2014年7月5日 星期六

Day1.2 @ 前往三段壁

Day1.2 @ 三段壁
2014年5月18日 晴天
01:45~06:10 | CX566 | 香港 → 関西国際空港
07:42~07:52 | [普通]JR関西空港線  日根野方面(上り) | 関西空港(大阪府) → 日根野(大阪府)
08:30~10:09 | [特急]くろしお1号  和歌山方面(下り) 新宮行 | 日根野(大阪府) → 白浜(和歌山県)
10:30~10:56 | [明光バス] 白浜駅前 → 白浜バスセンター (經臨海円月島)
11:40~11:50 | [明光バス] 白浜バスセンター  → 三段壁
13:20~13:28 | [明光バス] 三段壁 → 白浜バスセンター
(交通收費及詳細資料請往交通篇)
酒店:南紀白浜温泉 旅館むさし (武藏)

白浜車駅唔算大
 

車駅內有對九繪魚公仔,係白浜嘅特產嚟咖!
 

到咗白浜駅,第一件事係去車駅旁嘅明光巴士售票處買巴士票

我哋買巴士兩日劵


由於巴士途經円月島嘅班次唔多,就到去嘅班次要等好耐先有另一班車離開,嗰到景點係近距離睇円月島同有個水族館,我唔打算去水族館,至於円月島亦好近酒店附近,所以本來趕得上10:22嘅巴士,但我都係選擇坐遲少少,搭10:34開出嗰班,咁就當去埋円月島。

巴士經過一啲石灘,好多人喺到玩水啊!我都想落去玩埋一份呀!

幾個字巴士就嚟到円月島前面,我坐巴士嘅右手邊,一早準備好相機,雖然巴士好快咁喺島前略過,但都可以影到唔錯嘅樣貌啊!哈..哈! 我同團友講行程第一景點已經喺坐巴士過程完成嘞!幾似啲呃錢旅行團呀!

過咗円月島兩個駅就到咗白浜巴士中心。酒店就係巴士駅隔離,好方便。

先去酒店放底行李,之後再返過嚟巴士駅坐巴士去三段壁。車駅旁即係酒店對面就有間24小時超市同100円店,不過100円店係晚上九點就收工。

其實白浜地方唔大,每個景點距離都好近,好快幾個字就到咗三段壁,道先經過一條短短嘅街道,哩到有幾間小食店,可能大家都有啲肚餓,行到第一間嘅時候已經被吸引住停晒腳步,叫佢哋返轉頭先食都唔得啦!算吧!橫掂自己時間,要食就食啦!



小小嘅店舖,老闆娘好好人,好nice咖!同我一樣識講少少英文,所以溝通到呀!

啲帶子好大隻好鮮甜啊!

粟米好多汁好甜,尤魚好淋

巧甜嘅士多啤利啊!

嚟到哩刻,三寶已經好開心,不停咁話跟團死趕難趕就唔可以咁啦!

終於都正正式式到達咗第一個景點啦!
 


 ....續  Day 1.3@三段壁










5 則留言: