五月尾去立山黑部, 高山. 出發前仲未解決行李運送問題, 幸運地被我睇到你個blog, 你仲介紹我去山武商店食飛驒牛呢! 雖然你嘅日本中部北陸我未睇晒, 但你已幫我解決好多疑問.
    衷心多謝你嘅幫忙!
    yahoo blog 幫我解決了許多問題, 本來我也想寫blog貢獻吓, 可惜yahoo blog要結業. 這個blog唔太識用, 希望有一日能夠做到啦!
    再次謝謝你的幫忙!
    Thanks!


    回覆刪除
    回覆
    1. 哦! 最緊要玩得開心啊! 我每次旅程都係yahoo blog啲好blog友比好多意見同幫忙咖! 所以而家我努力緊將啲網誌搬過嚟, 希望可以繼續同大家分享旅遊點滴啊! 等我完全搬好家, 你得閒再嚟坐吓吖!

      刪除
  10. 你可以再去我個Blog睇一下木木媽嘅流程,你個雲端FOLDER可能有問題。

    回覆刪除
    回覆
    1. 我再睇你D舊post,一張相都出唔到。有兩個可能,1.Google Drive嘅Link你抄錯咗,例如http 唔可以有s,例如條Link尾要有"/" 2.比較壞情況系你用PhotoCap時改咗D相片名。你要番睇一次自己步驟,知道邊度出問題都可以搞。萬一,真系唔知錯咗D咩,大不了再重頭做一次!:P

      刪除
    2. 小肥, 好似ok啦! 我發覺我抄google drive條link時久咗尾嗰四個英文字母, 我再重新做多一次, 我喺手機同firefox都睇到相同正常嘅字, 喺chrome google睇唔到, 咁你睇唔睇到呀?

      刪除
    3. 嗯,大問題應該解決咗。GOOD! 我用Nokia 行ie 睇唔哂D相,有部份要慢慢再執。其中Day8@名古屋有一编一張相都出唔到,要研究研究^O^

      刪除
  11. 早晨,睇咗立山嘅post,字〇K,相大部份OK,留言真系有D唔得。^0^
    另外,Day8@名古屋系重複咗一編有字無相,可以Delete就OK。恭喜你正式入伙,要擺多兩圍,哈哈哈

    回覆刪除
  12. 我都見有啲post重複咗兩次, 不過嗰啲可以慢慢拾, 拾之前重要睇你啲post學吓用blogspot先得, 因為都重唔係好試用呀!
    今次真係多謝小肥你大力幫忙, 如果唔係我要露宿街頭啊! 一陣擺入伙酒你嚟飲多兩杯, 哈..哈!!
    題外話: (其實又有問題) 我唔明點解我要睇有相嘅post要用IE, 包括你個post都係, 但如果我要編輯甚至回應留言, IE係無返應, 要用firefox, 但firefox係睇到post但啲相變晒格仔囉! 我而家係要兩邊用, 睇吓要做咩就去嗰到做啊!

    回覆刪除
    回覆
    1. 嘿,打咗回覆又無咗/TT\

      刪除
    2. 嗯,關於溜覽器問題,我唔太肯定:P 我用ie,如果系用私人電腦,建議改安全設定為中低,登入Blogspot時,click記住我,同保持連線。入咗Blog嘅最底部,click就可以入設定頁,所以保持連線會方便D。如果唔順,可以改用Google Chrome登入,應該會順D。我自己唔用FireFox 因為佢雖然powerful,但佔用多D資源 ^0^

      刪除
  13. 自從幾年前去歐洲發現你個blog, 分享咁多有用的旅遊資訊, 開始就追看了.
    好高興見到你成功搬家~ 加油!
    我也要試試搬家!

    回覆刪除
  14. 多謝你捧場呀! 你搬咗有新"地址"通知我去探吓你呀! :) 你都加油呀!

    回覆刪除